4 days ago
4
ARTICLE AD BOX
ନୂଆଦିଲ୍ଲୀ: ଜୁଲାଇ ୨୦ ରେ ଜନ୍ତରମନ୍ତରଠାରେ ପ୍ରତିବାଦକାରୀଙ୍କ ‘ସଂସଦ ଚଲୋ’ ପଦଯାତ୍ରା ସମୟରେ ଦିଲ୍ଲୀ ପୁଲିସ ପକ୍ଷରୁ ଛାତ୍ରଙ୍କ ଉପରେ ବଳ ପ୍ରୟୋଗ କରାଯିବା ଘଟଣାରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କ ଭୂମିକା ଉପରେ ଲୋକସଭାରେ କଂଗ୍ରେସ ନେତା ରାହୁଲ ଗାନ୍ଧୀ ପ୍ରଶ୍ନ ଉଠାଇବାକୁ କକ୍ରୋଚ୍ ଜନତା ପାର୍ଟି (ସିଜେପି) ବୁଧବାର ସନ୍ଧ୍ୟାରେ ସମର୍ଥନ କରିଛନ୍ତି। ପ୍ରଶ୍ନପତ୍ର ଲିକ୍ ନିରୋଧୀ ଆଇନ ସଂସଦରେ ପାରିତ କରିବା ନେଇ ହୋଇଥିବା ବିତର୍କବେଳେ ରାହୁଲ ଗାନ୍ଧୀ ଛାତ୍ରମାନଙ୍କ ଉପରେ ଅତ୍ୟଧିକ ବଳ ପ୍ରୟୋଗକୁ ବିରୋଧ କରି ଗୃହମନ୍ତ୍ରୀ ଜବାବ ରଖନ୍ତୁ ବୋଲି ଦାବି କରିଥିଲେ। ରାହୁଲ ଗାନ୍ଧୀ କହିଥିଲେ, କେବଳ ଗୃହମନ୍ତ୍ରୀ କିମ୍ବା ପ୍ରଧାନମନ୍ତ୍ରୀ ପୁଲିସକୁ ବଳ ପ୍ରୟୋଗ କରିବାକୁ ନିର୍ଦ୍ଦେଶ ଦେଇପାରିବେ। କଂଗ୍ରେସ ନେତା ଆହୁରି ମଧ୍ୟ ଦାବି କରିଥିଲେ ଯେ, ସେ ଅମିତ ଶାହଙ୍କୁ ତାଙ୍କ ଗାଡ଼ିରେ ବସିଥିବାର ଦେଖିଲେ, କିନ୍ତୁ ସେ ଲୋକସଭାରେ ଉପସ୍ଥିତ ନାହାନ୍ତି କାରଣ ସେ ଭୟଭୀତ ଅଛନ୍ତି।
ଆହୁରି ପଢ଼ନ୍ତୁ: ୫୩ବର୍ଷରେ ପଦାର୍ପଣ କଲେ ସୋନୁ ନିଗମ
ରାହୁଲ ଗାନ୍ଧୀଙ୍କ ମନ୍ତବ୍ୟକୁ ଉଦ୍ଧୃତ କରି, ସିଜେପିର ମୁଖ୍ୟ ମୁଖପାତ୍ର ସୌରଭ ଦାସ ସାମାଜିକ ଗଣମାଧ୍ୟମ ‘ଏକ୍ସ’ରେ କହିଛନ୍ତି ଯେ, ଜୁଲାଇ ୨୦ ପୁଲିସ ବର୍ବରତା ମାମଲାରେ ଗୃହମନ୍ତ୍ରୀଙ୍କ ଭୂମିକା ଗମ୍ଭୀର ଚିନ୍ତା ସୃଷ୍ଟି କରେ। ତାଙ୍କୁ ଦାୟୀ କରାଯିବା ଉଚିତ। ପ୍ରତ୍ୟେକ ଜୀବନ ମୂଲ୍ୟବାନ। ଗୃହମନ୍ତ୍ରୀଙ୍କ ନିର୍ଦ୍ଦେଶରେ ଜଣେ ଛାତ୍ର ସାରା ଜୀବନ ପାଇଁ ତାଙ୍କର ଦୃଷ୍ଟିଶକ୍ତି ହରାଇଲା। ଏବେ ସେ ଉତ୍ତର ଦିଅନ୍ତୁ। ଲୋକସଭାରେ ରାହୁଲ ଗାନ୍ଧୀଙ୍କ ବୟାନକୁ ନେଇ ଟ୍ରେଜେରୀ ବେଞ୍ଚରେ ପ୍ରବଳ ହଟ୍ଟଗୋଳ ହୋଇଥିଲା। ସଂସଦୀୟ ବ୍ୟାପାର ମନ୍ତ୍ରୀ କିରେନ ରିଜିଜୁ ତୁରନ୍ତ ବିରୋଧୀ ଦଳ ନେତାଙ୍କ ମନ୍ତବ୍ୟ ଉପରେ ଆପତ୍ତି ଉଠାଇ ପଚାରିଲେ ଯେ, ସେ କେଉଁ ଆଧାରରେ ଏହି ଅଭିଯୋଗ କରୁଛନ୍ତି।
ଆହୁରି ପଢ଼ନ୍ତୁ: ପୂର୍ବତନ ଭାରତୀୟ ଅଧିନାୟକ ରାହାଣେଙ୍କ ଅବସର
ଅଧିକ ଦେଖନ୍ତୁ:
