2 weeks ago
8
ARTICLE AD BOX
ନୂଆଦିଲ୍ଲୀ: ପ୍ୟାନ୍କ୍ରିଆଟିକ୍ କ୍ୟାନ୍ସର ଅର୍ଥାତ୍ ଅଗ୍ନ୍ୟାଶୟ କ୍ୟାନ୍ସରକୁ ବିଶ୍ୱର ସବୁଠାରୁ ମାରାତ୍ମକ କ୍ୟାନ୍ସର ଭାବରେ ବିବେଚନା କରାଯାଏ, କାରଣ ଏହା ପ୍ରାରମ୍ଭିକ ପର୍ଯ୍ୟାୟରେ ଧରାପଡ଼େ ନାହିଁ। ତଥାପି, ବର୍ତ୍ତମାନ ରୋଗୀମାନଙ୍କ ପାଇଁ ଏକ ବଡ଼ ଆଶ୍ୱସ୍ତିଜନକ ଖବର ସାମ୍ନାକୁ ଆସିଛି। ଆମେରିକାର ଫୁଡ୍ ଆଣ୍ଡ୍ ଡ୍ରଗ୍ ଏଡମିନିଷ୍ଟ୍ରେସନ୍ ଆଡଭାନ୍ସଡ୍ ପ୍ୟାନକ୍ରଆଟିକ୍ କ୍ୟାନ୍ସର ପାଇଁ ଏକ କ୍ରାନ୍ତିକାରୀ ନୂତନ ଔଷଧକୁ ମଞ୍ଜୁରୀ ଦେଇଛି, ଯାହାକୁ ଦଶନ୍ଧି ଦଶନ୍ଧି ଧରି ଡାକ୍ତର ଏବଂ ବୈଜ୍ଞାନିକମାନେ ଖୋଜୁଥିଲେ। ଆସନ୍ତୁ ଜାଣିବା ଏହି ଔଷଧ କ’ଣ, କିପରି କାମ କରେ ଓ ରୋଗୀମାନଙ୍କ ପାଇଁ ଏହା କେତେ ପ୍ରଭାବଶାଳୀ ପ୍ରମାଣିତ ହୋଇଛି।
କେଉଁ ଔଧକୁ ମିଳିଛି ମଞ୍ଜୁରୀ?
ଫୁଡ୍ ଆଣ୍ଡ୍ ଡ୍ରଗ୍ ଏଡମିନିଷ୍ଟ୍ରେସନ୍ 'ଡାରାକ୍ସୋନରାସିବ୍' ଔଷଧକୁ ମଞ୍ଜୁରୀ ଦେଇଛି, ଯାହାକୁ ରେଭୋଲୁସନ୍ ମେଡିସିନ୍ସ କମ୍ପାନୀ 'ରାସୋଙ୍କ୍' ବ୍ରାଣ୍ଡ ନାମରେ ବିକ୍ରି କରିବ। ଏହା ନିଜ ପ୍ରକାରର ପ୍ରଥମ ବଟିକା, ଯାହା ଏକ ମ୍ୟୁଟେଟେଡ୍ ପ୍ରୋଟିନ୍କୁ ବ୍ଲକ୍ କରିଥାଏ। ଏହା ୯୦ ପ୍ରତିଶତରୁ ଅଧିକ ପ୍ୟାନକ୍ଟିରି,ଟିକ୍କ୍ କ୍ୟାନ୍ସର ମାମଲାରେ ଟ୍ୟୁମର୍ର ବୃଦ୍ଧିକୁ ତ୍ୱରାନ୍ୱିତ କରିଥାଏ। ଫୁଡ୍ ଆଣ୍ଡ୍ ଡ୍ରଗ୍ ଏଡମିନିଷ୍ଟ୍ରେସନ୍ ଏହାକୁ ନିର୍ଦ୍ଧାରିତ ସମୟଠାରୁ ଛଅ ମାସ ପୂର୍ବରୁ ହିଁ ଏକ୍ସପେଡାଇଟେଡ୍ ଅପ୍ରୁଭାଲ୍ ଦେଇଛି, ଯାହା ଏହି औଷଧର ଗୁରୁତ୍ୱକୁ ଦର୍ଶାଏ।
ଆହୁରି ପଢ଼ନ୍ତୁ: ଆଇସିସି ଟେଷ୍ଟ୍ ମାନ୍ୟତା: ପଡ଼ିକଲ ଉଠିଲେ; ଗିଲ୍, ବୁମ୍ରା ଖସିଲେ
ଏହି ଔଷଧ କାହାକୁ ଟାର୍ଗେଟ୍ କରେ?
ଏହି ନୂତନ ଔଷଧ ଆର୍ଏଏସ୍ ଜିନ୍ ପରିବାରରେ ହେଉଥିବା ମ୍ୟୁଟେସନ୍କୁ ଟାର୍ଗେଟ୍ କରିଥାଏ, ଯାହା କୋଷ ବୃଦ୍ଧିକୁ ନିୟନ୍ତ୍ରଣ କରିଥାଏ। ଏଥିରେ କେଆର୍ଏଏସ୍ ମ୍ୟୁଟେସନ୍କୁ ପ୍ୟାନକ୍ରିଏଟିକ୍ କ୍ୟାନ୍ସର ବୃଦ୍ଧି ପଛର ସବୁଠାରୁ ବଡ଼ କାରଣ ଭାବରେ ବିବେଚନା କରାଯାଏ। କିନ୍ତୁ ଏହି ପ୍ରୋଟିନ୍ର ଗଠନ ଏପରି ଯେ ଏହା ସହିତ ସଂଯୁକ୍ତ ହେବା ପରି କୌଣସି ଔଷଧ ତିନି ଦଶନ୍ଧି ଧରି ଅସମ୍ଭବ ବୋଲି ବିବେଚନା କରାଯାଉଥିଲା, ସେଥିପାଇଁ ଏହାକୁ 'ଅନ୍ଡ୍ରଗେବଲ୍' କୁହାଯାଉଥିଲା।
ରୋଗୀମାନଙ୍କ ପାଇଁ ଏହା କାହିଁକି ଲାଭଦାୟକ?
ଏହି ଅଧ୍ୟୟନରେ ୫୦୦ ଜଣ ରୋଗୀ ସାମିଲ ଥିଲେ, ଯାହାଙ୍କର ମେଟାଷ୍ଟାଟିକ୍ ଅର୍ଥାତ୍ ବ୍ୟାପିଯାଇଥିବା କ୍ୟାନ୍ସର ପୂର୍ବରୁ କରାଯାଇଥିବା ଚିକିତ୍ସା ପ୍ରତି ଆଉ ପ୍ରତିକ୍ରିୟା ଦେଉ ନଥିଲା। ରୋଗୀମାନଙ୍କୁ ଯାଦୃଚ୍ଛିକ ଭାବରେ ଏହି ନୂତନ ଔଷଧ କିମ୍ବା ପୁରୁଣା କିମୋଥେରାପି ଚିକିତ୍ସାରେ ରଖାଯାଇଥିଲା। ଫଳାଫଳରୁ ଜଣାପଡିଛି ଯେ ନୂତନ ଔଷଧ ଗ୍ରହଣ କରୁଥିବା ରୋଗୀମାନଙ୍କର ବଞ୍ଚି ରହିବାର ସମ୍ଭାବନା ପ୍ରାୟ ଦ୍ୱିଗୁଣିତ ହୋଇପାରେ। ଏହା ସହିତ ସେମାନଙ୍କଠାରେ କ୍ଷତିକାରକ ପାର୍ଶ୍ୱପ୍ରତିକ୍ରିୟା ମଧ୍ୟ କମ୍ ଦେଖିବାକୁ ମିଳିଛି।
ଔଷଧର ମୂଲ୍ୟ କେତେ?
କମ୍ପାନୀ ଅନୁଯାୟୀ, ଏହି ଔଷଧର ଗୋଟିଏ ମାସର କୋର୍ସର ମୂଲ୍ୟ ପ୍ରାୟ ୩୯,୮୦୦ ଡଲାର, ଅର୍ଥାତ୍ ଭାରତୀୟ ମୁଦ୍ରାରେ ପ୍ରାୟ ୩୩ ଲକ୍ଷ ଟଙ୍କା ଆଖପାଖ ଅଟେ। ଏହା ପ୍ରତିଦିନ ନିଆଯାଉଥିବା ଏକ ବଟିକା ରୂପରେ ଆସିବ। ଏହି କ୍ୟାନ୍ସରର ଚିକିତ୍ସା କରୁଥିବା ଡାକ୍ତରମାନେ ଆଶା କରୁଛନ୍ତି ଯେ ଏହି ଔଷଧର ମଞ୍ଜୁରୀ ଅନ୍ୟାନ୍ୟ କ୍ୟାନ୍ସର ପାଇଁ ମଧ୍ୟ ନୂତନ ପଥ ଉନ୍ମୁକ୍ତ କରିବ, କାରଣ ଏହି ଭିତିଭୂମି ଉପରେ ଦଶଦଶଟି ପରୀକ୍ଷାମୂଳକ ଔଷଧ ମଧ୍ୟ ବିକାଶ ପର୍ଯ୍ୟାୟରେ ରହିଛି। କମ୍ପାନୀ ବର୍ତ୍ତମାନ ଏହି ପ୍ରଯୁକ୍ତିବିଦ୍ୟାକୁ ଫୁସଫୁସ୍ କ୍ୟାନ୍ସର ସହିତ ଆହୁରି ଅନେକ ପ୍ରକାରର କ୍ୟାନ୍ସର ଉପରେ ମଧ୍ୟ ପରୀକ୍ଷା କରୁଛି।
ଆମେରିକୀୟ କ୍ୟାନ୍ସର ସୋସାଇଟି ଅନୁଯାୟୀ, କେବଳ ଆମେରିକାରେ ଚଳିତ ବର୍ଷ ପ୍ରାୟ ୬୭,୦୦୦ ନୂତନ ପ୍ୟାନକ୍ରିଆଟିକ୍ କ୍ୟାନ୍ସର ମାମଲା ସାମ୍ନାକୁ ଆସିଛି, ଯେତେବେଳେ କି ୫୨,୦୦୦ରୁ ଅଧିକ ଲୋକ ଏହା ଯୋଗୁଁ ମୃତ୍ୟୁବରଣ କରିବାର ଆଶଙ୍କା ରହିଥାଏ। ଏହି ରୋଗର ପାଞ୍ଚ ବର୍ଷ ମଧ୍ୟରେ ବଞ୍ଚି ରହିବାର ହାର କେବଳ ୧୩ ପ୍ରତିଶତ ଅଟେ, ଯାହା ଏହାକୁ ସବୁଠାରୁ ମାରାତ୍ମକ କ୍ୟାନ୍ସର ମଧ୍ୟରୁ ଗୋଟିଏ କରିଥାଏ।
ଆହୁରି ପଢ଼ନ୍ତୁ: ଦଲୀପ ଟ୍ରଫି ଫାଇନାଲ୍ରେ ଦକ୍ଷିଣାଞ୍ଚଳ
ଅଧିକ ଦେଖନ୍ତୁ:
