57 minutes ago
1
ARTICLE AD BOX
ୱାସିଂଟନ:ଆମେରିକାର ଦକ୍ଷିଣ ଜର୍ଜିଆ ରାଜ୍ୟରୁ ଗଭର୍ନର ଦୌଡ଼ରେ ବିଜୟୀ ହୋଇଛନ୍ତି ଆଟଲାଣ୍ଟାର ପୂର୍ବତନ ମେୟର ତଥା ଡେମୋକ୍ରାଟ୍ କେଇଶା ଲାନ୍ସ ବଟମ୍ସ। ମଙ୍ଗଳବାର ବଟମ୍ସଙ୍କ ଏହି ବିଜୟ ତାଙ୍କୁ ଆମେରିକାର କୌଣସି ରାଜ୍ୟରେ ପ୍ରଥମ କୃଷ୍ଣକାୟ ମହିଳା ଗଭର୍ନର କରିପାରିଛି।
ସିଏନ୍ଏନ୍ ଓ ଏନ୍ବିସି ପୂର୍ବରୁ ତାଙ୍କ ବିଜୟ ସପକ୍ଷରେ ଯୁକ୍ତି ବାଢ଼ିଥିଲା। ବଟମ୍ସ ରିପବ୍ଲିକାନ୍ ପ୍ରାର୍ଥୀ କୋଟିପତି ସ୍ୱାସ୍ଥ୍ୟସେବା କାର୍ଯ୍ୟନିର୍ବାହୀ ରିକ୍ ଜ୍ୟାକସନଙ୍କୁ ପରାସ୍ତ କରିଛନ୍ତି। ବିଦାୟୀ ରିପବ୍ଲିକାନ୍ ଗଭର୍ଣ୍ଣର ବ୍ରାଏନ୍ କେମ୍ପଙ୍କ କାର୍ଯ୍ୟକାଳ ସୀମିତ ଥିଲା ଓ ସେ ଆଉ ଥରେ ନିର୍ବାଚନ ଲଢ଼ିପାରିଲେ ନାହିଁ। କେଇଶାଙ୍କ ବିଜୟ ଦୁଇ ଦଶନ୍ଧିରୁ ଅଧିକ ସମୟ ଧରି ରିପବ୍ଲିକାନ ନିୟନ୍ତ୍ରଣରେ ଥିବା ଗଭର୍ନର କାର୍ଯ୍ୟାଳୟକୁ ଡେମୋକ୍ରାଟଙ୍କୁ ଫେରାଇ ଆଣିଛି।
ଅକ୍ଟୋବର ମାସରେ ବଟମ୍ସଙ୍କ ପାଇଁ ପ୍ରଚାର କରିଥିଲେ
କେଇଶାଙ୍କ ବିଜୟ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ପାଇଁ ବଡ଼ ଝଟ୍କା ହୋଇଛି। କାରଣ ସେ ଜ୍ୟାକସନଙ୍କୁ ସମର୍ଥନ କରିବା ସହିତ ଆଟଲାଣ୍ଟା ଅଞ୍ଚଳରେ ତାଙ୍କ ସହିତ ପ୍ରଚାର କରିଥିଲେ। ପୂର୍ବତନ ରାଷ୍ଟ୍ରପତି ବାରାକ୍ ଓବାମା ଅକ୍ଟୋବର ମାସରେ ବଟମ୍ସଙ୍କ ପାଇଁ ପ୍ରଚାର କରିଥିଲେ। ବଟମ୍ସ ୨୦୧୮ରୁ ୨୦୨୨ ପର୍ଯ୍ୟନ୍ତ ଆଟଲାଣ୍ଟା ମେୟର ଭାବେ କାର୍ଯ୍ୟ କରିଥିଲେ। ତାଙ୍କ ପ୍ରଚାର ସମୟରେ, ବଟମ୍ସ ମେଡିକାଲ ସହାୟତା ବିସ୍ତାର କରିବା, ପରିବାର ପାଇଁ ଖର୍ଚ୍ଚ ହ୍ରାସ କରିବା ଓ ଭୋଟ୍ ଅଧିକାରକୁ ସୁରକ୍ଷିତ ରଖିବା ପାଇଁ ପ୍ରତିଶ୍ରୁତି ଦେଇଥିଲେ।
