1 hour ago
1
ARTICLE AD BOX
ମୁମ୍ବାଇ: ଅଶୋଧିତ ତୈଳ ମୂଲ୍ୟରେ ହ୍ରାସ ନିବେଶକଙ୍କ ମନୋବଳକୁ ବୃଦ୍ଧି କରିଥିଲା। ତାହାର ପ୍ରଭାବରେ ଆଜି ବମ୍ବେ ଷ୍ଟକ ଏକ୍ସଚେଞ୍ଜର ସେନ୍ସେକ୍ସ ୫୪୪.୩୯ ପଏଣ୍ଟ ବୃଦ୍ଧି ପାଇ ୭୮,୬୩୯.୦୩ ପଏଣ୍ଟରେ ବନ୍ଦ ହୋଇଥିଲା। ନ୍ୟାସ୍ନାଲ୍ ଷ୍ଟକ୍ ଏକ୍ସଚେଞ୍ଜର ନିଫ୍ଟି୫୦ ୩୯୦.୭୦ ପଏଣ୍ଟ ବୃଦ୍ଧି ପାଇ ୨୪,୭୭୪.୩୦ ପଏଣ୍ଟରେ ବନ୍ଦ ହୋଇଥିଲା।
ଆହୁରି ପଢନ୍ତୁ :Odisha wins 66 medals including 51 gold: ଇଣ୍ଡିଆନ୍ ଚ୍ୟାଲେଞ୍ଜର କପ୍ କରାଟେ: ଓଡ଼ିଶାକୁ ୫୧ ସ୍ବର୍ଣ୍ଣ ସହ ୬୬ ପଦକ
ଆଜି ବ୍ରେଣ୍ଟ କ୍ରୁଡ୍ ମୂଲ୍ୟ ପ୍ରାୟ ୫% ହ୍ରାସ ପାଇ ବ୍ୟାରେଲ୍ ପ୍ରତି ୮୩.୭ ଡଲାରରେ ପହଞ୍ଚିବା ପରେ ଷ୍ଟକ୍ ବଜାର କାରବାରରେ ବୃଦ୍ଧି ଘଟିଥିଲା। ଯୁକ୍ତରାଷ୍ଟ୍ର ଆମେରିକା ଓ ଇରାନ ମଧ୍ୟରେ କୂଟନୈତିକ ଆଲୋଚନାର ଆଶା ଦେଖାଦେବାପରେ ମଧ୍ୟପ୍ରାଚ୍ୟରେ ଯୋଗାଣ ପ୍ରଭାବିତ ହେବା ଆଶଙ୍କା ସାମାନ୍ୟ ଦୂର ହୋଇଛି। ଭାରତ ଏହାର ଅଶୋଧିତ ତୈଳ ଆବଶ୍ୟକତାର ୮୫%ରୁ ଅଧିକ ଆମଦାନି କରୁଛି। ତୈଳ ମୂଲ୍ୟ ହ୍ରାସକୁ ଏକ ପ୍ରମୁଖ ସକାରାତ୍ମକ ବିଷୟ ଭାବରେ ଦେଖାଯାଉଛି।
ଆହୁରି ପଢନ୍ତୁ :Honest Police Constable ପୁଲିସ ସିପାହୀଙ୍କ ନିର୍ଲୋଭତା, ରାସ୍ତାରୁ ପାଇଥିବା ୧.୧୦ ଲକ୍ଷ ଟଙ୍କା, ଲାପଟପ୍ ଓ ମୋବାଇଲ୍ ଫେରାଇଲେ
କାରଣ ଏହା ମୁଦ୍ରାସ୍ଫୀତି ଚାପକୁ ହ୍ରାସ କରିବା ସହିତ କର୍ପୋରେଟ୍ ଲାଭ ବଢ଼ାଏ ଓ ଦେଶର ଆମଦାନି ବିଲ୍ ହ୍ରାସ କରିଥାଏ। ସେଥିପାଇଁ ତେଲ ଦର ହ୍ରାସ ପରେ ସେନ୍ସେକ୍ସ ଓ ନିଫ୍ଟିରେ ବୃଦ୍ଧି ହୋଇଥିଲା। ଆଜି ସେନ୍ସେକ୍ସରେ ଇଣ୍ଡିଗୋ ସେୟାର ମୂଲ୍ୟ ୪.୨୨%, ଟିସିଏସ୍ର ୩.୫୭%, ଇନଫୋସିସ୍ର ୩.୫୪%, ଇଟର୍ନାଲ୍ ୨.୫୩% ଓ ଆଇଟିସି ସେୟାର ମୂଲ୍ୟ ୧.୯୦% ବୃଦ୍ଧି ପାଇଥିଲା। ଆକ୍ସିସ୍ ବ୍ୟାଙ୍କ, ବଜାଜ୍ ଫିନସର୍ଭ, ଲାର୍ସନ୍ ଆଣ୍ଡ୍ ଟୁବ୍ରୋ ଓ ଷ୍ଟେଟ୍ ବ୍ୟାଙ୍କ ସେୟାର ମୂଲ୍ୟ ମଧ୍ୟ ବୃଦ୍ଧି ସହ ବନ୍ଦ ହୋଇଥିଲା। ଅନ୍ୟପକ୍ଷରେ ସନ୍ ଫାର୍ମା, ଭାରତୀ ଏୟାରଟେଲ୍, ମାରୁତି ସୁଜୁକି ଓ ମହିନ୍ଦ୍ରା ଆଣ୍ଡ୍ ମହିନ୍ଦ୍ରାର ସେୟାର ମୂଲ୍ୟ ହ୍ରାସ ପାଇଥିଲା।
