2 weeks ago
79
ARTICLE AD BOX
ନୂଆଦିଲ୍ଲୀ: ରୁଷ୍ରୁ ଭାରତର ଅଶୋଧିତ ତେଲ କିଣାକୁ ନେଇ ୟୁକ୍ରେନ୍ରେ ଭାରତର ବୈଦେଶିକ ମନ୍ତ୍ରୀ ଏସ୍. ଜୟଶଙ୍କର ଭାରତର ଆଭିମୁଖ୍ୟ ସ୍ପଷ୍ଟ କରିଛନ୍ତି । ଗୁରୁବାର କିବ୍ରେ ଜଣେ ୟୁକ୍ରେନୀୟ ସାମ୍ବାଦିକ ଭାରତ ରୁଷ୍ରୁ ତେଲ କିଣିବା ଜାରି ରଖିବ କି ନାହିଁ ବୋଲି ପ୍ରଶ୍ନ କରିଥିଲେ । ଏହାର ଉତ୍ତରରେ ଜୟଶଙ୍କର କହିଥିଲେ, କୌଣସି ଦେଶ ତେଲ, ଖଣିଜ ବା ଧାତୁ କିଣୁଛି କି ନାହିଁ, ତାହାଦ୍ବାରା ରୁଷ୍-ୟୁକ୍ରେନ୍ ଯୁଦ୍ଧ ଶେଷ ହେବ ନାହିଁ । ଏହି ସଂଘର୍ଷର ସମାଧାନ କୂଟନୀତି ଓ ଆଲୋଚନା ମାଧ୍ୟମରେ ହିଁ ସମ୍ଭବ ବୋଲି ସେ କହିଛନ୍ତି ।
ଚିରାଗ-ମାଂଝୀ ମୁହାଁମୁହିଁ: ଦଳିତ ଆରକ୍ଷଣରେ ‘କ୍ରିମି ଲେୟର’କୁ ନେଇ ଏନ୍ଡିଏରେ ଫାଟ
ଜୟଶଙ୍କର କହିଥିଲେ, ୟୁକ୍ରେନ୍ର ଏହି ପ୍ରସଙ୍ଗରେ ନିଜସ୍ୱ ମତ ରହିଛି ଏବଂ ଭାରତ ତାହାକୁ ସମ୍ମାନ କରେ । ସେହିପରି ଭାରତର ନିଜସ୍ୱ ଦୃଷ୍ଟିକୋଣକୁ ମଧ୍ୟ ଅନ୍ୟମାନେ ସମ୍ମାନ କରିବା ଉଚିତ । ପ୍ରାୟ ୧୪୦ କୋଟି ଲୋକଙ୍କୁ ଶକ୍ତି ଯୋଗାଇବାର ଦାୟିତ୍ବ ଭାରତର ରହିଛି ଏବଂ ବର୍ତ୍ତମାନ ବିଶ୍ୱ ଶକ୍ତି କ୍ଷେତ୍ର ମଧ୍ୟ ଏକ କଠିନ ସମୟ ଦେଇ ଗତି କରୁଛି । ୟୁକ୍ରେନ୍ର ବୈଦେଶିକ ମନ୍ତ୍ରୀ ଆନ୍ଦ୍ରି ସିବିହାଙ୍କ ସହ ବ୍ୟାପକ ଆଲୋଚନା ପରେ ଜୟଶଙ୍କର କହିଥିଲେ, ଯୁଦ୍ଧ ଶେଷ କରିବା ପାଇଁ ଭାରତ ଯେକୌଣସି ପ୍ରକାର ସହାୟତା କରିବାକୁ ପ୍ରସ୍ତୁତ । ଯୁଦ୍ଧକ୍ଷେତ୍ରରୁ ସମାଧାନ ବାହାରିବ ନାହିଁ ବୋଲି ଭାରତ ଆରମ୍ଭରୁ କହିଆସିଛି । ଏହାର ସମାଧାନ କେବଳ କଥାବାର୍ତ୍ତା ଓ କୂଟନୀତିରେ ଖୋଜିବାକୁ ପଡ଼ିବ ।
ଜୟଶଙ୍କର ପରେ ୟୁକ୍ରେନ୍ ରାଷ୍ଟ୍ରପତି ବୋଲଡିମିର ଜେଲେନ୍ସ୍କିଙ୍କୁ ଭେଟିଥିଲେ । ଏହି ସାକ୍ଷାତ୍ ସମୟରେ ଦ୍ୱିପାକ୍ଷିକ ସହଯୋଗ ବୃଦ୍ଧି ଏବଂ ଚାଲିଥିବା ସଂଘର୍ଷର ସମାଧାନ ଉପାୟ ନେଇ ଆଲୋଚନା ହୋଇଥିଲା । ରୁଷ୍ ଭାରତର ଗୁରୁତ୍ୱପୂର୍ଣ୍ଣ ତେଲ ଯୋଗାଣକାରୀ । ଭାରତ ନିଜ ଆବଶ୍ୟକତାର ପ୍ରାୟ ୯୦ ପ୍ରତିଶତ ଅଶୋଧିତ ତେଲ ବିଦେଶରୁ ଆଣେ । ୨୦୨୨ରେ ରୁଷ୍-ୟୁକ୍ରେନ୍ ଯୁଦ୍ଧ ଆରମ୍ଭ ଓ ପଶ୍ଚିମ ଦେଶଗୁଡ଼ିକର କଟକଣା ପରେ ରୁଷ୍ ତେଲରେ ରିହାତି ମିଳିଥିଲା । ଏହାର ଲାଭ ନେଇ ଭାରତୀୟ ତୈଳ ବିଶୋଧନାଗାରଗୁଡ଼ିକ ରୁଷ୍ରୁ ତେଲ କିଣା ବଢ଼ାଇଥିଲେ । ଜୁଲାଇ ୨୦୨୬ରେ ଭାରତର ମୋଟ ତେଲ ଆମଦାନିର ୫୦.୮୩ ପ୍ରତିଶତ ରୁଷ୍ରୁ ଆସିଥିଲା । ଏହି ଆମଦାନି ଦିନକୁ ପ୍ରାୟ ୨୪.୭ ଲକ୍ଷ ବ୍ୟାରେଲ ଥିଲା । ତେବେ ରୁଷ୍ରୁ ତେଲ କିଣିବାକୁ ନେଇ ଆମେରିକା ସମେତ ୟୁରୋପୀୟ ଦେଶଗୁଡ଼ିକ ଭାରତକୁ ସମାଲୋଚନା କରିଆସୁଛନ୍ତି ।
