53 minutes ago
1
ARTICLE AD BOX
ନୂଆଦିଲ୍ଲୀ: ଛାତ୍ରୀ ଆନ୍ଦୋଳନକାରୀ ତଥା ଅଲ୍ ଇଣ୍ଡିଆ ଷ୍ଟୁଡେଣ୍ଟସ୍ ଆସୋସିଏସନ୍ (ଏଆଇଏସଏ) ନେତ୍ରୀ ନେହା ବୋରାଙ୍କ ଏକ ବିବାଦୀୟ ବୟାନକୁ ନେଇ ଦେଶର ରାଜନୈତିକ ପାରଦ ଉତ୍ତପ୍ତ ହୋଇପଡ଼ିଛି। ମହିଳାମାନଙ୍କୁ ବ୍ରାହ୍ମଣବାଦୀ ବ୍ୟବସ୍ଥାରୁ ସୁରକ୍ଷା ଦରକାର ଏବଂ ମନ୍ଦିର ମଧ୍ୟରେ ପୂଜକମାନେ ଦୁଷ୍କର୍ମ କରୁଛନ୍ତି ବୋଲି ନେହା ଅଭିଯୋଗ କରିବା ପରେ, ଭାରତୀୟ ଜନତା ପାର୍ଟି (ବିଜେପି) ଏହାକୁ କଂଗ୍ରେସର ହିନ୍ଦୁ ବିରୋଧୀ ମାନସିକତାର ପରିଣାମ ବୋଲି କହି ତୀବ୍ର ଆକ୍ରମଣ କରିଛି।
ସୋସିଆଲ ମିଡିଆରେ ତୀବ୍ର ପ୍ରତିକ୍ରିୟା
ବିଜେପିଜାତୀୟ ପ୍ରବକ୍ତା ପ୍ରଦୀପ ଭଣ୍ଡାରୀ ନେହା ବୋରାଙ୍କ ମନ୍ତବ୍ୟକୁ ସମାଲୋଚନା କରି କହିଛନ୍ତି ଯେ, ଏହି ବୟାନ କଂଗ୍ରେସ ସାଂସଦ ରାହୁଲ ଗାନ୍ଧୀଙ୍କ ପୁରୁଣା ବକ୍ତବ୍ୟର ଅବିକଳ ନକଲ ଏବଂ ଏହା ସନାତନ ଧର୍ମ ବିରୋଧୀ ଏକ ଆଇଡିଓଲୋଜିକାଲ୍ ଅଭିଯାନ। ୨୦୧୪ରେ ରାହୁଲ ଗାନ୍ଧୀଙ୍କ ମନ୍ଦିର ଓ ମହିଳା ନିର୍ଯାତନା ସମ୍ପର୍କିତ ବୟାନ ଏବଂ ପୂର୍ବତନ ୟୁପିଏ ସରକାର ସମୟରେ କଂଗ୍ରେସ ନେତାମାନଙ୍କ ଦ୍ୱାରା ବ୍ୟବହୃତ ''ହିନ୍ଦୁ ଆତଙ୍କବାଦ'' ଶବ୍ଦକୁ ମନେପକାଇ ଭଣ୍ଡାରୀ କହିଛନ୍ତି, କଂଗ୍ରେସର ଡିଏନ୍ଏ ହେଉଛି ହିନ୍ଦୁ-ବିରୋଧୀ, ସଂବିଧାନ-ବିରୋଧୀ ଏବଂ ସନାତନ-ବିରୋଧୀ।
ମୁଖ୍ୟ ନିର୍ବାଚନ ଆୟୁକ୍ତ (ସିଇସି) ଜ୍ଞାନେଶ କୁମାରଙ୍କ ବିରୋଧରେ ଆଗତ ମହାଭିଯୋଗ ପ୍ରସ୍ତାବକୁ ସମର୍ଥନ ଜଣାଇବା ବେଳେ ନେହା ବୋରା କହିଥିଲେ ଯେ, ବ୍ରାହ୍ମଣବାଦୀ ବ୍ୟବସ୍ଥା ଶୋଷିତ, ମହିଳା ଓ ଗରିବଙ୍କୁ ଦମନ କରିବାକୁ ଶିଖାଏ ଏବଂ ଏହି ବ୍ୟବସ୍ଥା ଯୋଗୁଁ ବ୍ରାହ୍ମଣ ମହିଳାମାନେ ମଧ୍ୟ ଅସୁରକ୍ଷିତ। ନିଜ ବୟାନର ସମର୍ଥନରେ ସେ ୨୦୧୮ ଜାମ୍ମୁ-କାଶ୍ମୀରର କଠୁଆ ମନ୍ଦିରରେ ଘଟିଥିବା ଆଠ ବର୍ଷର ଶିଶୁକନ୍ୟା ଗଣଦୁଷ୍କର୍ମ ଘଟଣାର ଉଦାହରଣ ଦେଇଥିଲେ। ତେବେ ଗୋଟିଏ ସମ୍ପୂର୍ଣ୍ଣ ସମ୍ପ୍ରଦାୟ ଓ ଧାର୍ମିକ ଅନୁଷ୍ଠାନକୁ ଆକ୍ଷେପ କରି ଏପରି ଜନସାଧାରଣଙ୍କ ସମ୍ମୁଖରେ ବ୍ୟାପକ ଅଭିଯୋଗ ଆଣିବାକୁ ନେଇ ସୋସିଆଲ ମିଡିଆରେ ମଧ୍ୟ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି।
ନେପାଳରେ ବଡ଼ ଦୁର୍ଘଟଣା: ଅବତରଣ ସମୟରେ ୨ ହେଲିକପ୍ଟର ଧକ୍କା, ଭାରତୀୟ ନାଗରିକଙ୍କ ମୃତ୍ୟୁ
