1 week ago
10
ARTICLE AD BOX
ମୁମ୍ବାଇ: ୮୦ ଦଶକରେ ବଲିଉଡ୍ରେ ବଡ଼ ବଡ଼ ଷ୍ଟାର୍ଙ୍କୁ ନେଇ ଫିଲ୍ମ ତିଆରି କରିବା ଏକ ସାଧାରଣ କଥା ଥିଲା। କିନ୍ତୁ ଏକାଧିକ ଲୋକପ୍ରିୟ କଳାକାର ଏକାଠି ହେଲେ ଫିଲ୍ମ ନିଶ୍ଚିତ ହିଟ୍ ହେବ ଏହା ସବୁବେଳେ ସତ ହୋଇନଥିଲା। ଏହାର ଏକ ଉଦାହରଣ ହେଉଛି ୧୯୮୪ର ଫିଲ୍ମ ‘ରାଜ ତିଲକ’। ଏହି ଫିଲ୍ମରେ ସେ ସମୟର ଅନେକ ବଡ଼ ଅଭିନେତାଙ୍କୁ ଏକାଠି ଦେଖିବାକୁ ମିଳିଥିଲା। ଧର୍ମେନ୍ଦ୍ର, ସୁନୀଲ ଦତ୍ତ, ରାଜ କୁମାର, କମଲ ହାସନ୍ ଓ ପ୍ରାଣଙ୍କ ଭଳି ଅଭିନେତା ଏଥିରେ ଗୁରୁତ୍ୱପୂର୍ଣ୍ଣ ଭୂମିକାରେ ଥିଲେ। ଅଭିନେତ୍ରୀଙ୍କ ମଧ୍ୟରେ ହେମା ମାଳିନୀ, ରୀନା ରୟ, ରଞ୍ଜିତା ଓ ଯୋଗିତା ବାଲି ରହିଥିଲେ।
ଆଶାନୁରୂପ ସଫଳତା ପାଇନଥିଲା ‘ରାଜ ତିଲକ’
‘ରାଜ ତିଲକ’ ଏକ ଆକ୍ସନ୍-ଡ୍ରାମା ଫିଲ୍ମ ଥିଲା, ଯାହାର ନିର୍ଦ୍ଦେଶନା ଦେଇଥିଲେ ରାଜକୁମାର କୋହଲି। କାହାଣୀରେ ରାଜପରିବାର, ବିଶ୍ୱାସଘାତ, ରାଜସିଂହାସନ ଓ ପ୍ରତିଶୋଧକୁ କେନ୍ଦ୍ର କରି ଘଟଣାବଳୀ ଆଗକୁ ବଢ଼ିଥିଲା। ଫିଲ୍ମର ଷ୍ଟାର୍କାଷ୍ଟ ଦେଖି ଦର୍ଶକଙ୍କ ଆଶା ବେଶ୍ ଅଧିକ ଥିଲା। ବିଶେଷକରି ଧର୍ମେନ୍ଦ୍ର, ସୁନୀଲ ଦତ୍ତ ଓ ହେମା ମାଳିନୀଙ୍କ ଭଳି ଲୋକପ୍ରିୟ ନାମ ଏଥିରେ ଥିବାରୁ ଫିଲ୍ମକୁ ନେଇ ଚର୍ଚ୍ଚା ମଧ୍ୟ ହୋଇଥିଲା। ତଥାପି ଏହାର ବାଣିଜ୍ୟିକ ପ୍ରଦର୍ଶନକୁ ନେଇ ସୂତ୍ରଗୁଡ଼ିକରେ ଭିନ୍ନ ଭିନ୍ନ ମତ ମିଳେ। ଜାଗରଣ ଏହାକୁ ଫ୍ଲପ୍ ଭାବେ ଉଲ୍ଲେଖ କରିଥିବାବେଳେ ଅନ୍ୟ ଫିଲ୍ମ ରେକର୍ଡରେ ଏହାକୁ ବକ୍ସ ଅଫିସ୍ ସଫଳତା ବୋଲି ଦର୍ଶାଯାଇଛି।ତେବେ ସମୟ ବିତିବା ସହ ‘ରାଜ ତିଲକ’ ଏହାର ବିଶାଳ ଷ୍ଟାର୍କାଷ୍ଟ ପାଇଁ ଅଧିକ ଚର୍ଚ୍ଚିତ ହୋଇଛି। ଏକ ଫିଲ୍ମରେ ଏତେ ବଡ଼ ବଡ଼ ନାମକୁ ଏକାଠି କରିବା ୮୦ ଦଶକର ବଲିଉଡ୍ର ବିଶେଷ ଆକର୍ଷଣ ଥିଲା।
