20 minutes ago
1
ARTICLE AD BOX
ୱାସିଂଟନ୍:ଆମେରିକାର ୱାୟୋମିଂରେ ଜଣେ ୨୮ ବର୍ଷୀୟ ପଞ୍ଜାବୀ ଶିଖ ଟ୍ରକ୍ ଚାଳକଙ୍କୁ ୧୭ ଥର ଛୁରାମାଡ଼ କରାଯାଇଛି। ସାକ୍ରାମେଣ୍ଟୋର ବାସିନ୍ଦା ଏହି ଚାଳକଙ୍କ ଗଳା, ଛାତି, ହାତ ଓ ପଞ୍ଜରାରେ ଆଘାତ ଲାଗିଛି। ସେ ହସ୍ପିଟାଲରେ ଚିକିତ୍ସାଧୀନ ଅଛନ୍ତି। ଇଣ୍ଟରଷ୍ଟେଟ୍-୮୦ ନିକଟ ବିଟର କ୍ରିକ୍ ରେଷ୍ଟ ଏରିଆରେ ଘଟଣାଟି ଘଟିଥିଲା। ପେନ୍ସିଲଭାନିଆ ଯାଉଥିବା ବେଳେ ସେ ଶୌଚାଳୟକୁ ଯାଇଥିଲେ। ସେଠାରେ ଜଣେ ବ୍ୟକ୍ତି ତାଙ୍କୁ ପିଛା କରି ହଠାତ୍ ଛୁରିରେ ଆକ୍ରମଣ କରିଥିଲେ। ଗୁରୁତର ଆହତ ଅବସ୍ଥାରେ ବାହାରକୁ ଆସି ସେ ସହାୟତା ପାଇଁ ଡାକିଥିଲେ।
ହସ୍ପିଟାଲରେ ଚିକିତ୍ସାଧୀନ
ଏକ ପରିବାର ତାଙ୍କ ଚିତ୍କାର ଶୁଣି ସହାୟତା କରିବା ସହ ଅଭିଯୁକ୍ତଙ୍କ ଟ୍ରକ୍ ସମ୍ପର୍କରେ ପୁଲିସକୁ ସୂଚନା ଦେଇଥିଲେ। ପରେ ୱାୟୋମିଂ ହାଇୱେ ପାଟ୍ରୋଲ୍ ରାୱଲିନ୍ସ ନିକଟରୁ ଆଣ୍ଡ୍ରୁ କ୍ରିସ୍ ବ୍ଜଡାକ୍ଙ୍କୁ ପୁଲିସ ଗିରଫ କରିଛି। ତାଙ୍କ ବିରୋଧରେ ପ୍ରଥମ ଶ୍ରେଣୀ ହତ୍ୟା ଉଦ୍ୟମ ମାମଲା ରୁଜୁ ହୋଇଛି। ଆକ୍ରମଣର କାରଣ ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ। ଘଟଣାର କିଛି ଦିନ ପୂର୍ବରୁ ଆମେରିକାର ହୋମ୍ଲ୍ୟାଣ୍ଡ ସିକ୍ୟୁରିଟି ବିଭାଗ ‘ମିଷ୍ଟର ସିଂହ’ଙ୍କୁ ନେଇ ଏକ ଏଆଇ ଚିତ୍ର ପ୍ରକାଶ କରିଥିଲା। ଏହାକୁ ନେଇ ବ୍ୟାପକ ସମାଲୋଚନା ପରେ ବିଭାଗ ପୋଷ୍ଟଟି ହଟାଇ ଦେଇଥିଲା।
NLC India: ଡ. ପ୍ରସନ୍ନ କୁମାର ଆଚାର୍ଯ୍ୟ ଏନ୍ଏଲ୍ସି ଇଣ୍ଡିଆର ନୂଆ ଅଧ୍ୟକ୍ଷ
