4 days ago
7
ARTICLE AD BOX
ନୂଆଦିଲ୍ଲୀ: ଶନିବାର ବ୍ରିକ୍ସ ଶିଖର ସମ୍ମିଳନୀରେ ସର୍ବସମ୍ମତିକ୍ରମେ ‘ନୂଆଦିଲ୍ଲୀ ଘୋଷଣାନାମା’ ଗ୍ରହଣ କରାଯିବା ଭାରତ ପାଇଁ ଏକ ବଡ଼ କୂଟନୈତିକ ସଫଳତା ସାବ୍ୟସ୍ତ ହୋଇଛି। ଗୁରୁତ୍ୱପୂର୍ଣ୍ଣ ଆଲୋଚନା ଓ ସହମତି ପରେ ସମସ୍ତ ସଦସ୍ୟ ରାଷ୍ଟ୍ର ଏହି ମିଳିତ ବିବୃତି ଉପରେ ଏକମତ ହେବା ବୈଶ୍ବିକ କୂଟନୀତିରେ ଏକ ନୂଆ ଅଧ୍ୟାୟ ଯୋଡ଼ିଛି। ସମ୍ମିଳନୀର ଉଦ୍ଯାପନୀ ଭାଷଣରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବ୍ରିକ୍ସ ନେତାମାନଙ୍କ ସହଯୋଗ ପାଇଁ ଧନ୍ୟବାଦ ଜଣାଇ ଏହି ନିଷ୍ପତ୍ତି ଘୋଷଣା କରିଥିଲେ। ଏହି ଘୋଷଣାନାମା ନେଇ କୌଣସି ସଦସ୍ୟ ଆପତ୍ତି ଉଠାଇ ନାହାନ୍ତି, ନୂଆଦିଲ୍ଲୀ ଘୋଷଣାନାମା ୨୦୨୬ ସର୍ବସମ୍ମତିକ୍ରମେ ଗୃହୀତ ହୋଇଛି, ବୋଲି ପ୍ରଧାନମନ୍ତ୍ରୀ କହିଛନ୍ତି। ଏହି ଘୋଷଣାନାମା ବ୍ରିକ୍ସର ମିଳିତ ସଂକଳ୍ପକୁ ଏକ ସ୍ପଷ୍ଟ ଦିଗଦର୍ଶନ ଦେଉଛି। ଏବେ ଏହି ସଂକଳ୍ପଗୁଡ଼ିକୁ ବାସ୍ତବ ଫଳାଫଳରେ ପରିଣତ କରିବା ଆମର ଦାୟିତ୍ୱ ବୋଲି ପ୍ରଧାନମନ୍ତ୍ରୀ ପ୍ରକାଶ କରିଛନ୍ତି।
Elephant: ସିଙ୍ଗାରି ପଞ୍ଚାୟତ କରଞ୍ଜା ଗାଁରେ କପା ଫସଲ ଉଜାଡ଼ିଲେ ହାତୀପଲ
କୌଣସି ମତଭେଦ ରୋକି ପାରିଲାନି, ଭିନ୍ନମତ ସତ୍ତ୍ୱେ ଭାରତର ନେତୃତ୍ୱରେ ସମାଧାନ
ପ୍ରତିକୂଳ ପରିସ୍ଥିତି ମଧ୍ୟରେ ଏହି ସଫଳତା ମିଳିଛି, କାରଣ ଶୁକ୍ରବାର ରାତିତମାମ ମଳିତି ଘୋଷଣାନାମା ନେଇ ଆଲୋଚନା ଚାଲିଥିଲା। ଅନେକ ବିବାଦୀୟ ପ୍ରସଙ୍ଗରେ ମତଭେଦ ଥିଲେ ମଧ୍ୟ ଭାରତ ସମସ୍ତ ଦେଶ ସହ ନିରନ୍ତର ଆଲୋଚନା କରି ସହମତି ପ୍ରତିଷ୍ଠା କରିବାରେ ସଫଳ ହୋଇଥିଲା। ବିଶେଷକରି ଇରାନ, ସାଉଦି ଆରବ ଓ ୟୁଏଇ ଭଳି ମଧ୍ୟପ୍ରାଚ୍ୟ ବିବାଦରେ ଭିନ୍ନ ସ୍ଥିତିରେ ଥିବା ଦେଶଗୁଡ଼ିକୁ ଗୋଟିଏ ମଞ୍ଚରେ ଏକଜୁଟ କରି ସହମତି ଆଣିବା ଭାରତ ପାଇଁ ଏକ ଜଟିଳ କୂଟନୈତିକ ଆହ୍ୱାନ ଥିଲା। ପଶ୍ଚିମ ଏସିଆ ଓ ରୁଷ୍-ୟୁକ୍ରେନ୍ ସଂଘର୍ଷ ଜାରି ରହିଥିବା ସମୟରେ ଭାରତର ଏହି ସଫଳତା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଭାରତର ଦକ୍ଷ କୂଟନୈତିକ ଚାଲ୍ ଯୋଗୁଁ କୌଣସି ମତଭେଦ ବ୍ରିକ୍ସ ପ୍ରକ୍ରିୟାକୁ ବାଧାପ୍ରାପ୍ତ କରିପାରିନଥିଲା। ଏହାପୂର୍ବରୁ ୨୦୨୩ ଦିଲ୍ଲୀ ଜି-୨୦ ଶିଖର ସମ୍ମିଳନୀରେ ମଧ୍ୟ ପଶ୍ଚିମ ରାଷ୍ଟ୍ରଗୁଡ଼ିକ ସହିତ ରୁଷ୍-ଚୀନ୍ ମଧ୍ୟରେ ତୀବ୍ର ମତଭେଦ ସତ୍ତ୍ୱେ ଭାରତ ସର୍ବସମ୍ମତିକ୍ରମେ ଘୋଷଣାନାମା ଗ୍ରହଣ କରାଇବାରେ ସଫଳ ହୋଇଥିଲା।
Drinking water: ପ୍ରଦୂଷିତ ଭୂତଳ ଜଳ ପାଇଁ ବିକଳ୍ପ ପଦକ୍ଷେପ; ନିର୍ମଳ ବୁନ୍ଦା ଲୋକାର୍ପିତ
ସୂଚନାଯୋଗ୍ୟ, ଚଳିତ ଶନିବାର ଓ ରବିବାର ନୂଆଦିଲ୍ଲୀରେ ଆୟୋଜିତ ଏହି ବାର୍ଷିକ ସମ୍ମିଳନୀରେ ସମ୍ପ୍ରସାରିତ ବ୍ରିକ୍ସ ଗୋଷ୍ଠୀର ନେତାମାନେ ଯୋଗ ଦେଇଛନ୍ତି। ଏହି ଗୋଷ୍ଠୀରେ ବ୍ରାଜିଲ, ରୁଷ୍, ଭାରତ, ଚୀନ୍, ଦକ୍ଷିଣ ଆଫ୍ରିକା, ଇଜିପ୍ଟ, ଇଥିଓପିଆ, ଇଣ୍ଡୋନେସିଆ, ଇରାନ୍ ଓ ୟୁଏଇ ସାମିଲ ଅଛନ୍ତି। ଗଲ୍ଫ ସଂଘର୍ଷରେ ପରସ୍ପର ବିରୋଧରେ ଥିବା ଇରାନ୍ ଓ ୟୁଏଇ ମଧ୍ୟ ଦିଲ୍ଲୀ ଘୋଷଣାନାମାକୁ ସମର୍ଥନ କରିଛନ୍ତି।
