20 minutes ago
2
ARTICLE AD BOX
କୋଳକାତା:ପଶ୍ଚିମବଙ୍ଗରେ ୨ଟି ବିଧାନସଭା ଆସନରେ ଆସନ୍ତା ଅକ୍ଟୋବର ୬ ତାରିଖରେ ଉପନିର୍ବାଚନ ହେବାକୁ ଥିବାବେଳେ ଏହା ପୂର୍ବରୁ ନିର୍ବାଚନ କମିସନ (ଇସି) ଗତକାଲି ଟିଏମ୍ସି ନାମ ଓ ଚିହ୍ନକୁ ଅଚଳ କରିବା ସହିତ ଉପନିର୍ବାଚନ ପାଇଁ କୌଣସି ଗୋଷ୍ଠୀ ଏହାକୁ ବ୍ୟବହାର କରିପାରିବେନି ବୋଲି କହିଥିଲେ। ନିର୍ବାଚନ କମିସନ ଦଳର ପୂର୍ବ ନାମ ଓ ପ୍ରତୀକକୁ ଫ୍ରିଜ୍ କରିବା ପରେ ତୃଣମୂଳ କଂଗ୍ରେସର ଦୁଇ ପ୍ରତିଦ୍ୱନ୍ଦ୍ୱୀ ଗୋଷ୍ଠୀକୁ ଶୁକ୍ରବାର ପୃଥକ୍ ମଧ୍ୟବର୍ତ୍ତୀକାଳୀନ ନାମ ଓ ନିର୍ବାଚନୀ ଚିହ୍ନ ପ୍ରଦାନ କରିଛନ୍ତି।
କେବଳ ଏହି ଉପନିର୍ବାଚନ ପାଇଁ ପ୍ରଯୁଜ୍ୟ
ମମତା ବାନାର୍ଜୀଙ୍କ ନେତୃତ୍ବାଧୀନ ଗୋଷ୍ଠୀର ନାମ ‘ମମତା ଅଲ୍ ଇଣ୍ଡିଆ ତୃଣମୂଳ କଂଗ୍ରେସ’ ଓ ଦଳୀୟ ଚିହ୍ନ ‘ଫୁଟବଲ ଖେଳାଳୀ’ ରହିଛି। ଅନ୍ୟପକ୍ଷରେ ବିଦ୍ରୋହୀ ଗୋଷ୍ଠୀକୁ ‘ଡେମୋକ୍ରାଟିକ୍ ତୃଣମୂଳ କଂଗ୍ରେସ’ ନାଁ ଓ ଦଳୀୟ ଚିହ୍ନ ଭାବେ ‘ଲଫାଫା’ ପ୍ରଦାନ କରାଯାଇଛି। ତେବେ ଏହି ଦଳୀୟ ନାଁ ଓ ଚିହ୍ନ ଅସ୍ଥାୟୀ ଏବଂ କେବଳ ଏହି ଉପନିର୍ବାଚନ ପାଇଁ ପ୍ରଯୁଜ୍ୟ ବୋଲି ନିର୍ବାଚନ କମିସନ କହିଛନ୍ତି।
BJP Leader: ପଞ୍ଜାବରେ ବିଜେପି ନେତା ବିଟ୍ଟୁଙ୍କ କନଭୟ ଉପରେ ଆପ୍ କର୍ମୀଙ୍କ ଆକ୍ରମଣ ଅଭିଯୋଗ
