7 hours ago
1
ARTICLE AD BOX
ଭୁବନେଶ୍ବର: ଘରେ କଦଳୀ ଆଣିବାର ୨-୩ ଦିନ ମଧ୍ୟରେ ଏହାର ଚୋପା କଳା ପଡ଼ିବା ସହ ସ୍ୱାଦରେ ମଧ୍ୟ ପରିବର୍ତ୍ତନ ଆସିଥାଏ। ଫଳର ଏହି ଦ୍ରୁତ ପାଚିବା ପ୍ରକ୍ରିୟାକୁ କିଛି ସରଳ ଉପାୟରେ ଧୀମା କରାଯାଇପାରେ। ଏଥିପାଇଁ କଦଳୀକୁ ସଠିକ୍ ଭାବରେ ସଂରକ୍ଷଣ କରିବା ଜରୁରୀ।
ଜାଣନ୍ତୁ କିପରି କରିବେ ସଂରକ୍ଷଣ
କଦଳୀର ଡେମ୍ଫ ଅଂଶକୁ ପ୍ଲାଷ୍ଟିକ୍ ରାପ୍ କିମ୍ବା ଆଲୁମିନିୟମ୍ ଫଏଲ୍ରେ ଭଲ ଭାବରେ ଗୁଡ଼ାଇ ରଖିପାରିବେ। କଦଳୀ ପାଚିବା ସମୟରେ ଏଥିରୁ ଇଥିଲିନ୍ ଗ୍ୟାସ୍ ନିର୍ଗତ ହୁଏ, ଯାହା ପାଚିବା ପ୍ରକ୍ରିୟାକୁ ତ୍ୱରାନ୍ୱିତ କରେ। ଡେମ୍ଫକୁ ରାପ୍ କରିବା ଦ୍ୱାରା ଏହି ପ୍ରକ୍ରିୟା ଧୀମା ହେବାରେ ସହାୟତା ମିଳିପାରେ। କଦଳୀକୁ ଅନ୍ୟ ଫଳ ସହ ମିଶାଇ ରଖିବା ମଧ୍ୟ ଏଡ଼ାଇବା ଉଚିତ। ସେଓ, ଆମ୍ବ ଓ ଟମାଟୋ ଭଳି କିଛି ଫଳ ମଧ୍ୟ ଇଥିଲିନ୍ ଗ୍ୟାସ୍ ଛାଡ଼ିଥାଏ। ତେଣୁ ଏହି ଫଳଗୁଡ଼ିକ ସହ କଦଳୀ ରଖିଲେ ଏହା ଶୀଘ୍ର ପାଚିପାରେ। କଦଳୀକୁ ଅଲଗା ଓ ଖୋଲା ସ୍ଥାନରେ ରଖିବା ଏକ ଉପଯୋଗୀ ପଦକ୍ଷେପ।
ଯଦି କଦଳୀ ଅଧିକ ପାଚିଯାଇଛି ଏବଂ ତୁରନ୍ତ ଖାଇବାର ଯୋଜନା ନାହିଁ, ତେବେ ଏହାକୁ ଫ୍ରିଜ୍ରେ ରଖିପାରିବେ। ଫ୍ରିଜ୍ରେ ରଖିବା ଦ୍ୱାରା କଦଳୀର ଚୋପା କଳା ପଡ଼ିପାରେ, କିନ୍ତୁ ଭିତର ଅଂଶର ପାଚିବା ପ୍ରକ୍ରିୟା ଧୀମା ହୋଇପାରେ। ତେବେ କଞ୍ଚା କଦଳୀକୁ ଫ୍ରିଜ୍ରେ ରଖିବା ଉଚିତ ନୁହେଁ। ବିଶେଷଜ୍ଞଙ୍କ ପରାମର୍ଶ ଅନୁଯାୟୀ, ଫଳକୁ ସଠିକ୍ ଭାବରେ ରଖିବା ଦ୍ୱାରା ଖାଦ୍ୟ ନଷ୍ଟ ହେବାର ମାତ୍ରା କମାଇବାରେ ସହାୟତା ମିଳିପାରେ। କଦଳୀ କିଣିବା ସମୟରେ ଆବଶ୍ୟକ ପରିମାଣ ବାଛିବା ଏବଂ ପାଚିବା ଅନୁଯାୟୀ ଏହାର ବ୍ୟବହାର କରିବା ମଧ୍ୟ ଉପଯୋଗୀ ଅଭ୍ୟାସ।
