2 months ago
10
ARTICLE AD BOX
ବିଶକେକ: କିର୍ଗିଜସ୍ତାନର ରାଜଧାନୀ ବିଶକେକରେ ଚାଲିଥିବା ଏସସିଓ ସମ୍ମିଳନୀ ପରେ, ପାକିସ୍ତାନର ପରଶ୍ରୀକାତର କାର୍ଯ୍ୟ ଏବେ ସାରା ବିଶ୍ବ ଦେଖିଛି। ପାକିସ୍ତାନ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ଏସସିଓ ଫଟୋ ସେସନ୍ରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଇରାନ ରାଷ୍ଟ୍ରପତି ମାସୁଦ ପେଜେଶକିୟାନ୍ଙ୍କ ଫଟୋ ହଟାଇ ଦେଇଛି। କୂଟନୈତିକ ଶିଷ୍ଟାଚାରକୁ ଅଣଦେଖା କରି ସମ୍ମିଳନୀର ଏକ ସମ୍ପାଦିତ କ୍ରପ୍ ଫଟୋ ପାକିସ୍ତାନ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟର ସରକାରୀ ସୋସିଆଲ ମିଡିଆ ହ୍ୟାଣ୍ଡେଲ୍ରେ ପୋଷ୍ଟ କରାଯାଇଛି।ସମ୍ମିଳନୀରେ ସମସ୍ତ ସଦସ୍ୟ ଦେଶର ରାଷ୍ଟ୍ରମୁଖ୍ୟଙ୍କ ଏକ ପାରମ୍ପରିକ ଗୋଷ୍ଠୀ ଫଟୋ ରଖାଯାଇଥିଲା। ଏହି ଗୋଷ୍ଠୀ ଫଟୋରେ, ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ଚୀନ୍ ରାଷ୍ଟ୍ରପତି ସି ଜିନପିଙ୍ଗ, ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନ ଏବଂ ଇରାନ ରାଷ୍ଟ୍ରପତି ମାସୁଦ ପେଜେଶକିୟାନ୍ଙ୍କ ସମେତ ସମସ୍ତ ନେତା ଗୋଟିଏ ଫ୍ରେମ୍ରେ ଏକାଠି ଠିଆ ହୋଇଥିଲେ। ପାକିସ୍ତାନ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟର ଏହି ପୋଷ୍ଟକୁ ଟ୍ରୋଲ୍ କରାଯାଉଛି। ୟୁଜର ପାକିସ୍ତାନକୁ ପରିହାସ କରି ସମ୍ପୂର୍ଣ୍ଣ ଫଟୋ ପୋଷ୍ଟ କରିଛନ୍ତି।
ଭାରତ ସେୟାର କଲା ସମ୍ପୂର୍ଣ୍ଣ ଫଟୋ
ଆଶ୍ଚର୍ଯ୍ୟର କଥା, ପାକିସ୍ତାନ ଭାରତ ପ୍ରତି ଶତ୍ରୁତାପୂର୍ଣ୍ଣ ମନୋଭାବ ରଖି ପ୍ରଧାନମନ୍ତ୍ରୀ ମୋଦୀଙ୍କ ଫଟୋ ଦେଖାଇବାକୁ ଚାହୁଁ ନଥାଇପାରେ। କିନ୍ତୁ ଇରାନ ରାଷ୍ଟ୍ରପତି ମୋଦୀଙ୍କ ପାଖରେ ଠିଆ ହୋଇଥିଲେ। ପାକିସ୍ତାନ ତାଙ୍କ ଫଟୋ ଦେଖାଇ ଥାଇପାରିଥାନ୍ତା। ମାତ୍ର ପାକିସ୍ତାନ ଇରାନ ରାଷ୍ଟ୍ରପତିଙ୍କ ଫଟୋକୁ ମଧ୍ୟ କ୍ରପ୍ କରିଦେଇଛି। ଏପରିସ୍ଥଳେ ପାକିସ୍ତାନ ଇରାନ ଏବଂ ଆମେରିକା ମଧ୍ୟରେ ମଧ୍ୟସ୍ଥତା କରୁଥିବା ଦାବି କରୁଛି।
ଜୀବନ ହାରିଲେ ମମତା ବାନାର୍ଜୀଙ୍କ ଝିଆରୀ: ଘରେ ଝୁଲନ୍ତା ଅବସ୍ଥାରେ ମୃତଦେହ
