2 weeks ago
7
ARTICLE AD BOX
ନୂଆଦିଲ୍ଲୀ: ଭାରତୀୟ କ୍ରିକେଟ୍ରେ ୧୫ ବର୍ଷୀୟ ବିସ୍ମୟ ବାଳକ ବୈଭବ ସୂର୍ଯ୍ୟବଂଶୀ ଅଧିକ ଚର୍ଚ୍ଚାରେ ଅଛନ୍ତି। ଇଣ୍ଡିଆନ ପ୍ରମିୟର ଲିଗ୍ (ଆଇପିଏଲ୍)ରେ ପ୍ରଥମେ, ତା’ପରେ ଇଣ୍ଡିଆ ଏ ଏବଂ ୧୯ ବର୍ଷରୁ କମ୍ ବିଶ୍ବକପ୍ରେ ବୈଭବ ବିସ୍ଫୋରକ ବ୍ୟାଟିଂ କରିଛନ୍ତି। ରେଡ୍ ବଲ୍ ଫର୍ମାଟ୍ର ସବୁଠାରୁ ବଡ଼ ଘରୋଇ ଟୁର୍ଣ୍ଣାମେଣ୍ଟ ଦଲୀପ ଟ୍ରଫିରେ ସେ ବିସ୍ଫୋରକ ବ୍ୟାଟିଂ କରି ପୁଣି ଥରେ ଚର୍ଚ୍ଚାକୁ ଆସିଛନ୍ତି।
ଇଷ୍ଟ ଜୋନ୍ ପାଇଁ ଖେଳୁଥିବା ବୈଭବ ସୂର୍ଯ୍ୟବଂଶୀ ସେଣ୍ଟ୍ରାଲ ଜୋନ୍ ବିପକ୍ଷରେ ସେମିଫାଇନାଲ ମ୍ୟାଚ୍ରେ ୧୩୨ ରନ୍ ସଂଗ୍ରହ କରିଛନ୍ତି। ଏହି ସମୟରେ ତାଙ୍କର ବ୍ୟାଟ୍ରୁ ୧୦ଟି ଚୌକା ଏବଂ ୯ଟି ଛକା ଆସିଛି। ସେ କେବଳ ଶତକ ହାସଲ କରିନାହାନ୍ତି; ବରଂ ୧୩୨ ରନ୍ ସଂଗ୍ରହ କରିଛନ୍ତି। ପ୍ରଥମ ପାଳିରେ ସେ ୯୨ ରନ୍ ସଂଗ୍ରହ କରିଛନ୍ତି। ଏଥିରେ ସେ ୭ଟି ଚୌକା ଏବଂ ୭ଟି ଛକା ମାରିଥିଲେ। ଦ୍ବିତୀୟ ପାଳିରେ ୩ଟି ଚୌକା ଏବଂ ୨ଟି ଛକା ମାରିଥିଲେ।
ବୈଭବ ସୂର୍ଯ୍ୟବଂଶୀ ଦଲୀପ ଟ୍ରଫି ଇତିହାସରେ କମ ବୟସରେ ଅର୍ଦ୍ଧଶତକ ହାସଲ କରିଥିବା ଖେଳାଳି ହୋଇପାରିଛନ୍ତି। ବୈଭବ ଇଷ୍ଟ ଜୋନ୍ର ପାଳିର ପ୍ରଥମ ୧୫ ଓଭରରେ ନିଜର ଅର୍ଦ୍ଧଶତକ ପୂରା କରିଥିଲେ। ସେ ସାରାଂଶ ଜୈନଙ୍କ ବଲ୍ରେ ଛକା ମାରି ଅର୍ଦ୍ଧଶତକ ହାସଲ କରିଥିଲେ। ସେ ୧୫ ବର୍ଷ ୧୫୭ ଦିନର ବୟସରେ ଦଲୀପ ଟ୍ରଫିରେ ଅର୍ଦ୍ଧଶତକ ହାସଲ କରିଥିଲେ। ଏହା ପରେ ସେ ଶତକ ପୂରା କରିପାରି ନଥିଲେ। ଅର୍ଥାତ ୯୨ ରନ୍ କରି ଆଉଟ୍ ହୋଇଥିଲେ।
Cricket: ପ୍ରତୀକ୍ଷାର ଅନ୍ତ; ଅନ୍ତର୍ଜାତୀୟ କ୍ରିକେଟ୍ରେ ପଦାର୍ପଣ କଲେ ବୈଭବ ସୂର୍ଯ୍ୟବଂଶୀ
ସବୁଠୁ କମ୍ ବୟସରେ ଦଲୀପ ଟ୍ରଫିରେ ଅର୍ଦ୍ଧଶତକ
- ୧୫ ବର୍ଷ ୧୫୭ ଦିନ: ବୈଭବ ସୂର୍ଯ୍ୟବଂଶୀ
- ୧୬ ବର୍ଷ ୨୩ ଦିନ ଲକ୍ଷ୍ମଣ ସିଂହ
- ୧୬ ବର୍ଷ ୩୦୭ ଦିନ: ପୀୟୂଷ ଚାୱଲା
ଏହି ସେମିଫାଇନାଲ ମ୍ୟାଚ୍ର ପ୍ରଥମ ଦିନ ବୈଭବ ସୂର୍ଯ୍ୟବଂଶୀ ଅଧିନାୟକ ଥିଲେ। ବୈଭବ ସୂର୍ଯ୍ୟବଂଶୀ ଯେତେବେଳେ ଅଧିନାୟକ ଥିଲେ, ତାଙ୍କର ଏକ ଡିଆରଏସ୍ ନିଷ୍ପତ୍ତି ଚର୍ଚ୍ଚାରେ ଥିଲା। ସେ ନିଜର ନିଷ୍ପତ୍ତି ସଠିକ୍ ଥିଲେ, ଯେଉଁଥି ପାଇଁ ଅମ୍ପାୟରଙ୍କୁ ନିଜର ନିଷ୍ପତ୍ତି ବଦଳାଇବାକୁ ପଡ଼ିଥିଲା।
