4 days ago
4
ARTICLE AD BOX
ନୂଆଦିଲ୍ଲୀ: ଲଢ଼େଇ ନୁହେଁ, ଆଲୋଚନା ମାଧ୍ୟମରେ ସମାଧାନ ଚାହୁଁଛନ୍ତି ଦିଲ୍ଲୀର ବ୍ୟବସାୟୀ। ନଭେମ୍ବର ୧ରେ ରାମଲୀଳା ମଇଦାନରେ ପ୍ରସ୍ତାବିତ ବିରୋଧୀ ଇଣ୍ଡି ମେଣ୍ଟର ସମାବେଶକୁ ନେଇ କଂଗ୍ରେସ ନେତା ରାହୁଲ ଗାନ୍ଧୀଙ୍କୁ ପୁଣି ଚିଠି ଲେଖିଛି ଚାମ୍ବର ଅଫ୍ ଟ୍ରେଡ୍ ଆଣ୍ଡ ଇଣ୍ଡଷ୍ଟ୍ରି (ସିଟିଆଇ)। ସମାବେଶକୁ ଦୀପାବଳି ପରେ କରିବାକୁ ସଂଗଠନ ଅନୁରୋଧ କରିଛି।
ସଂଗଠନର ଅଧ୍ୟକ୍ଷ ବ୍ରିଜେଶ ଗୋୟଲ ରାହୁଲଙ୍କୁ ୨୦ ମିନିଟ୍ ସମୟ ଦେବାକୁ କହିଛନ୍ତି। ଦିଲ୍ଲୀର ୨୦ଟି ପ୍ରମୁଖ ବଜାରର ବ୍ୟବସାୟୀ ପ୍ରତିନିଧି ତାଙ୍କ ସହ ଆଲୋଚନା କରିବାକୁ ଚାହୁଁଛନ୍ତି। ସମାବେଶରେ ପ୍ରାୟ ୧୦ ଲକ୍ଷ ଲୋକ ଯୋଗଦେଲେ ବଜାରରେ ଗ୍ରାହକଙ୍କ ଯାତାୟତ ଓ ବ୍ୟବସାୟ ପ୍ରଭାବିତ ହୋଇପାରେ ବୋଲି ବ୍ୟବସାୟୀଙ୍କ ଆଶଙ୍କା କରୁଛନ୍ତି। ରାହୁଲ ଯଦି ବୁଝାଇପାରିବେ ଯେ, ସମାବେଶ ଦ୍ୱାରା ବ୍ୟବସାୟ ବଢ଼ିବ, ତେବେ ବ୍ୟବସାୟୀମାନେ ନିଜ ବିରୋଧ ପ୍ରତ୍ୟାହାର କରିବେ।
କାରବାର ରକ୍ଷା କରିବାକୁ ସଂଗଠନର ଗୁରୁତ୍ୱ
ଅନ୍ୟପକ୍ଷରେ ସମାବେଶ ଯୋଗୁଁ କ୍ଷତି ହେବାର ଆଶଙ୍କାକୁ ସେମାନେ ବୁଝାଇପାରିଲେ କାର୍ଯ୍ୟକ୍ରମ ଘୁଞ୍ଚାଇବାକୁ ଦାବି କରିଛନ୍ତି। ଦୀପାବଳି ପୂର୍ବରୁ ବ୍ୟବସାୟ ପାଇଁ ଗୁରୁତ୍ୱପୂର୍ଣ୍ଣ ସମୟ ହୋଇଥିବାରୁ ବଜାରର ସ୍ୱାଭାବିକ କାରବାର ରକ୍ଷା କରିବାକୁ ସଂଗଠନ ଗୁରୁତ୍ୱ ଦେଇଛି। ରାଜନୈତିକ କାର୍ଯ୍ୟକ୍ରମ ଓ ବ୍ୟବସାୟୀଙ୍କ ଜୀବିକା ମଧ୍ୟରେ ସନ୍ତୁଳନ ରଖିବା ଏବେ ମୁଖ୍ୟ ପ୍ରଶ୍ନ ହୋଇଛି। ପ୍ରଭାବିତ ହେବାକୁ ଥିବା ବଜାର ମଧ୍ୟରେ ଚାନ୍ଦନୀ ଚୌକ୍, ଭାଗୀରଥ ପ୍ୟାଲେସ୍, ଖରି ବାଓଲି, ସଦର ବଜାର, ଚାୱରୀ ବଜାର, କାଶ୍ମୀରୀ ଗେଟ୍, ନବୀ କରିମ, କରୋଲ ବାଗ, ଅଜମେରୀ ଗେଟ୍ ଓ ଦରିଆଗଞ୍ଜ ଅନ୍ତର୍ଭୁକ୍ତ।
Ceasefire: ଯୁଦ୍ଧବିରାମ ନେଇ ଖୁବଶୀଘ୍ର ହେବ ପୁଟିନ୍-ଜେଲେନସ୍କି ପ୍ରତ୍ୟକ୍ଷ ଭେଟଘାଟ
