2 weeks ago
6
ARTICLE AD BOX
ଇଲେକ୍ଟ୍ରିକ୍ ସ୍କୁଟର୍ ବଜାରରେ ନୂଆ ମଡେଲ୍ ଆଣିଛି ସିମ୍ପଲ୍ ଏନର୍ଜି। କମ୍ପାନି ତା’ର ପ୍ରଥମ ପରିବାର ପାଇଁ ତିଆରି ଇଲେକ୍ଟ୍ରିକ୍ ସ୍କୁଟର ‘ୱେଭ୍’ ଲଞ୍ଚ କରିଛି। ଏହାର ପ୍ରାରମ୍ଭିକ ଏକ୍ସ-ସୋରୁମ୍ ଦାମ ୧.୧୦ ଲକ୍ଷ ଟଙ୍କା। ଏହାର ଟପ୍ ମଡେଲ୍ ‘ୱେଭ୍+’ ଗୋଟିଏ ଚାର୍ଜରେ ୨୪୩ କି.ମି. ପର୍ଯ୍ୟନ୍ତ ରେଞ୍ଜ ଦେବ ବୋଲି କମ୍ପାନି ଦାବି କରିଛି।
୩ଟି ଭାରିଆଣ୍ଟ, ୬ଟି ମଡେଲ୍
ସିମ୍ପଲ୍ ୱେଭ୍କୁ ୱେଭ୍ ଏସ୍, ୱେଭ୍ ଓ ୱେଭ୍+ଏହି ୩ଟି ଭାରିଆଣ୍ଟରେ ଆଣିଛି। ଏଗୁଡ଼ିକରେ ୨.୨କିଲୋୱାଟ୍ରୁ ୫କିଲୋୱାଟ୍ ପର୍ଯ୍ୟନ୍ତ ବ୍ୟାଟେରି ବିକଳ୍ପ ରହିଛି।
ବେସ୍ ମଡେଲ୍ ୱେଭ୍ ଏସ୍ ଇବିଏନ୍ରେ ୨.୨କିଲୋୱାଟ୍ ବ୍ୟାଟେରି ଓ ୬.୦୩ଏଚ୍ପି ମୋଟର୍ ରହିଛି। ଏହାର ଆଇଡିସି ରେଞ୍ଜ ୧୧୦ କି.ମି.। ୨.୭କିଲୋୱାଟ୍ ଓ ୩.୭କିଲୋୱାଟ୍ ବ୍ୟାଟେରି ଥିବା ମଡେଲ୍ରେ ୮.୫୮ଏଚ୍ପି ମୋଟର୍ ମିଳୁଛି। ଏହି ଦୁଇ ମଡେଲ୍ ଯଥାକ୍ରମେ ୧୩୨ କି.ମି. ଓ ୧୭୧ କି.ମି. ରେଞ୍ଜ ଦେଇଥାଏ।
ଆହୁରି ପଢ଼ନ୍ତୁ- Rayagada Internet Crisi ରାୟଗଡ଼ା ଜିଲ୍ଲାର ୨୬୧୨ ଗ୍ରାମରୁ ୮୪୦ ଗ୍ରାମକୁ ମୋବାଇଲ ନେଟୱର୍କ ଅପହଞ୍ଚ
ୱେଭ୍+ରେ ୨୪୩ କିମି ରେଞ୍ଜ
ୱେଭ୍+ ହେଉଛି ଏହି ସିରିଜ୍ର ଟପ୍ ମଡେଲ୍। ଏଥିରେ ୫କିଲୋୱାଟ୍ ବ୍ୟାଟେରି ରହିଛି ଏବଂ କମ୍ପାନି ଅନୁସାରେ ଏହା ୨୪୩ କି.ମି. ଆଇଡିସି ରେଞ୍ଜ ଦେଇଥାଏ।
ଏହାର ଟପ୍ ସ୍ପିଡ୍ ୯୦ କିମି/ଘଣ୍ଟା ଏବଂ ଚକରେ ୧୭୯Nm ଟର୍କ ମିଳେ।
୭୦ ଲିଟର ଷ୍ଟୋରେଜ୍
ସିମ୍ପଲ୍ ୱେଭ୍ର ସବୁଠାରୁ ବଡ଼ ଆକର୍ଷଣ ହେଉଛି ଏହାର ଷ୍ଟୋରେଜ୍। ସ୍କୁଟରରେ ମୋଟ ୭୦ ଲିଟର ଷ୍ଟୋରେଜ୍ ମିଳୁଛି। ଏଥିରେ ୬୩ ଲିଟର ସିଟ୍ ତଳେ ଷ୍ଟୋରେଜ୍, ୩ ଲିଟର ଗ୍ଲୋଭ୍ ବକ୍ସ, ୪ ଲିଟର ଅତିରିକ୍ତ ‘ପିଲ୍’ କମ୍ପାର୍ଟମେଣ୍ଟ ରହିଛି। ତେବେ ଏହି ୪ ଲିଟର ପିଲ୍ କମ୍ପାର୍ଟମେଣ୍ଟ କେଉଁଠି ରହିବ, ସେନେଇ କମ୍ପାନି ଏପର୍ଯ୍ୟନ୍ତ ସବୁ ତଥ୍ୟ ଦେଇନାହିଁ।
ଚାର୍ଜିଂ ଓ ଅନ୍ୟ ଫିଚର୍ସ
ୱେଭ୍ର ସମସ୍ତ ମଡେଲ୍ ସହିତ ୭୫୦ୱାଟ୍ ପୋର୍ଟେବଲ୍ ଚାର୍ଜର ମିଳିବ। ଟପ୍ ଭାରିଆଣ୍ଟକୁ ୦ରୁ ୮୦ ପ୍ରତିଶତ ଚାର୍ଜ କରିବାକୁ ପ୍ରାୟ ୨ ଘଣ୍ଟା ୧୫ ମିନିଟ୍ ସମୟ ଲାଗେ।
ଉଚ୍ଚ ଭାରିଆଣ୍ଟରେ ୭ ଇଞ୍ଚର ଟିଏଫ୍ଟି ଡିସ୍ପ୍ଲେ, ଜିପିଏସ୍ ଟ୍ରାକିଂ, ଓଟିଏ ଅପ୍ଡେଟ୍ ଓ ହିଲ୍-ହୋଲ୍ଡ ଆସିଷ୍ଟ ଭଳି ଫିଚର୍ସ ମିଳିବ। ବେସ୍ ମଡେଲ୍ରେ ୫ ଇଞ୍ଚର ଇବିଏନ୍ ଡିସ୍ପ୍ଲେ ରହିଛି।
ଆହୁରି ପଢ଼ନ୍ତୁ- BJP alleges Punjab CM: ୫ କୋଟିରେ ଦୁଷ୍କର୍ମ ମାମଲା ରଫାଦଫା;ଅଡିଓ ରେକର୍ଡିଂ ଜାରି କରି ତଦନ୍ତ ଦାବି କଲା ବିଜେପି
ବର୍ଷା ଓ ପାଣି ଜମିଥିବା ରାସ୍ତା ପାଇଁ ଉପଯୋଗୀ
ସ୍କୁଟର୍ରେ ଟ୍ୟୁବୁଲାର୍ ଷ୍ଟିଲ୍ ଫ୍ରେମ୍, ଟେଲିସ୍କୋପିକ୍ ଫ୍ରଣ୍ଟ୍ ଫର୍କ ଓ ଟ୍ୱିନ୍ ରିଅର୍ ସକ୍ ଅବଜର୍ଭର ରହିଛି। ଏଥିରେ ୧୨ ଇଞ୍ଚର ଆଲୟ ଚକ, ଫ୍ରଣ୍ଟ୍ ଡିସ୍କ ଓ ରିଅର୍ ଡ୍ରମ୍ ବ୍ରେକ୍ ମିଳୁଛି। ଏହାର ଗ୍ରାଉଣ୍ଡ କ୍ଲିୟରାନ୍ସ ୧୭୫ଏମ୍ଏମ୍। କମ୍ପାନି ଦାବି ଅନୁସାରେ, ସ୍କୁଟରଟି ୩୦୦ଏମ୍ଏମ୍ ପର୍ଯ୍ୟନ୍ତ ପାଣି ଜମିଥିବା ରାସ୍ତାରେ ଚାଲିପାରିବ।
କେବେଠାରୁ ମିଳିବ?
ସିମ୍ପଲ୍ ୱେଭ୍ ପାଇଁ ବୁକିଂ କମ୍ପାନିର ଆଉଟଲେଟ୍ ଓ ୱେବ୍ସାଇଟ୍ରେ ଆରମ୍ଭ ହୋଇଛି। କମ୍ପାନି ଅନୁସାରେ, ସେପ୍ଟେମ୍ବର ଶେଷ ସପ୍ତାହରୁ ଡେଲିଭରି ଆରମ୍ଭ ହେବ। ସମୁଦାୟ ଭାବେ, ୭୦ ଲିଟର ଷ୍ଟୋରେଜ୍, ୨୪୩ କି.ମି. ପର୍ଯ୍ୟନ୍ତ ରେଞ୍ଜ ଓ ୧.୧୦ ଲକ୍ଷ ଟଙ୍କାର ପ୍ରାରମ୍ଭିକ ଦାମ ଯୋଗୁଁ ସିମ୍ପଲ୍ ୱେଭ୍ ଇଲେକ୍ଟ୍ରିକ୍ ସ୍କୁଟର ବଜାରରେ ଏକ ଆକର୍ଷଣୀୟ ବିକଳ୍ପ ହୋଇପାରେ।
ଅଧିକ ଦେଖନ୍ତୁ-
