2 weeks ago
8
ARTICLE AD BOX
ତିରୁବନନ୍ତପୁରମ୍: କେରଳର କନ୍ନୁରରେ ଜଣେ ଶିକ୍ଷକ ଦୁଇ ବର୍ଷ ଧରି ଜଣେ ନାବାଳିକା ଛାତ୍ରୀଙ୍କୁ ବାରମ୍ବାର ଯୌନ ନିର୍ଯାତନା ଦେବା ଅଭିଯୋଗରେ ଗିରଫ ହୋଇଛନ୍ତି। ନିର୍ଯାତନା ପ୍ରକାଶ ନ କରିବା ପାଇଁ ସେ ଛାତ୍ରୀଙ୍କୁ ଧମକ ଦେଉଥିଲେ। ଅଭିଯୁକ୍ତ ଶିକ୍ଷକଙ୍କୁ ମାଲାପ୍ପୁରମର ମୁଥୁଭଲ୍ଲୁରର ବାସିନ୍ଦା ମହମ୍ମଦ ବସିର୍ ଭାବରେ ଚିହ୍ନଟ କରାଯାଇଛି।
ଛାତ୍ରୀଙ୍କ ଦ୍ୱାରା ଦାଖଲ କରାଯାଇଥିବା ଅଭିଯୋଗ ଅନୁଯାୟୀ, ନାବାଳିକାଙ୍କୁ ୧୧ ବର୍ଷ ବୟସ ହୋଇଥିବାବେଳେ ସେବେଠାରୁ ଶିକ୍ଷକ ଜଣକ ନିର୍ଯାତନା ଦେଇଆସୁଥିଲେ। ଛାତ୍ରୀଙ୍କ ଅଭିଯୋଗ ଅନୁଯାୟୀ ପୁଲିସ ପୋକ୍ସୋ ଓ ଅନ୍ୟ ଧାରାରେ ମାମଲା ରୁଜୁ କରିଛି। ପୁଲିସ ମାମଲାର ତଦନ୍ତ ଆରମ୍ଭ କରି ଅଭିଯୁକ୍ତ ଶିକ୍ଷକଙ୍କୁ ଗିରଫ କରିଛି। ଗିରଫ ପରେ ବସିର୍ଙ୍କୁ ଥାଲାସେରି ପୋକ୍ସୋ କୋର୍ଟରେ ହାଜର କରାଯାଇଥିଲା। କୋର୍ଟ ତାଙ୍କୁ ୧୪ ଦିନ ପାଇଁ କନ୍ନୁର କେନ୍ଦ୍ରୀୟ କାରାଗାରକୁ ପଠାଇ ଦେଇଛନ୍ତି। ଛାତ୍ରୀଙ୍କ ଅଭିଯୋଗ ପରେ ଚୋକଲି ପୁଲିସ ଦ୍ୱାରା ଲାଗୁ କରାଯାଇଥିବା ଧାରା ଅନୁଯାୟୀ ମାମଲାର ତଦନ୍ତ କରାଯାଉଛି।
Harassment Case: ମହିଳା କୁସ୍ତିଯୋଦ୍ଧାଙ୍କୁ ଯୌନ ନିର୍ଯାତନା ମାମଲା: ନିର୍ଦ୍ଦୋଷରେ ଖଲାସ ହେଲେ ବ୍ରିଜ ଭୂଷଣ
