2 weeks ago
10
ARTICLE AD BOX
ଯୋଡ଼ା:କେନ୍ଦୁଝରଜିଲ୍ଲା ଯୋଡ଼ାସ୍ଥିତ ଖୁଣ୍ଟପାଣି ଜଙ୍ଗଲରୁ ଆଜି (ଶୁକ୍ରବାର) ପୁଲିସ ଏକ ନାବାଳକ (୯ବର୍ଷ)ଙ୍କ ମୃତଦେହ ଉଦ୍ଧାର କରିଛି । ନାବାଳକଙ୍କୁ ଚିହ୍ନଟ କରାଯାଇଛି। ସେ ନିକଟସ୍ଥ ଗାଁର କ୍ରିଷ୍ଣା କାଳନ୍ଦୀ ବୋଲି ଜଣାଯାଇଛି।
Murder: ମା’ଙ୍କ ପ୍ରତି ଖରାପ ନଜର ପକାଇବାରୁ ହତ୍ୟା: ୨ ଅଭିଯୁକ୍ତ ଗିରଫ, ନାବାଳକ ଅଟକ
ପୁଲିସ ଠାରୁ ମିଳିଥିବା ସୂଚନାନୁସାରେ, ୧୫ ତାରିଖ ରାତିରେ କ୍ରିଷ୍ଣା କାଳନ୍ଦୀ (୯) ତାଙ୍କ ମଝିଆଁ ଭଉଣୀ ଓ ଭିଣୋଇଙ୍କ ସହ ନିକଟସ୍ଥ ଜଙ୍ଗଲକୁ ଯାଇଥିଲେ। ସେଠାରୁ ଭଉଣୀ ଓ ଭିଣେଇ ଦୁହେଁ ସେଠାରୁ ଘରକୁ ଫେରିଥିଲେ ମଧ୍ୟ କ୍ରିଷ୍ଣା ଫେରିନଥିଲେ। ଶୁକ୍ରବାର ସ୍ଥାନୀୟ ଲୋକେ ମୃତ ଦେହ ଦେଖି ପୁଲିସକୁ ଖବର ଦେଇଥିଲେ।
Missing: ଘର ସାମ୍ନାରୁ ନାବାଳକ ନିଖୋଜ
ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛି । ମୃତ ନାବାଳକଙ୍କ ବଡ଼ ଭଉଣୀ ଓ ପରିବାର ବର୍ଗ ଏହା ଏକ ଯୋଜନାବଦ୍ଧ ହତ୍ୟାକାଣ୍ଡ ବୋଲି ପୁଲିସ କୁ ଅଭିଯୋଗ କରିଛନ୍ତି। ଏ ନେଇ ଯୋଡ଼ା ଥାନାରେ ଏକ ଅପମୃତ୍ୟୁ ମାମଲା ନଂ୧୮/୨୦୨୬ ରୁଜୁ କରାଯାଇଛି। ମୃତ୍ୟୁର କାରଣ ଏବେ ମଧ୍ୟ ଅସ୍ପଷ୍ଟ ରହିଛି। ବ୍ୟବଚ୍ଛେଦ ରିପୋର୍ଟ ଆସିବାପରେ ମୃତ୍ୟୁର କାରଣ ଜଣା ପଡିବ ବୋଲି ପୁଲିସ କହିଛି । ଅନ୍ୟ ପକ୍ଷରେ ମୃତ ନାବାଳକ ଙ୍କ ମାମୁ ରାଜୁ ମୁଣ୍ଡା ଗଣ ମାଧ୍ୟମ ଆଗରେ ଅଭିଯୋଗ କରି କହିଛନ୍ତି ଯେ, ପୁଲିସ ଘଟଣାକୁ ଚାପିବାକୁ ଉଦ୍ୟମ କରୁଛି।
