1 week ago
2
ARTICLE AD BOX
ଭାରତର ଦୁଇ ଭେଟେରାନ୍ ଖେଳାଳି ବିରାଟ କୋହଲି ଓ ରୋହିତ ଶର୍ମା ବୁଧବାର ନ୍ୟୁଜିଲାଣ୍ଡ ବିପକ୍ଷ ପ୍ରଥମ ଦିନିକିଆରେ ଦୁଇଟି ଆଉଟ୍ରେ ନିଜର ଅବଦାନ ରଖି ଫିଟ୍ନେସ୍ ଓ ଫିଲ୍ଡିଂ ଦକ୍ଷତା ଦେଖାଇଛନ୍ତି। ୨୯ତମ ଓଭରରେ ଅଂଶୁଲ କମ୍ବୋଜଙ୍କ ବଲ୍ରେ ନାଥନ ସ୍ମିଥ୍ଙ୍କୁ ଦ୍ବିତୀୟ ସ୍ଲିପ୍ ନିକଟ୍ରେ ଥିବା କୋହଲି ଡାହାଣ ପଟକୁ ଡାଇଭ୍ ମାରି ଚମତ୍କାର ଭାବେ ମାଟିର ପ୍ରାୟ ଗୋଟିଏ ଇଞ୍ଚ ଉପରୁ କ୍ୟାଚ୍ ଧରି ନେଇଥିଲେ।
ଧନୁ ଓ ତୀର ଢଙ୍ଗରେ ଉତ୍ସବ ପାଳନ
ଏହା ପରେ ସେ ଧନୁ ଓ ତୀର ଢଙ୍ଗରେ ଉତ୍ସବ ପାଳନ କରିଥିଲେ। ଏହା ପୂର୍ବରୁ ୨୨ତମ ଓଭରରେ ଡାରିଲ ମିଚେଲ୍ଙ୍କୁ ରନ୍ଆଉଟ୍ କରିଥିଲେ ରୋହିତ। ଅକ୍ଷର ପଟେଲଙ୍କ ବଲ୍କୁ ଲେଗ୍ ସାଇଡ୍ରେ ମିଚେଲ୍ ଖେଳିଥିଲେ। ମିଡ୍ୱିକେଟ୍ରେ ଥିବା ରୋହିତ ତୀବ୍ର ଗତିରେ ବଲ୍ଟିକୁ ଧରି ୱିକେଟ୍କିପର କେଏଲ୍ ରାହୁଲଙ୍କ ପାଖକୁ ପଠାଇ ଦେଇଥିଲେ। ରାହୁଲ ୱିକେଟ୍ ପଛପଟୁ ବଲ୍ ଗ୍ରହଣ କରି ରନ୍ଆଉଟ୍ କରିଥିଲେ।
