2 weeks ago
7
ARTICLE AD BOX
କାଠମାଣ୍ଡୁ:ନେପାଳରେ ଘଟିଥିବା ଭୟଙ୍କର ବନ୍ୟାକୁ ଗୋଟିଏ ସପ୍ତାହ ପୂରଣ ହୋଇଛି। ହଜାର ହଜାର ପରିବାର ଏବେ ବି ସେମାନଙ୍କ ନିଖୋଜ ସମ୍ପର୍କୀୟଙ୍କ ଫେରିବା ଅପେକ୍ଷାରେ ଅଛନ୍ତି। କିନ୍ତୁ ଅନେକ ଆଶା ହରାଇଛନ୍ତି। ମୃତଦେହ ନ ପାଇ ସେମାନେ ହିନ୍ଦୁ ରୀତିନୀତି ଅନୁଯାୟୀ ସେମାନଙ୍କ ପ୍ରିୟଜନଙ୍କ ପାଇଁ ପ୍ରତୀକାତ୍ମକ ଅନ୍ତିମ ସଂସ୍କାର ଆରମ୍ଭ କରିଛନ୍ତି। ଏଥିପାଇଁ ନିଖୋଜଙ୍କ ନଡ଼ା କୁଶପୁତ୍ତଳିକା ତିଆରି କରାଯାଇ ଦାହ କରାଯାଉଛି।ଯେଉଁ ପରିବାରମାନେ ଆଉ ସେମାନଙ୍କର ପ୍ରିୟଜନଙ୍କୁ ଜୀବିତ ପାଇବାକୁ ଆଶା ରଖିନାହାନ୍ତି। ସେମାନେ ମୃତଦେହ ବିନା ଶେଷକୃତ୍ୟ କରୁଛନ୍ତି। ନିଖୋଜ ବ୍ୟକ୍ତିଙ୍କ ପ୍ରତୀକାତ୍ମକ ପ୍ରତିମୂର୍ତ୍ତି ନଡ଼ାରେ ତିଆରି କରି ପୋଡ଼ାଯାଉଛି। ଆଖିରୁ ଲୁହ ଝରାଇ ଲୋକେ କହିଛନ୍ତି,ଆମକୁ ଏହା କରିବାକୁ ପଡୁଛି, ଯାହା ଦ୍ୱାରା ନିଖୋଜଙ୍କ ଆତ୍ମା ​​ମୁକ୍ତ ହୋଇପାରିବ। ସେ ଯେଉଁଠାରେ ଥାଆନ୍ତୁ ସେଠାରେ ଶାନ୍ତି ଏବଂ ଖୁସିରେ ରୁହନ୍ତୁ।
ଶବ ସଂରକ୍ଷଣ କେନ୍ଦ୍ର ପାଇଁ ସ୍ଥାନ ଅଭାବ
ରାଜଧାନୀ କାଠମାଣ୍ଡୁରେ ଶହ ଶହ ଲୋକ ସେମାନଙ୍କର ନିଖୋଜ ସମ୍ପର୍କୀୟମାନଙ୍କୁ ଚିହ୍ନଟ କରିବା ପାଇଁ ଡିଏନଏ ନମୁନା ଦେବାକୁ ଆସୁଛନ୍ତି। ଶହ ଶହ ମୃତଦେହ ମିଳିବା ପରେ ଶବ ସଂରକ୍ଷଣ କେନ୍ଦ୍ର ପାଇଁ ସ୍ଥାନ ଅଭାବ ହୋଇପଡିଛି। କିଛି ମୃତଦେହକୁ ପୂର୍ବରୁ ପୋତି ଦିଆଯାଇଛି।
Trump’s New Order: ଜନ୍ମଗତ ନାଗରିକତାକୁ ସୀମିତ କରିବା ପାଇଁ ଟ୍ରମ୍ପଙ୍କ ନୂଆ ଆଦେଶକୁ ରୋକିଲେ ମେରିଲ୍ୟାଣ୍ଡର ଜିଲ୍ଲା କୋର୍ଟ
ନେପାଳର ବୈଦେଶିକ ମନ୍ତ୍ରଣାଳୟ କହିଛି,୩୨୪ ଜଣ ବିଦେଶୀ ନାଗରିକଙ୍କୁ ଉଦ୍ଧାର କରାଯାଇଛି, ଯେତେବେଳେ ୩୯ ଦେଶର ୫୯୦ ନାଗରିକ ନିଖୋଜ ଅଛନ୍ତି। ଦେଶର ବିପର୍ଯ୍ୟୟ ପରିଚାଳନା ସଂସ୍ଥା ଅନୁଯାୟୀ,ମୃତ୍ୟୁ ସଂଖ୍ୟା ୧,୨୦୪ ଛୁଇଁଛି। ୪,୨୦୦ ରୁ ଅଧିକ ନିଖୋଜ ଅଛନ୍ତି।
