Dabugam Pond Drowning: ପୋଖରୀରେ ବୁଡ଼ି ଯୁବକର ମୃତ୍ୟୁ

ଡାବୁଗାଁ:ନବରଙ୍ଗପୁରଜିଲ୍ଲା ଡାବୁଗାଁ ଥାନା ଅଞ୍ଚଳ ଜୁନାପାଣି ଗ୍ରାମ ପଞ୍ଚାୟତ ଅନ୍ତର୍ଗତ ଗିରିଲା ଗ୍ରାମରେ ଜଣେ ଯୁବକଙ୍କ ପୋଖରୀରେ ବୁଡି ମୃତ୍ୟୁଘଟିଛି। ମୃତ ଯୁବକ ଗିରିଲା ଗ୍ରାମର ରାମଚନ୍ଦ୍ର ଭତରା (୧୯)।

Tragedy during festivities: ପାର୍ବଣରେ ଅଘଟଣ: ପାଣିରେ ବୁଡ଼ି ପ୍ରାଣ ହରାଇଲେ ୧୪ ଜଣ, ଗୋପାଳପୁର ସାଇଫନ୍‌ରେ ବୁଡ଼ି ୪ ମୃତ

ସୂଚନା ଅନୁଯାୟୀ, ଶୁକ୍ରବାର ଭୋର ୫ଟା ସମୟରେ ଶୌଚ ପାଇଁ ରାମଚନ୍ଦ୍ର ଗ୍ରାମ ନିକଟ ପୋଖରୀକୁ ଯାଇଥିଲେ । ତେବେ ଗୋଡ ଖସି ଯିବାରୁ ସେ ଗଭୀର ପାଣିରେ ବୁଡି ଯାଇଥିଲା। କିଛି ସମୟ ପରେ ରାମଚନ୍ଦ୍ରଙ୍କ ଦାଦା ସେହି ପୋଖରୀରେ ଶୌଚ ପାଇଁ ଆସିଥିଲେ। ସେ ରାମଚନ୍ଦ୍ର ର ପୋଷାକ ପୋଖରୀ ହୁଡାରେ ଥିବା ଓ ରାମଚନ୍ଦ୍ରଙ୍କ ଦେଖାନଥିବା ଦେଖି ସନ୍ଦେହ କରିଥିଲେ। ତୁରନ୍ତ ପରିବାର ଓ ଅଗ୍ନିଶମ ବାହିନୀକୁ ଖବର ଦେଇଥିଲେ।

 ଅଗ୍ନିଶମ ବାହିନୀ ପହଞ୍ଚି ପୋଖରୀ ମଧ୍ୟରୁ ରାମଚନ୍ଦ୍ରଙ୍କ ଅଚେତନ ଶରୀରକୁ ଉଦ୍ଧାର କରିଥିଲେ। ଡାବୁଗାଁ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ନିଆ ଯାଇଥିବା ବେଳେ ଡାକ୍ତର ସେଠାରେ ତାର ମୃତ୍ୟୁ ହୋଇଥିବା ଘୋଷଣା କରିଥିଲେ। ଏ ନେଇ ମୃତ ଯୁବକ ର ବାପା ଡାବୁଗାଁ ଥାନାରେ ଏତଲା ଦେବା ପରେ ପୁଲିସ ଶବ ଜବତ କରି କେସ ନମ୍ବର ୩୧/୨୬ ରେ ଏକ ଅପମୃତ୍ୟୁ ମାମଲା ରୁଜୁ କରିଛନ୍ତି। ପୂର୍ବାହ୍ନରେ ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯାଇଥିଲା।ଘଟଣାର ତଦନ୍ତ ପୁଲିସ ଏ ଏସ ଆଇ ରାମଚନ୍ଦ୍ର ନାୟକ କରୁଛନ୍ତି । ତେବେ ଚଳିତ ସପ୍ତାହ ମଧ୍ୟରେ ଡାବୁଗାଁ ଥାନା ଅଞ୍ଚଳରେ ପୋଖରୀରେ ବୁଡି ୩ ଜଣଙ୍କ ମୃତ୍ୟୁ ଘଟିଛି।