3 weeks ago
13
ARTICLE AD BOX
ୱାସିଂଟନ: ଆମେରିକା-ଇରାନ ବିବାଦ ପୁଣି ଥରେ ଉଗ୍ର ରୂପ ନେଇଛି। ଫଳରେ ମଧ୍ୟପ୍ରାଚ୍ୟ ପୁଣି ଅଶାନ୍ତ ହୋଇ ଉଠିଛି। ଏହି ସମୟରେ, ଆମେରିକୀୟ ଡିଜିଟାଲ ମିଡିଆ ୱେବସାଇଟ୍ ଆକ୍ସିଓସ୍ ଅନୁଯାୟୀ, ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏୟାର ଫୋର୍ସ ୱାନରେ ସାମ୍ବାଦିକମାନଙ୍କୁ କହିଛନ୍ତି ଯେ, ଇରାନୀ ଅଧିକାରୀମାନେ କିଛି ସମୟ ପୂର୍ବରୁ ଫୋନ୍ କରିଥିଲେ। ସେମାନେ ଏକ ଆପୋଷ ସମାଧାନ କରିବାକୁ ଚାହୁଁଛନ୍ତି। ଇରାନ କୌଣସି ଚୁକ୍ତି ପାଳନ କରିବା ନେଇ ବିଶ୍ୱାସ କରାଯାଇପାରିବ ନାହିଁ ବୋଲି ସେ ନିଶ୍ଚିତ ନଥିବା ଟ୍ରମ୍ପ କହିଛନ୍ତି।
ଇରାନର ବୈଦେଶିକ ମନ୍ତ୍ରୀ ସେୟଦ ଆବାସ ଆରାଘଚି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ସାମ୍ପ୍ରତିକ ମନ୍ତବ୍ୟ ଉପରେ ପ୍ରତିକ୍ରିୟା ଦେଇ କହିଛନ୍ତି, ଆମେ ଅପମାନଜନକ ଭାଷାରେ ନୁହେଁ, ବରଂ କାର୍ଯ୍ୟ ଦ୍ୱାରା ଜବାବ ଦେଇଥାଉ। ସେ କହିଛନ୍ତି, ଟ୍ରମ୍ପଙ୍କ ବକ୍ତବ୍ୟ ଇରାନବାସୀଙ୍କ ମହାନତା, ମର୍ଯ୍ୟାଦା ଏବଂ ଦୃଢ଼ ନିଷ୍ପତ୍ତିକୁ ଦୁର୍ବଳ କରିପାରିବ ନାହିଁ। ଇରାନ ନିଜର ଜାତୀୟ ସ୍ୱାର୍ଥ ଏବଂ ସାର୍ବଭୌମତ୍ୱକୁ ରକ୍ଷା କରିବା ପାଇଁ ପ୍ରତିଶ୍ରୁତିବଦ୍ଧ ଏବଂ କୌଣସି ଚାପ କିମ୍ବା ଅପମାନଜନକ ବୟାନବାଜି ଶୁଣି କେବେ ବି ପଛକୁ ହଟିବ ନାହିଁ।
ହର୍ମୁଜ୍ ପ୍ରଣାଳୀରେ ଜାହାଜ ଉପରେ ଆକ୍ରମଣ ଯୋଗୁଁ କ୍ରୋଧିତ ହୋଇ ଆମେରିକା ଇରାନ ଉପରେ ଆଉ ଏକ ଆକ୍ରମଣ ଆରମ୍ଭ କରିଛି। ଚାବାହାର ବନ୍ଦରରୁ ନେଇ ବନ୍ଦର ଆବାସ ପର୍ଯ୍ୟନ୍ତ, ଆମେରିକୀୟ ସେନା ପ୍ରବଳ ବୋମା ମାଡ଼ ଆରମ୍ଭ କରିଛି। ଏହି ବିନାଶକାରୀ ଆକ୍ରମଣରେ ଇରାନ ସମ୍ପୂର୍ଣ୍ଣ ଧ୍ୱଂସପ୍ରାପ୍ତ ହୋଇଥିବା ଜଣାପଡ଼ିଛି। ମାତ୍ର ଗୋଟିଏ ଦିନ ପୂର୍ବରୁ, ଆମେରିକୀୟ ରାଷ୍ଟ୍ରପତି ଘୋଷଣା କରିଥିଲେ ଯେ ଇରାନ ଏବଂ ଆମେରିକା ମଧ୍ୟରେ ଅସ୍ତ୍ରବିରତି ଚୁକ୍ତିନାମା ସମାପ୍ତ ହୋଇଛି।
Trump warning: ସମୟସୀମା ଶେଷ ହେବା ପୂର୍ବରୁ ନୂଆ ଧମକ ଦେଲେ ଡୋନାଲ୍ଡ ଟ୍ରମ୍ପ
ଆମେରିକୀୟ ସାମରିକ କାର୍ଯ୍ୟାନୁଷ୍ଠାନକୁ ସମର୍ଥନ କରି ଟ୍ରମ୍ପ କହିଛନ୍ତି, ତେହେରାନ ଅପେକ୍ଷା ବହୁତ ଶକ୍ତିଶାଳୀ ଭାବରେ ୱାସିଂଟନ ଜବାବ ଦେଇଛି। ଆମେ ସେମାନଙ୍କ ଉପରେ ଜୋରଦାର ଆକ୍ରମଣ କରିଥିଲୁ। ଇରାନୀମାନେ ଆମ ଉପରେ ଥରେ ଆକ୍ରମଣ କଲେ, ଆମେ ସେମାନଙ୍କ ଉପରେ ୨୦ ଥର ଆକ୍ରମଣ କରିବୁ।
