2 months ago
17
ARTICLE AD BOX
ନୂଆଦିଲ୍ଲୀ: ଦିଲ୍ଲୀ ଜଳ ବୋର୍ଡ (ଡିଜେବି)ରେ କଥିତ ଦୁର୍ନୀତି ମାମଲାରେ ଆମ୍ ଆଦ୍ମୀ ପାର୍ଟି (ଆପ୍) ନେତା ତଥା ପୂର୍ବତନ ଦିଲ୍ଲୀ ମନ୍ତ୍ରୀ ସତ୍ୟେନ୍ଦ୍ର ଜୈନଙ୍କୁ ମଙ୍ଗଳବାର ଗିରଫ କରାଯାଇଛି। ଦିଲ୍ଲୀର ଦୁର୍ନୀତି ନିରୋଧୀ ଶାଖା (ଏସିବି) ଏହି କାର୍ଯ୍ୟାନୁଷ୍ଠାନ ନେଇଛି।
ଡିଜେବି ସହ ଜଡ଼ିତ ଦୁର୍ନୀତି ମାମଲାରେ ଜୈନଙ୍କ ବିରୋଧରେ ଏସିବି ପୂର୍ବରୁ ମାମଲା ରୁଜୁ କରିଥିଲା। ମାମଲାଟି ଦିଲ୍ଲୀ ଜଳ ବୋର୍ଡର ବିଭିନ୍ନ ପ୍ରକଳ୍ପ ଓ ଟେଣ୍ଡରରେ ଅନିୟମିତତା ସମ୍ପର୍କିତ। ଗତ ବର୍ଷ ଜୁଲାଇରେ ମଧ୍ୟ ଏହି ମାମଲା ସହ ଜଡ଼ିତ ଅର୍ଥ ହେରଫେର ଅଭିଯୋଗ ନେଇ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ଜୈନଙ୍କୁ ପଚରାଉଚରା କରିଥିଲା।
ଦିଲ୍ଲୀରେ ଆମ୍ ଆଦ୍ମୀ ପାର୍ଟିର ବିଜୟ ପରେ ସଞ୍ଜୟ ସିଂହଙ୍କୁ ନେଇ ଓଡ଼ିଶାରେ ବି ଚର୍ଚ୍ଚା
ଏହି ମାମଲାର ମୂଳ ଅଭିଯୋଗ ଡିଜେବିର ସ୍ୱେଜ୍ ଟ୍ରିଟ୍ମେଣ୍ଟ ପ୍ଲାଣ୍ଟ (ଏସ୍ଟିପି) ସମ୍ପର୍କିତ କାମର ଟେଣ୍ଡର ପ୍ରଦାନକୁ ନେଇ। ତଦନ୍ତକାରୀ ସଂସ୍ଥାର ଅଭିଯୋଗ ଅନୁସାରେ, ଚାରିଟି ଏସ୍ଟିପି ଟେଣ୍ଡର ସହ ଜଡ଼ିତ ଅନିୟମିତତା ମାଧ୍ୟମରେ ପ୍ରାୟ ୧୭.୭୦ କୋଟି ଟଙ୍କାର ଅର୍ଥ ହେରଫେର ହୋଇଥିବା ଅଭିଯୋଗ ରହିଛି। ଏହି ମାମଲାରେ ଇଡି ପରେ ଜୈନଙ୍କ ସମେତ ୧୪ ଜଣଙ୍କ ବିରୋଧରେ ଅଭିଯୋଗପତ୍ର ଦାଖଲ କରିଥିଲା। ସତ୍ୟେନ୍ଦ୍ର ଜୈନ ପୂର୍ବତନ ଦିଲ୍ଲୀ ସରକାରରେ ସ୍ୱାସ୍ଥ୍ୟ, ଜଳ, ବିଦ୍ୟୁତ୍, ଲୋକ ନିର୍ମାଣ ଓ ସହର ବିକାଶ ଭଳି ଗୁରୁତ୍ୱପୂର୍ଣ୍ଣ ବିଭାଗର ମନ୍ତ୍ରୀ ଥିଲେ। ୨୦୨୨ରେ ଅନ୍ୟ ଏକ ଅର୍ଥ ହେରଫେର ମାମଲାରେ ଇଡି ତାଙ୍କୁ ଗିରଫ କରିଥିଲା।
