3 weeks ago
12
ARTICLE AD BOX
ଅଙ୍କାରା: ୩୨ଟି ଉତ୍ତର ଆମେରିକୀୟ ଓ ୟୁରୋପୀୟ ଦେଶକୁ ନେଇ ଗଠିତ ନର୍ଥ ଆଟଲାଣ୍ଟିକ୍ ଟ୍ରିଟି ଅର୍ଗାନାଇଜେସନ (ନାଟୋ)ର ସଦସ୍ୟ ଦେଶଗୁଡ଼ିକ କୋଟି କୋଟି ଡଲାର ମୂଲ୍ୟର ନୂଆ ଅସ୍ତ୍ରଶସ୍ତ୍ର କ୍ରୟ ଓ ପ୍ରତିରକ୍ଷା ଚୁକ୍ତି ଘୋଷଣା କରିବାକୁ ପ୍ରସ୍ତୁତ ହେଉଛନ୍ତି। ଏହା ମାଧ୍ୟମରେ ନାଟୋ ନିଜର ସାମରିକ ପ୍ରସ୍ତୁତି ଓ ପ୍ରତିରକ୍ଷା କ୍ଷମତାକୁ ଆହୁରି ମଜବୁତ କରିବା ସହ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଦୀର୍ଘଦିନର ଦାବି ଅନୁଯାୟୀ ପ୍ରତିରକ୍ଷା ବ୍ୟୟ ବଢ଼ାଇବାକୁ ନିଜର ପ୍ରତିବଦ୍ଧତା ପ୍ରଦର୍ଶନ କରିବାକୁ ଚାହୁଛି।
ଆହୁରି ପଢନ୍ତୁ: fake recruitment letter Odisha ଶିଶୁ ବାଟିକା ଶିକ୍ଷକ ନିଯୁକ୍ତି ଚିଠି ଭାଇରାଲ୍: ସ୍ପଷ୍ଟୀକରଣ ଦେଲା ଅର୍ଥବିଭାଗ
ସୂଚନା ଅନୁସାରେ, ନାଟୋ ସଦସ୍ୟ ଦେଶମାନେ ବାୟୁ ପ୍ରତିରକ୍ଷା ବ୍ୟବସ୍ଥା, ଦୂରଗାମୀ କ୍ଷେପଣାସ୍ତ୍ର, ଗୋଳାବାରୁଦ, ସାମରିକ ଯାନ, ଡ୍ରୋନ୍, ଯୁଦ୍ଧ ବିମାନ ଓ ଅନ୍ୟାନ୍ୟ ଆଧୁନିକ ସାମରିକ ଉପକରଣ କ୍ରୟ ପାଇଁ ବୃହତ୍ ଚୁକ୍ତି କରିବେ।ୟୁକ୍ରେନ୍ ଯୁଦ୍ଧ ପରେ ୟୁରୋପର ସୁରକ୍ଷା ପରିସ୍ଥିତି ବଦଳିଯାଇ ଥିବାରୁ ନାଟୋ ଦେଶଗୁଡ଼ିକ ନିଜ ନିଜ ସାମରିକ ଭଣ୍ଡାରକୁ ସୁଦୃଢ଼ କରିବା ଉପରେ ଜୋର ଦେଉଛନ୍ତି। ରାଷ୍ଟ୍ରପତି ଟ୍ରମ୍ପ ବହୁବାର କହିଆସିଛନ୍ତି ଯେ, ନାଟୋର ୟୁରୋପୀୟ ସଦସ୍ୟ ଦେଶମାନେ ନିଜ ସୁରକ୍ଷା ପାଇଁ ପର୍ଯ୍ୟାପ୍ତ ଖର୍ଚ୍ଚ କରୁନାହାନ୍ତି ଏବଂ ଆମେରିକା ଉପରେ ଅତ୍ୟଧିକ ନିର୍ଭର କରୁଛନ୍ତି। ସେଥିପାଇଁ ପ୍ରତିରକ୍ଷା ବ୍ୟୟ ବୃଦ୍ଧି କରିବାକୁ ସେ ଦାବି କରୁଛନ୍ତି। ଏହି ପ୍ରସ୍ତାବିତ ଅସ୍ତ୍ର ଚୁକ୍ତିକୁ ଟ୍ରମ୍ପଙ୍କ ଚାପର ପ୍ରତିଫଳନ ବୋଲି ବିଶ୍ଳେଷକମାନେ ମନେ କରୁଛନ୍ତି।
ଆହୁରି ପଢନ୍ତୁ:Attack: ବଲୁଚିସ୍ତାନରେ ବନ୍ଧ ପ୍ରକଳ୍ପ ନିକଟରେ ଆକ୍ରମଣ; ୯ ପୁଲିସ କର୍ମଚାରୀ ନିହତ
ନାଟୋର ମହାସଚିବ ମାର୍କ ରୁଟେ କହିଛନ୍ତି, ବର୍ତ୍ତମାନର ବିଶ୍ୱ ସୁରକ୍ଷା ପରିସ୍ଥିତିକୁ ଦେଖି ସଦସ୍ୟ ଦେଶଗୁଡ଼ିକ ପାଇଁ ପ୍ରତିରକ୍ଷା ଖର୍ଚ୍ଚ ବଢ଼ାଇବା ଅପରିହାର୍ଯ୍ୟ। କେବଳ ଅଧିକ ଅସ୍ତ୍ର କିଣିବା ନୁହେଁ, ବରଂ ପ୍ରତିରକ୍ଷା ଶିଳ୍ପର ଉତ୍ପାଦନ କ୍ଷମତା ବଢ଼ାଇବା, ସାମରିକ ସାମଗ୍ରୀର ଯୋଗାଣ ଶୃଙ୍ଖଳକୁ ସୁଦୃଢ଼ କରିବା ଏବଂ ସଦସ୍ୟ ଦେଶମାନଙ୍କ ମଧ୍ୟରେ ସମନ୍ୱୟ ବଢ଼ାଇବା ଉପରେ ମଧ୍ୟ ଗୁରୁତ୍ୱ ଦିଆଯାଉଛି।
ଆହୁରି ପଢନ୍ତୁ:Education: କାର୍ଯ୍ୟାନୁଷ୍ଠାନ ନେଲା ପ୍ରଶାସନ; ଅସୁରକ୍ଷିତ ପରିବେଶରେ ପରିଚାଳିତ ଘରୋଇ ହଷ୍ଟେଲ ସିଲ୍
ଏହି ନୂଆ ଚୁକ୍ତିଗୁଡ଼ିକ ମାଧ୍ୟମରେ ୟୁରୋପର ପ୍ରତିରକ୍ଷା ଶିଳ୍ପକୁ ମଧ୍ୟ ବଡ଼ ପ୍ରୋତ୍ସାହନ ମିଳିବ ବୋଲି ଆଶା କରାଯାଉଛି। ବହୁ ଦେଶ ନିଜ ଦେଶରେ ଅସ୍ତ୍ର ଉତ୍ପାଦନ ବଢ଼ାଇବା ସହ ଯୁଗ୍ମ ଉତ୍ପାଦନ ଓ ପ୍ରଯୁକ୍ତି ସହଯୋଗ ଉପରେ ମଧ୍ୟ କାମ କରୁଛନ୍ତି। ଏହାଦ୍ୱାରା ଭବିଷ୍ୟତରେ ଯେକୌଣସି ସଙ୍କଟ ସମୟରେ ଅସ୍ତ୍ର ଓ ଗୋଳାବାରୁଦର ଅଭାବ ଦୂର କରିବା ସହଜ ହେବ। ବିଶେଷଜ୍ଞଙ୍କ ମତରେ, ୟୁକ୍ରେନ୍ ଯୁଦ୍ଧ, ରୁଷର ସାମରିକ ସକ୍ରିୟତା ଏବଂ ବଦଳୁଥିବା ବିଶ୍ୱ ସୁରକ୍ଷା ପରିସ୍ଥିତି ନାଟୋକୁ ତାହାର ପ୍ରତିରକ୍ଷା ନୀତିରେ ବଡ଼ ପରିବର୍ତ୍ତନ ଆଣିବାକୁ ବାଧ୍ୟ କରିଛି।
