3 days ago
4
ARTICLE AD BOX
ୱାସିଂଟନ: ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ୟୁକ୍ରେନୀୟ ରାଷ୍ଟ୍ରପତି ଭୋଲୋଡିମିର ଜେଲେନସ୍କିଙ୍କୁ ରୁଷର ତୈଳ ବିଶୋଧନାଗାର ଏବଂ ଡିଜେଲ ଉତ୍ପାଦନ ତଥା ବଣ୍ଟନ ପାଇଁ ବ୍ୟବହୃତ ଅନ୍ୟାନ୍ୟ ଭିତ୍ତିଭୂମି ଉପରେ ଆକ୍ରମଣ ବନ୍ଦ କରିବାକୁ ଅନୁରୋଧ କରି କହିଛନ୍ତି, ଏହି ଆକ୍ରମଣଗୁଡ଼ିକ ଯୋଗୁ ବିଶ୍ୱବ୍ୟାପୀ ତେଲର ଅଭାବ ସୃଷ୍ଟି ହେଉଛି। ଆମେରିକାରେ ଡିଜେଲ ମୂଲ୍ୟ ରେକର୍ଡ ସର୍ବାଧିକ ହେବା ପରେ, ପ୍ରତି ଗ୍ୟାଲନ ପିଛା ହାରାହାରି ୬ ଡଲାରରୁ ଅଧିକ ହେବା ପରେ ସେ ଏହି ମନ୍ତବ୍ୟ ଦେଇଛନ୍ତି।ୟୁକ୍ରେନ ମାସ ମାସ ଧରି ରୁଷର ତୈଳ ଏବଂ ଗ୍ୟାସ ଶିଳ୍ପକୁ ଦୀର୍ଘ ଦୂରଗାମୀ ଆକ୍ରମଣରେ ଟାର୍ଗେଟ କରିଆସୁଛି। ଫଳରେ ସାରା ଦେଶରେ ଇନ୍ଧନ ରାସନିଂ କରିବାକୁ ବାଧ୍ୟ କରୁଛି। ଏହା ଯୋଗୁଁ ଜୁଲାଇ ମାସରେ ମସ୍କୋ ଡିଜେଲ ରପ୍ତାନି ଉପରେ ପ୍ରତିବନ୍ଧକ ଲଗାଇବାକୁ ବାଧ୍ୟ ହୋଇଛି। ଫଳରେ ପୂର୍ବରୁ ତେଳ ସମସ୍ୟା ସହ ଯୁଝୁଥିବା ବିଶ୍ୱ ବଜାରରେ ତେଲ ଯୋଗାଣ ଆହୁରି ହ୍ରାସ ପାଇଛି।
ବିଶ୍ୱକୁ କ୍ଷତି ପହଞ୍ଚାଉଛି
ଇରାନ ସହିତ ଯୁଦ୍ଧ ଯୋଗୁଁ ହର୍ମୁଜ୍ ପ୍ରଣାଳୀ ଦେଇ ତୈଳ ପରିବହନ ହ୍ରାସ ପାଇଛି। ନଭେମ୍ବର ମଧ୍ୟବର୍ତ୍ତୀ ନିର୍ବାଚନରେ ​​ଭୋଟ୍ ଦେବାକୁ ପ୍ରସ୍ତୁତ ହେଉଥିବା ଆମେରିକୀୟମାନଙ୍କ ଉପରେ ଇନ୍ଧନ ମୂଲ୍ୟ ଏକ ବୋଝ ପାଲଟିଛି। ଗଣମାଧ୍ୟମ ପକ୍ଷରୁ ଟ୍ରମ୍ପଙ୍କୁ ପଚରାଯାଇଥିଲା ଯେ, ସେ ରୁଷର ଭ୍ଲାଦିମିର ପୁଟିନଙ୍କ ସହ ତାଙ୍କର ସମ୍ପ୍ରତିକ ଆଲୋଚନା ପରେ ଜେଲେନସ୍କିଙ୍କ ସହ କଥା ହୋଇଛନ୍ତି କି? ଜବାବରେ, ଟ୍ରମ୍ପ ଜେଲେନସ୍କିଙ୍କୁ ରୁଷ ଉପରେ ଆକ୍ରମଣ ବନ୍ଦ କରିବାକୁ ଅନୁରୋଧ କରିଥିଲେ। ଟ୍ରମ୍ପ କହିଛନ୍ତି,ଆମେ ଏ ବିଷୟରେ ଜେଲେନସ୍କିଙ୍କ ସହ କଥା ହୋଇଛୁ। ଅନ୍ୟାନ୍ୟ ଟାର୍ଗେଟ୍ ମଧ୍ୟ ଅଛି। ଡିଜେଲ ଇନ୍ଧନ ଉପରେ ଆକ୍ରମଣ କରନ୍ତୁ ନାହିଁ, କାରଣ ଏହା ଯୋଗୁଁ ବହୁ କ୍ଷତି ହେଉଛି। ଏହା ବିଶ୍ୱକୁ କ୍ଷତି ପହଞ୍ଚାଉଛି।
ଅନ୍ତର୍ଜାତୀୟ ଶକ୍ତି ଏଜେନ୍ସି ଦ୍ୱାରା ପ୍ରକାଶିତ ଏକ ରିପୋର୍ଟ ଅନୁଯାୟୀ, ଅଗଷ୍ଟରେ ଉପସାଗରୀୟ ଦେଶଗୁଡ଼ିକରୁ ଡିଜେଲ ଏବଂ ଗ୍ୟାସ୍ ତେଲର ନିଟ୍ ରପ୍ତାନି ଫେବ୍ରୁଆରିରେ ଇରାନ ସହିତ ଯୁଦ୍ଧ ଆରମ୍ଭ ହେବା ପୂର୍ବରୁ ଯାହା ଥିଲା ଏବେ ତାହା ନାହିଁ। ୟୁକ୍ରେନୀୟ ଆକ୍ରମଣ ତୀବ୍ର ହେବା ପରେ ରୁଷର ବିଶୋଧନ ପ୍ରଣାଳୀରେ ବାଧା ଏବଂ ଉତ୍ପାଦ ରପ୍ତାନି ପ୍ରାୟ ବନ୍ଦ ହେବା ଦ୍ୱାରା କ୍ଷୟକ୍ଷତି ବୃଦ୍ଧି ପାଇଛି। ଫେବ୍ରୁଆରି ମାସରେ, ଉପସାଗର ଏବଂ ରୁଷରୁ ଡିଜେଲ ଏବଂ ଗ୍ୟାସ୍ ତେଲର ମୋଟ ନିଟ୍ ରପ୍ତାନି ବିଶ୍ୱ ସାମୁଦ୍ରିକ ବାଣିଜ୍ୟର ପ୍ରାୟ ୪୫ ପ୍ରତିଶତ ଥିଲା। କିଭ୍ କହିଛି ଯେ, ରୁଷର ତୈଳ ଶିଳ୍ପର ରାଜସ୍ବ ମସ୍କୋ ଦ୍ବାରା ୟୁକ୍ରେନ ଉପରେ ଚାରି ବର୍ଷରୁ ଅଧିକ ସମୟ ଧରି ଚାଲିଥିବା ଆକ୍ରମଣକୁ ପାଣ୍ଠି ଯୋଗାଉଛି। ତେଣୁ ଆମେ ଏହାକୁ ଟାର୍ଗେଟ କରୁଛୁ।
