4 weeks ago
14
ARTICLE AD BOX
ମୁମ୍ବାଇ: ମୁମ୍ବାଇରେ ଜାରି ରହିଥିବା ପ୍ରବଳ ବର୍ଷା ମଧ୍ୟରେ ରବିବାର ମଧ୍ୟାହ୍ନ ପ୍ରାୟ ୧୨ଟା ୪୦ ମିନିଟ୍ ସମୟରେ କୁର୍ଲା ପଶ୍ଚିମର ନୌପଡ଼ା ଅଞ୍ଚଳରେ ଥିବା ହିନ୍ଦୀ ବିଏମସି ସ୍କୁଲ ନିକଟରେ ଏକ ବଡ଼ ଗଛ ହଠାତ୍ ଏକ ଦୋକାନ ଉପରେ ଭାଙ୍ଗି ପଡ଼ିବା ଯୋଗୁଁ ଜଣେ ୬୩ ବର୍ଷୀୟ ବୃଦ୍ଧଙ୍କର ଦେହାନ୍ତ ହୋଇଛି। ମୃତ ବ୍ୟକ୍ତିଜଣକ ହେଉଛନ୍ତି ୟୁନୁସ୍ କୁନ୍ଦାୱାଲା, ଯିଏକି ଗଛ ପଡ଼ିବା ସମୟରେ ସେହି ଦୋକାନ ଭିତରେ ଥିଲେ ଏବଂ ଗଛ ତଳେ ଚାପି ହୋଇ ରହିଯାଇଥିଲେ। ସ୍ଥାନୀୟ ପ୍ରଶାସନ ଓ ପୌରପାଳିକା ଅଧିକାରୀଙ୍କ ସୂଚନା ଅନୁଯାୟୀ, ଦୁର୍ଘଟଣା ସମ୍ପର୍କରେ ଖବର ପାଇ ଅଗ୍ନିଶମ ବାହିନୀ, ସ୍ଥାନୀୟ ପୋଲିସ, ବିଇଏସଟି କର୍ମଚାରୀ ଓ ବିଏମସି ଅଧିକାରୀମାନେ ତୁରନ୍ତ ଘଟଣାସ୍ଥଳରେ ପହଞ୍ଚି ଯୁଦ୍ଧକାଳୀନ ଭିତ୍ତିରେ ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ।
ଆହୁରି ପଢନ୍ତୁ: Iran: ଟ୍ରମ୍ପଙ୍କ ବିବାଦୀୟ ମନ୍ତବ୍ୟ ନେଇ କଡ଼ା ଜବାବ ଦେଲା ଇରାନ
ଗଛ କାଟି ଭଗ୍ନାବଶେଷ ତଳୁ ୟୁନୁସଙ୍କୁ ଗୁରୁତର ଅବସ୍ଥାରେ ବାହାର କରି ନିକଟସ୍ଥ ଫୌଜିଆ ହସ୍ପିଟାଲକୁ ନେଇଥିଲେ ମଧ୍ୟ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ମୁମ୍ବାଇରେ ଚଳିତ ମୌସୁମୀ ଋତୁର ପ୍ରବଳ ବର୍ଷା ଆରମ୍ଭ ହେବା ପରଠାରୁ ଗୋଟିଏ ସପ୍ତାହ ମଧ୍ୟରେ ଗଛ ପଡ଼ି ପ୍ରାଣ ହରାଇବାରେ ଏହା ହେଉଛି ତୃତୀୟ ଦୁଃଖଦ ଘଟଣା। ଏହା ପୂର୍ବରୁ ଗତ ଜୁନ୍ ୩୦ ତାରିଖରେ ମୁମ୍ବାଇର ଚେମ୍ବୁର ଅଞ୍ଚଳରେ ଏକ ବିରାଟ ଗଛ ହଠାତ୍ ଉପୁଡ଼ି ଯାଇ ଏକ ଚଳନ୍ତି ସ୍କୁଲ ବସ୍ ଉପରେ ପଡ଼ିଯିବା ଫଳରେ ଜଣେ ୧୧ ବର୍ଷର ଶିଶୁର ଜୀବନ ଯାଇଥିବା ବେଳେ ଅନ୍ୟ କେତେକ ଛାତ୍ର ଗୁରୁତର ଭାବେ ଆହତ ହୋଇଥିଲେ।
