4 days ago
6
ARTICLE AD BOX
ଲଣ୍ଡନ: କାର୍ଡିଫରେ ଘଟିଥିବା ଏକ ଗୁପ୍ତ ରାଜନୈତିକ ଘଟଣା ସମଗ୍ର ଯୁକ୍ତରାଜ୍ୟର ଭବିଷ୍ୟତ ଉପରେ ଏକ ବଡ଼ ପ୍ରଶ୍ନବାଚୀ ସୃଷ୍ଟି କରିଛି। ଏକ ଚାଞ୍ଚଲ୍ୟକର ରିପୋର୍ଟ ଅନୁଯାୟୀ, ସ୍କଟଲ୍ୟାଣ୍ଡ, ୱେଲ୍ସ ଏବଂ ଉତ୍ତର ଆୟରଲ୍ୟାଣ୍ଡର ଶୀର୍ଷ ନେତାମାନେ ଗୋଟିଏ ମଞ୍ଚରେ ଏକାଠି ହୋଇ ଏକ ଚୁକ୍ତିନାମା ସ୍ୱାକ୍ଷର କରିବାକୁ ଯାଉଛନ୍ତି ଯାହା ଯୁକ୍ତରାଜ୍ୟର ଇତିହାସକୁ ବଦଳାଇ ଦେବ।ସୋମବାର ଅନୁଷ୍ଠିତ ହେବାକୁ ଥିବା ଏହି ଅଭୂତପୂର୍ବ ବୈଠକରେ, ତିନି ରାଷ୍ଟ୍ରର ପ୍ରଥମ ମନ୍ତ୍ରୀ, ଜନ୍ ସ୍ୱିନି, ରୁନ୍ ଆପ୍ ଇଓରୱର୍ଥ ଏବଂ ମିଶେଲ ଓ'ନିଲ୍ ଏକ ମିଳିତ ଘୋଷଣାନାମାରେ ସ୍ୱାକ୍ଷର କରିବେ, ଯାହାର ସିଧାସଳଖ ଲକ୍ଷ୍ୟ ହେଉଛି ଯୁକ୍ତରାଜ୍ୟକୁ ତିନୋଟି ଭାଗରେ ବିଭକ୍ତ କରିବା ଏବଂ ସ୍ୱାଧୀନତା ଉପରେ ଏକ ନୂତନ ଜନମତ ସଂଗ୍ରହ ପାଇଁ ପଥ ପ୍ରଶସ୍ତ କରିବା। ବ୍ରିଟିଶ ସାମ୍ରାଜ୍ୟ ଯୁକ୍ତରାଜ୍ୟ ଭାଙ୍ଗିବା ପ୍ରକ୍ରିୟା ଆରମ୍ଭ କରିବା ପାଇଁ ଲକ୍ଷ୍ୟ ରଖି ଏକ ଚୁକ୍ତିନାମା ସ୍ୱାକ୍ଷର କରିବା ପାଇଁ ସୋମବାର ସ୍କଟଲ୍ୟାଣ୍ଡ, ୱେଲ୍ସ ଏବଂ ଉତ୍ତର ଆୟରଲ୍ୟାଣ୍ଡର ନେତାମାନେ ଏକାଠି ହେବେ।
ରାଜନୈତିକ ବିଶେଷଜ୍ଞମାନଙ୍କ ଅନୁସାରେ ବ୍ରିଟିଶ ଇତିହାସରେ ପ୍ରଥମ ଥର ପାଇଁ ସ୍କଟଲ୍ୟାଣ୍ଡ, ୱେଲ୍ସ ଏବଂ ଉତ୍ତର ଆୟର୍ଲାଣ୍ଡରେ ସ୍ୱାଧୀନତାକୁ ସମର୍ଥନ କରୁଥିବା ସରକାର ଏକକାଳୀନ କ୍ଷମତାରେ ଅଛନ୍ତି। ଏହି ତ୍ରିମୁଖୀ ମେଣ୍ଟ ବ୍ରିଟିଶ ପ୍ରଧାନମନ୍ତ୍ରୀ ଆଣ୍ଡି ବର୍ନହାମଙ୍କ ଉପରେ ସିଧାସଳଖ ଚାପ ପକାଇଛି। ବର୍ନହାମ ମାତ୍ର କିଛି ଦିନ ପୂର୍ବରୁ ପ୍ରଧାନମନ୍ତ୍ରୀ ହୋଇଥିଲେ ଏବଂ ଏବେ ସେ ଗମ୍ଭୀର ସମସ୍ୟାରେ ପଡ଼ିଛନ୍ତି।
ସ୍ୱାଧୀନତା ସପକ୍ଷରେ ସ୍ପଷ୍ଟ ସହମତି ହେଲେ ବ୍ରିଟିଶ ପ୍ରଧାନମନ୍ତ୍ରୀ ଆଣ୍ଡି ବର୍ନହାମ ସାଂସଦମାନଙ୍କୁ କହିଛନ୍ତି, ସେ ଆଉ ଏକ ସ୍କଟଲ୍ୟାଣ୍ଡ ଜନମତ ସଂଗ୍ରହ ପାଇଁ ଅନୁମତି ଦେବେ। ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏକ ସଂଯୁକ୍ତ ଆୟରଲ୍ୟାଣ୍ଡ ଦେଖିବାକୁ ପସନ୍ଦ କରୁଥିବା କହିବାର ଦୁଇ ଦିନ ପରେ ଏହି ସମ୍ମିଳନୀ ହୋଇଛି। ଶନିବାର ଡବଲିନ ଗସ୍ତ ସମୟରେ, ସେ କହିଥିଲେ ଯେ, ଉତ୍ତର ଆୟରଲ୍ୟାଣ୍ଡ ଗଣରାଜ୍ୟରେ ଯୋଗଦାନ କରିବା ଭଲ ପଦକ୍ଷେପ ହେବ।
ଇଂଲଣ୍ଡରେ କ୍ଷମତାର ବିକେନ୍ଦ୍ରୀକରଣକୁ ତାଙ୍କ ଏଜେଣ୍ଡାର କେନ୍ଦ୍ରରେ ରଖିଥିବା ପ୍ରଧାନମନ୍ତ୍ରୀଙ୍କ ଉପରେ ଜାତୀୟତାବାଦୀ ନେତାମାନେ ଚାପ ବୃଦ୍ଧି କରିବାରୁ ଆମେରିକା ରାଷ୍ଟ୍ରପତି ଏଥିରେ ହସ୍ତକ୍ଷେପ କରିଛନ୍ତି। ଏସଏନପି ନେତା ଏବଂ ସ୍କଟଲ୍ୟାଣ୍ଡର ପ୍ରଥମ ମନ୍ତ୍ରୀ ଜନ୍ ସ୍ୱିନି ଦାବି କରିଛନ୍ତି, ବର୍ନହାମ ଏହି ଚିନ୍ତାଧାରାର ସମ୍ମୁଖୀନ ହେଉଛନ୍ତି ଯେ ସେ ଯୁକ୍ତରାଜ୍ୟର ଶେଷ ପ୍ରଧାନମନ୍ତ୍ରୀ ଭାବରେ ଇତିହାସରେ ସ୍ଥାନ ପାଇବେ। କାର୍ଡିଫରେ ସେଣ୍ଟ ଡେଭିଡ୍ସ ହୋଟେଲରେ ଅନୁଷ୍ଠିତ ହେବାକୁ ଥିବା ଏହି ବୈଠକରେ, ଚାରୋଟି ପ୍ରମୁଖ ଦଳର ନେତାମାନେ ଚାରୋଟି ପ୍ରମୁଖ ପ୍ରସଙ୍ଗରେ ସହମତି ପ୍ରକାଶ ପାଇଁ ଏକ ବିସ୍ତୃତ ରୋଡମ୍ୟାପ୍ ଉପସ୍ଥାପନ କରିବେ। ସେସବୁ ହେଉଛି, ଅର୍ଥନୀତି, ଶକ୍ତି, ୟୁରୋପୀୟ ସଂଘ , ଆନ୍ତର୍ଜାତୀୟ ସହଯୋଗ ଏବଂ ଆତ୍ମନିର୍ଣ୍ଣୟର ଅଧିକାର।
ସ୍ୱାଧୀନତା ପରେ ସ୍କଟଲାଣ୍ଡ ଏବଂ ୱେଲ୍ସ ୟୁରୋପୀୟ ସଂଘର ସ୍ୱାଧୀନ ସଦସ୍ୟ ହେବା ପାଇଁ ଯୋଜନା ସହିତ ଆଗକୁ ବଢ଼ିବେ। ଉତ୍ତର ଆୟର୍ଲାଣ୍ଡ ଆୟର୍ଲାଣ୍ଡ ଗଣରାଜ୍ୟ ସହିତ ମିଶ୍ରଣ କରି ଇୟୁର ଅଂଶ ହେବାକୁ ଚେଷ୍ଟା କରିବ। ସ୍କଟିସ୍ ପ୍ରଥମ ମନ୍ତ୍ରୀ ଜନ୍ ସ୍ୱିନି କହିଛନ୍ତି, ଏହା ଏକ ସ୍ପଷ୍ଟ ସୂଚକ ଯେ ବର୍ତ୍ତମାନର ପରିସ୍ଥିତି ଆଉ ସ୍ଥାୟୀ ନୁହେଁ ଏବଂ ୱେଷ୍ଟମିନିଷ୍ଟରକୁ ୟୁକେ ପରବର୍ତ୍ତୀ ଭବିଷ୍ୟତ ପାଇଁ ପ୍ରସ୍ତୁତ ହେବାକୁ ପଡିବ।
