1 week ago
7
ARTICLE AD BOX
ତେହେରାନ: ପଶ୍ଚିମ ଇରାନରେ ଏକ ସଡ଼କ ଦୁର୍ଘଟଣା ପରେ ଏକ ଇନ୍ଧନ ଟ୍ୟାଙ୍କର୍ ବିସ୍ଫୋରଣରେ ୧୧ ଜଣଙ୍କର ମୃତ୍ୟୁ ଘଟିଛି। ବିସ୍ଫୋରଣରେ ନିକଟରେ ଥିବା ଅନେକ ଯାନବାହନରେ ନିଆଁଲାଗିଯାଇଛି। ଦୁର୍ଘଟଣାରେ ସାତ ଜଣ ଆହତ ମଧ୍ୟ ହୋଇଛନ୍ତି। ସରକାରୀ ସମାଚାର ଏଜେନ୍ସି ଆଇଆରଆଇବି ଅନୁଯାୟୀ, କୁର୍ଦିସ୍ତାନ ପ୍ରଦେଶର ସାନନ୍ଦାଜ କାଉଣ୍ଟି ଏବଂ ହାମାଦାନ ପ୍ରଦେଶର ହାମାଦାନ କାଉଣ୍ଟି ମଧ୍ୟରେ ଇଣ୍ଟରସିଟି ରାସ୍ତାରେ ଏହି ଦୁର୍ଘଟଣା ଘଟିଛି।
ନିକଟରେ ଚଳାଚଳ କରୁଥିବା ଅନେକ ଯାନରେ ମଧ୍ୟ ନିଆଁ
କୁର୍ଦିସ୍ତାନ ମେଡ଼ିକାଲ ସାଇନ୍ସ ବିଶ୍ବବିଦ୍ୟାଳୟର ଜରୁରୀକାଳୀନ ଚିକିତ୍ସା ସେବାର ମୁ୍ଖ୍ୟ ବାବାକ୍ ହୋଦେଇ କହିଛନ୍ତି, ବିସ୍ଫୋରଣରେ ନିକଟରେ ଚଳାଚଳ କରୁଥିବା ଅନେକ ଯାନରେ ମଧ୍ୟ ନିଆଁ ଲାଗିଯାଇଥିଲା। ଉଦ୍ଧାରକାରୀ ଦଳ ଆହତମାନଙ୍କୁ ସାନନ୍ଦଜର ଏକ ହସ୍ପିଟାଲକୁ ନେଇସାରିଛନ୍ତି। ସେ ଆହୁରି ମଧ୍ୟ କହିଛନ୍ତି ଯେ ଘଟଣାସ୍ଥଳରେ ରିଲିଫ୍ ଏବଂ ଉଦ୍ଧାର କାର୍ଯ୍ୟ ଜାରି ରହିଛି।
