11 hours ago
1
ARTICLE AD BOX
ନୂଆଦିଲ୍ଲୀ: ରାଜଧାନୀ ଦିଲ୍ଲୀର ଜନ୍ତରମନ୍ତରରେ କକ୍ରୋଚ୍ ଜନତା ପାର୍ଟି(ସିଜେପି) ପ୍ରତିବାଦ ସମୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବିରୋଧରେ ଆପତ୍ତିଜନକ ମନ୍ତବ୍ୟ ଦେଇଥିବା ନାବାଳିକା ଝିଅ ରୁଚିକା ସିଂହ କିଛି ଦିନ ଧରି ଖବରରେ ଅଛନ୍ତି। ଦିଲ୍ଲୀ ପୁଲିସ ରୁଚିକାଙ୍କୁ ବଡ଼ ଆଶ୍ବସ୍ତି ପ୍ରଦାନ କରିଛି। ପୁଲିସ ପକ୍ଷରୁ କୁହାଯାଇଛି, ତାଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ନିଆଯିବ ନାହିଁ। ଗତକାଲି ତାଙ୍କ ମାଆ ତାଙ୍କ ଝିଅ ବିରୋଧରେ ଦାୟର ହୋଇଥିବା ଏଫଆଇଆର ପ୍ରତ୍ୟାହାର କରିବାକୁ ନିବେଦନ କରିଥିଲେ।ଦିଲ୍ଲୀ ପୁଲିସର କହିବା ଅନୁଯାୟୀ, ଏପର୍ଯ୍ୟନ୍ତ କୌଣସି ଏଫଆଇଆର ରୁଜୁ ହୋଇନାହିଁ ଏବଂ ଭବିଷ୍ୟତରେ ମଧ୍ୟ କୌଣସି ଏଫଆଇଆର ଦାଖଲ କରାଯିବ ନାହିଁ। ନୋଏଡା ପୁଲିସ ଏହି ମାମଲାରେ ଏକ ଶୂନ୍ୟ ଏଫଆଇଆର ରୁଜୁ କରିଥିଲା, ଯାହାକୁ ପରେ ଦିଲ୍ଲୀ ପୁଲିସକୁ ପଠାଯାଇଥିଲା। ତେବେ ଦିଲ୍ଲୀ ପୁଲିସ ଏହି ମାମଲାକୁ ଆଉ ଆଗକୁ ନ ବଢାଇବାକୁ ନିଷ୍ପତ୍ତି ନେଇଛି, ଯାହା ନାବାଳିକା ଏବଂ ତାଙ୍କ ପରିବାରକୁ ବଡ଼ ଆଶ୍ୱସ୍ତି ଦେଇଛି।
Helicopter Crash: ମଝି ଆକାଶରେ ୨ ଅଗ୍ନିଶମ ହେଲିକପ୍ଟର ଧକ୍କା: ଦୁଇ ପାଇଲଟଙ୍କ ମୃତ୍ୟୁ
ଭିଡିଓଟି ଭାଇରାଲ ହେବା ପରେ, ରୁଚିକା ସିଂହ ଏକ ଭିଡିଓ ଜାରି କରି ସାର୍ବଜନୀନ ଭାବରେ କ୍ଷମା ପ୍ରାର୍ଥନା କରିଥିଲେ। ସେ କହିଥିଲେ ଯେ ତାଙ୍କର ବୟସ ମାତ୍ର ୧୫ ବର୍ଷ ଏବଂ ପ୍ରତିବାଦ ସ୍ଥଳରେ ଅନ୍ୟମାନଙ୍କ ଦ୍ୱାରା ପ୍ରଭାବିତ ହୋଇ ସେ ଏହି ଆପତ୍ତିଜନକ ମନ୍ତବ୍ୟ ଦେଇଥିଲେ। ଝିଅଟି କହିଥିଲେ ଯେ ସେ ଏକ ଗମ୍ଭୀର ଭୁଲ୍ କରିଛନ୍ତି। ଏହାକୁ ତାଙ୍କର ପ୍ରଥମ ଏବଂ ଶେଷ ଭୁଲ ବୋଲି କହି ସେ ତାଙ୍କ କାର୍ଯ୍ୟ ପାଇଁ ଲଜ୍ଜା ପ୍ରକାଶ କରିଥିଲେ। ସେ ସମଗ୍ର ଦେଶବାସୀଙ୍କ ନିକଟରେ କ୍ଷମା ପ୍ରାର୍ଥନା କରିଥିଲେ।
କ୍ଷମା କରିବାକୁ ପ୍ରଧାନମନ୍ତ୍ରୀଙ୍କ ନିବେଦନ
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସୋସିଆଲ ମିଡିଆରେ ଏକ ଭିଡିଓ ସେୟାର କରି କହିଥିଲେ ଯେ, ଭୁଲ୍ ବାଟକୁ ଯାଇଥିବା ପିଲାମାନଙ୍କୁ ଦଣ୍ଡ ଦେବା କିମ୍ବା ସେମାନଙ୍କୁ କୋର୍ଟକୁ ନେବା ଦ୍ୱାରା ସେମାନଙ୍କ ପରିସ୍ଥିତିରେ କୌଣସି ପରିବର୍ତ୍ତନ ଆସିବ ନାହିଁ। ସେ କହିଥିଲେ ଯେ,ମୁଁ ଏପରି ପିଲାମାନଙ୍କୁ କ୍ଷମା କରିବାକୁ ଚାହୁଁଛି। ସମାଜକୁ ସେମାନଙ୍କୁ କ୍ଷମା କରିବାକୁ ମଧ୍ୟ ପ୍ରଧାନମନ୍ତ୍ରୀ ନିବେଦନ କରିଥିଲେ।
