1 hour ago
2
ARTICLE AD BOX
୧୯୦୩ ମସିହାରେ ବ୍ରିଟେନରେ ସ୍ଥାପିତ ‘ଫଉନା ଆଣ୍ଡ୍ ଫ୍ଲୋରା ଇଣ୍ଟରନ୍ୟାସନାଲ୍’ (ଏଫ୍ଏଫ୍ଆଇ) ବିଶ୍ୱର ସବୁଠାରୁ ପୁରାତନ ଅନ୍ତର୍ଜାତୀୟ ପ୍ରକୃତି ସଂରକ୍ଷଣ ସଂସ୍ଥାମାନଙ୍କ ମଧ୍ୟରୁ ଅନ୍ୟତମ। ଯେତେବେଳେ ଅନେକ ବନ୍ୟପ୍ରାଣୀ ଅତ୍ୟଧିକ ଶିକାର, ଜଙ୍ଗଲ ଧ୍ୱଂସ ଏବଂ ମଣିଷର ବଢୁଥିବା କାର୍ଯ୍ୟକଳାପ ଯୋଗୁଁ ବିଲୁପ୍ତିର ସମ୍ମୁଖୀନ ହେଉଥିଲେ, ସେତେବେଳେ କିଛି ପ୍ରକୃତିପ୍ରେମୀ ବୈଜ୍ଞାନିକ ଓ ସମାଜସେବୀ ମିଳିତ ଭାବେ ଏହି ସଂସ୍ଥା ଆରମ୍ଭ କରିଥିଲେ।
Greater Rourkela: ବୃହତ୍ ରାଉରକେଲା ପାଇଁ ଆଶା ଫିଟିଲା; ଆଉଟର୍ ରିଂ ରୋଡ୍ ପାଇଁ ୩ଟି ନକ୍ସା ପ୍ରସ୍ତୁତ
ବର୍ତ୍ତମାନ ସଂସ୍ଥାର ମୁଖ୍ୟ କାର୍ଯ୍ୟାଳୟ ଇଂଲଣ୍ଡର କେମ୍ବ୍ରିଜ୍ ସହରରେ ଅବସ୍ଥିତ। ଏହାର ପ୍ରଧାନ ଲକ୍ଷ୍ୟ ହେଉଛି ବିପଦାପନ୍ନ ବନ୍ୟପ୍ରାଣୀ, ଦୁର୍ଲଭ ଉଦ୍ଭିଦ, ଜଙ୍ଗଲ, ସାମୁଦ୍ରିକ ପରିବେଶ ଏବଂ ସମଗ୍ର ଜୈବ ବିବିଧତାର ସୁରକ୍ଷା କରିବା। ସଂସ୍ଥା କେବଳ ପ୍ରାଣୀମାନଙ୍କୁ ସୁରକ୍ଷା ଦେବାରେ ସୀମିତ ନୁହେଁ; ସେମାନଙ୍କର ପ୍ରାକୃତିକ ବାସସ୍ଥାନକୁ ମଧ୍ୟ ସଂରକ୍ଷଣ କରେ। ସ୍ଥାନୀୟ ଲୋକଙ୍କ ସହଭାଗିତାରେ କାମ କରି ଦୀର୍ଘସ୍ଥାୟୀ ସଂରକ୍ଷଣ ସୁନିଶ୍ଚିତ କରିବା ଏହାର ଏକ ପ୍ରମୁଖ ବିଶେଷତା। ଏଫ୍ଏଫ୍ଆଇ ଆଫ୍ରିକା, ୟୁରୋପ, କେନ୍ଦ୍ରୀୟ ଆମେରିକା, କାରିବିୟାନ୍ ଓ ଏସିଆ-ପ୍ରଶାନ୍ତ ମହାସାଗରୀୟ ଦେଶ ସମେତ ବିଶ୍ୱର ୪୦ରୁ ଅଧିକ ଦେଶରେ ପ୍ରକୃତି ସଂରକ୍ଷଣ କ୍ଷେତ୍ରେର କାର୍ଯ୍ୟ କରୁଛି। ଆରବିୟାନ୍ ଓରିକ୍ସର ପୁନଃବାସ, ପର୍ବତୀୟ ଗରିଲା ସଂରକ୍ଷଣ, ସିଆମିଜ୍ କୁମ୍ଭୀରର ସୁରକ୍ଷା ଏବଂ କଳା ଗଣ୍ଡମୃଗ ଭଳି ବିରଳ ପ୍ରଜାତିଙ୍କ ସଂରକ୍ଷଣରେ ଏହା ଉଲ୍ଲେଖନୀୟ ସଫଳତା ହାସଲ କରିଛି। ଏହା ସହିତ ସଂସ୍ଥା ବନ ପୁନରୁଦ୍ଧାର, ସାମୁଦ୍ରିକ ଜୀବ ସଂରକ୍ଷଣ, ଜଳବାୟୁ ପରିବର୍ତ୍ତନର ପ୍ରଭାବ ହ୍ରାସ ଏବଂ ପରିବେଶ ସଚେତନତା ବୃଦ୍ଧି ପାଇଁ ମଧ୍ୟ ନିରନ୍ତର କାର୍ଯ୍ୟ କରୁଛି। ବିଶ୍ୱପ୍ରସିଦ୍ଧ ପ୍ରକୃତିବିଦ୍ ସାର୍ ଡେଭିଡ୍ ଆଟେନ୍ବରୋ ଏହି ସଂସ୍ଥାର କାର୍ଯ୍ୟକୁ ସମର୍ଥନ କରନ୍ତି। ବ୍ରିଟିସ୍ ରାଜପରିବାରର କିଛି ସଦସ୍ୟ ମଧ୍ୟ ଏହା ସହ ଜଡ଼ିତ ରହିଛନ୍ତି। ସଂସ୍ଥା ‘ଓରିକ୍ସ’ ନାମକ ଏକ ପ୍ରସିଦ୍ଧ ବୈଜ୍ଞାନିକ ପତ୍ରିକା ପ୍ରକାଶ କରୁଛି, ଯେଉଁଥିରେ ପ୍ରକୃତି ସଂରକ୍ଷଣ ସମ୍ପର୍କିତ ନୂତନ ଗବେଷଣା ଓ ତଥ୍ୟ ପ୍ରକାଶ ପାଇଥାଏ।
Health: ଉପାନ୍ତ ଅଞ୍ଚଳରେ ସ୍ୱାସ୍ଥ୍ୟ ସେବାର ବିକଳ ଚିତ୍ର; ଫାର୍ମାସିଷ୍ଟ ଭରସାରେ ଚିକିତ୍ସା
୨୦୨୩ ମସିହାରେ ଏଫ୍ଏଫ୍ଆଇ ତାହାର ୧୨୦ ବର୍ଷର ଗୌରବମୟ ଯାତ୍ରା ପୂରଣ କରିଥିଲା। ଏହାପରେ ସଂସ୍ଥା ତାହାର ଅଧିକାଂଶ କାର୍ଯ୍ୟକ୍ରମକୁ ‘କେମ୍ବ୍ରିଜ୍ କନ୍ଜରଭେସନ୍ ଇନିସିଏଟିଭ୍’ ଅଧୀନରେ ଗଠିତ ନୂତନ ସଂଗଠନ ‘ଫଉନା ଆଣ୍ଡ୍ ଫ୍ଲୋରା’ ମାଧ୍ୟମରେ ଆଗକୁ ବଢ଼ାଇବାର ବ୍ୟବସ୍ଥା କରିଥିଲା। ଏହାର ଉଦ୍ଦେଶ୍ୟ ଥିଲା ପ୍ରକୃତି ସଂରକ୍ଷଣ କାର୍ଯ୍ୟକୁ ଅଧିକ ପ୍ରଭାବଶାଳୀ ଓ ବ୍ୟାପକ କରିବା।
