3 weeks ago
10
ARTICLE AD BOX
ଭୁବନେଶ୍ବର: ଏସୀର ରଗ୍ବି ଏମିରେଟ୍ସ ସେଭେନ୍ସ ସିରିଜ୍ ଫାଇନାଲ୍ ରାଉଣ୍ଡ (ଲେଗ୍-୨) ଲାଗି ଭାରତୀୟ ଦଳ ଘୋଷିତ ହୋଇଛି। ଏହି ଦଳରେ ଓଡ଼ିଶାରୁ ୮ (୩ ପୁରୁଷ, ୫ ମହିଳା) ଜଣ ଖେଳାଳି ରହିଛନ୍ତି। ୧୨ ଜଣିଆ ପୁରୁଷ ଦଳରେ ଗଣେଶ ଧଙ୍ଗଡ଼ା ମାଝୀ, ଜୁଗଳ କିଶୋର ମାଝୀ ଓ ଆଶିଷ ସବର ରହିଥିଲା ବେଳେ ମହିଳା ଦଳରେ ଡୁମୁନି ମାର୍ଣ୍ଡି, ନିର୍ମାଲ୍ୟ ରାଉତ, ମାମା ନାଏକ, ଆରତି ମୁର୍ମୁ ଓ ପାର୍ବତୀ ହାଁସ୍ଦା ରହିଛନ୍ତି।
ଓଡ଼ିଶାରୁ ୮ ଖେଳାଳି
ଚଳିତ ମାସ ୧୭ ଓ ୧୮ ତାରିଖରେ ଅନୁଷ୍ଠିତ ହେବାକୁ ଥିବା ଏହି ଦୁଇଦିନିଆ ପ୍ରତିଯୋଗିତା ଶ୍ରୀଲଙ୍କାର କଲମ୍ବୋଠାରେ ଅନୁଷ୍ଠିତ ହେବ। ଏଥିରେ ମୋଟ ୨୪ (୧୨ ଲେଖାଏଁ ପୁରୁଷ ଓ ମହିଳା) ଦଳ ଅଂଶଗ୍ରହଣ କରୁଛନ୍ତି। ପ୍ରଥମ ଦିନ ପୁଲ୍ ପର୍ଯ୍ୟାୟ ମ୍ୟାଚ୍ ଅନୁଷ୍ଠିତ ହେବାକୁ ଥିଲା ବେଳେ ଦ୍ବିତୀୟ ଦିନ ନକ୍ଆଉଟ୍ ସହ ଫାଇନାଲ୍ ମ୍ୟାଚ୍ ଖେଳାଯିବ।
