38 minutes ago
1
ARTICLE AD BOX
ନୂଆଦିଲ୍ଲୀ: ଭାରତରେ ମଦ ବିକ୍ରି, କ୍ରୟ ଏବଂ ଗଚ୍ଛିତ ରଖିବା ପାଇଁ ସ୍ୱତନ୍ତ୍ର ଆଇନ ରହିଛି। ଅନେକ ସମୟରେ ଲୋକଙ୍କ ମନରେ ପ୍ରଶ୍ନ ଆସେ ଯେ, ବିନା ଲାଇସେନ୍ସରେ ବ୍ୟକ୍ତିଗତ ଭାବରେ କୌଣସି ବ୍ୟକ୍ତି ନିଜ ଘରେ କେତେ ପରିମାଣର ମଦ ରଖିପାରିବେ? ତେବେ ଏହି ନିୟମ କୌଣସି ଗୋଟିଏ କେନ୍ଦ୍ରୀୟ ଆଇନ ଅଧୀନରେ ଆସେ ନାହିଁ, ବରଂ ପ୍ରତ୍ୟେକ ରାଜ୍ୟର ଅବକାରୀ ବିଭାଗ ଏହାକୁ ସ୍ଥିର କରିଥାଏ। ଦେଶର ବିଭିନ୍ନ ରାଜ୍ୟରେ ଏହାର ସୀମା ଅଲଗା ଅଲଗା ରହିଛି |
୧. ଦିଲ୍ଲୀ
ଦିଲ୍ଲୀରେ ଜଣେ ବ୍ୟକ୍ତି ନିଜ ଘରେ ବିଅର, ୱାଇନ୍ ସମେତ ସମୁଦାୟ ୧୮ ଲିଟର ଏବଂ ଇଣ୍ଡିଆନ୍-ଫରେନ୍ ଲିକର (WHISKY, RUM, GIN, VODKA) ୯ ଲିଟର ପର୍ଯ୍ୟନ୍ତ ମଦ ଘରେ ରଖିପାରିବେ। ଅନ୍ୟ ରାଜ୍ୟରୁ ଆଣୁଥିଲେ କେବଳ ୧ ଲିଟର ପର୍ଯ୍ୟନ୍ତ ଅନୁମତି ରହିଛି |
୨. ଉତ୍ତର ପ୍ରଦେଶ
ଉତ୍ତରପ୍ରଦେଶରେ ଜଣେ ବ୍ୟକ୍ତି ବିନା ଲାଇସେନ୍ସରେ ସର୍ବାଧିକ ୧.୫ ଲିଟର ଦେଶୀ ମଦ, ୧.୫ ଲିଟର ଇମ୍ପୋର୍ଟେଡ୍ ବା ବିଦେଶୀ ମଦ ଏବଂ ୪ ବୋତଲ (ପ୍ରାୟ ୨ ଲିଟର) ବିଅର ଘରେ ରଖିପାରିବେ। ଏହି ସୀମାଠାରୁ ଅଧିକ ରଖିବାକୁ ହେଲେ ଲାଇସେନ୍ସ ନେବାକୁ ପଡ଼ିବ।
୩. ହରିୟାଣା
ହରିୟାଣାରେ ନିୟମ ଅପେକ୍ଷାକୃତ କୋହଳ ରହିଛି। ଏଠାରେ ଜଣେ ବ୍ୟକ୍ତି ବିନା ଲାଇସେନ୍ସରେ ଦେଶୀ ମଦ ୬ ବୋତଲ, ଇମ୍ପୋର୍ଟେଡ୍ କିମ୍ବା ଇଞ୍ଜିନିୟର୍ଡ୍ ବିଦେଶୀ ମଦ (IMFL) ୧୮ ବୋତଲ ଏବଂ ବିଅର ୧୨ ବୋତଲ ପର୍ଯ୍ୟନ୍ତ ଘରେ ସଂରକ୍ଷଣ କରିପାରିବେ।
୪. ପଞ୍ଜାବ
ପଞ୍ଜାବ ଆଇନ ଅନୁଯାୟୀ, ଜଣେ ବ୍ୟକ୍ତି ବିନା ଲାଇସେନ୍ସରେ ଭାରତରେ ପ୍ରସ୍ତୁତ ବିଦେଶୀ ମଦର ଦୁଇଟି ବୋତଲ, ଆମଦାନୀ ହୋଇଥିବା ମଦର ଦୁଇଟି ବୋତଲ, ୧୨ ବୋତଲ ବା ଗୋଟିଏ ପେଟି) ବିଅର ଏବଂ ଗୋଟିଏ ବୋତଲ ବ୍ରାଣ୍ଡି ଘରେ ରଖିପାରିବେ।
ଆହୁରି ପଢନ୍ତୁ: Student Drowned: ଶବ ସତ୍କାର ପରେ ନଦୀକୁ ଗାଧୋଇବାକୁ ଯାଇ ବୁଡ଼ିଗଲେ ଅଷ୍ଟମ ଶ୍ରେଣୀ ଛାତ୍ର, ଓଡ୍ରାଫ୍ ଉଦ୍ଧାର କଲା ମୃତଦେହ
୫. ପଶ୍ଚିମବଙ୍ଗ
ଏଠାରେ ୨୧ ବର୍ଷରୁ ଅଧିକ ବୟସ୍କ ବ୍ୟକ୍ତିମାନେ ୭୫୦ ଏମଏଲ୍ ବିଶିଷ୍ଟ ଭାରତୀୟ ନିର୍ମିତ ବିଦେଶୀ ମଦର ସର୍ବାଧିକ ୬ଟି ବୋତଲ ଏବଂ ସର୍ବାଧିକ ୧୮ ବୋତଲ ବିଅର ନିଜ ପାଖରେ ରଖିବାର ଅନୁମତି ପାଇଛନ୍ତି।
୬. ମହାରାଷ୍ଟ୍ର
ମହାରାଷ୍ଟ୍ରରେ ନିୟମ କଡ଼ାକଡ଼ି ଅଛି। ଏଠାରେ ମଦ ପିଇବା ଏବଂ ଘରେ ରଖିବା ପାଇଁ ବୈଧ ପରମିଟ୍ (Permit) ରହିବା ଆବଶ୍ୟକ। ପରମିଟ୍ ସହିତ ଜଣେ ବ୍ୟକ୍ତି ସର୍ବାଧିକ ୧୨ ବୋତଲ ମଦ ଘରେ ରଖିପାରିବେ।
୭. ବିହାର ଓ ଗୁଜରାଟ
ବିହାର, ଗୁଜରାଟ, ମିଜୋରାମ, ନାଗାଲାଣ୍ଡ ଏବଂ ଲାକ୍ଷାଦ୍ୱୀପ ଭଳି ରାଜ୍ୟ/କେନ୍ଦ୍ରଶାସିତ ଅଞ୍ଚଳରେ ସମ୍ପୂର୍ଣ୍ଣ ମଦବନ୍ଦୀ ଲାଗୁ ହୋଇଛି। ଏହି ସ୍ଥାନଗୁଡ଼ିକରେ କୌଣସି ପରିସ୍ଥିତିରେ ବିନା ଲାଇସେନ୍ସ ବା ବେଆଇନ ଭାବରେ ମଦ ରଖିବା ଅପରାଧ ଅଟେ।
ଆହୁରି ପଢନ୍ତୁ: Donald Trump: ଦରକାର ପଡ଼ିଲେ ଇରାନକୁ ସମ୍ପୂର୍ଣ୍ଣ ଧ୍ୱଂସ କରିଦେବୁ: ଟ୍ରମ୍ପ
ନିୟମ ଉଲ୍ଲଘଂନ କଲେ କ’ଣ ଦଣ୍ଡ ମିଳେ?
ନିର୍ଦ୍ଧାରିତ ପରିମାଣଠାରୁ ଅଧିକ ମଦ କିମ୍ବା ବିନା ଲାଇସେନ୍ସରେ ବେଆଇନ ଭାବରେ ମଦ ଗଚ୍ଛିତ ରଖିଲେ ଅବକାରୀ ଆଇନ ଅଧୀନରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥାଏ। ଏଥିପାଇଁ ଧାର୍ଯ୍ୟ ଜରିମାନା ସହିତ ୩ ରୁ ୫ ବର୍ଷ ପର୍ଯ୍ୟନ୍ତ ଜେଲଦଣ୍ଡ ମଧ୍ୟ ହୋଇପାରେ। ଘରୋଇ ପାର୍ଟିରେ ମଧ୍ୟ ସୀମାଠାରୁ ଅଧିକ ମଦ ପରଷିବା ପାଇଁ ଅସ୍ଥାୟୀ ଲାଇସେନ୍ସ ନେବା ଜରୁରୀ ଅଟେ।
