24 minutes ago
1
ARTICLE AD BOX
କୋଷାଗୁମୁଡା/କୋଡିଙ୍ଗା: ନବରଙ୍ଗପୁରଜିଲ୍ଲା କୋଷାଗୁମୁଡା ବ୍ଲକ ଭାସ୍କେଲ ନଦୀର ଖଗୁଗୁଡା ଘାଟରେ ଏକୋରୀ ଗ୍ରାମକୁ ଆସୁଥିବା ବେଳେ ସନ୍ଧ୍ୟା ସମୟରେ ଜଣେ ବ୍ୟକ୍ତି ଭାସିଯାଇଥିଲା। ବ୍ୟକ୍ତି ଜଣଙ୍କ ଏକୋରୀ ଗ୍ରାମର ହରି ଭତ୍ରା (୪୫)। ସୂଚନା ଅନୁସାରେ ଗତ କାଲି ହରି ଭତ୍ରା କୌଣସି କାମରେ ନଦୀ ଆର ପାରିରେ ଥିବା ସାନଗୁମୁଡା ଗ୍ରାମକୁ ଯାଇ ସନ୍ଧ୍ୟା ସମୟରେ ଏକୋରୀ ଗ୍ରାମକୁ ଫେରୁଥିଲା।
ନଦୀ ପାରି ହେବାବେଳେ ଭାସିଗଲେ ବ୍ୟକ୍ତି
ଭାସ୍କେଲ ନଦୀର ଖଗୁଗୁଡା ଘାଟ ପାର ହେଉଥିବା ବେଳେ ପାଣିର ସ୍ରୋତରେ ଭାସି ଯାଇଥିବା ପରିବାର ଲୋକ କୋଷାଗୁମୁଡା ଅଗ୍ନିଶମ ବାହିନୀକୁ ଖବର ବେଇଥିଲେ। ତୁରନ୍ତ ଅଗ୍ନିଶମ ବାହିନୀ ପହଞ୍ଚି ବୋଟ ସାହାଯ୍ୟରେ ନଦୀରେ ଖୋଜିବାର କିଛି ସମୟ ପରେ ଘଡ଼ଘଡ଼ି, ବର୍ଷା ପବନ ହେବାରୁ ଖୋଜିବା ଅସମ୍ଭବ ହୋଇଥିଲା। ପୁଣି ଆଜି ସକାଳୁ ଖୋଜିବା ଆରମ୍ଭ ଚାଲିଛି। ଏପଟେ ପରିବାର ଲୋକ ଚିନ୍ତାରେ ଅଛନ୍ତି। ଖବର ଲେଖା ହେବା ସୁଦ୍ଧା ଅଗ୍ନିଶମ ବିଭାଗ ତରଫରୁ ଅପରେସନ ଚାଲୁ ରହିଛି।
