3 weeks ago
9
ARTICLE AD BOX
ଆମ୍ଷ୍ଟେଲଭିନ୍: ଏଫ୍ଆଇଏଚ୍ ହକି ବିଶ୍ୱକପ୍ର ଦ୍ୱିତୀୟ ରାଉଣ୍ଡରେ ଅଲିମ୍ପିକ୍ ଚାମ୍ପିଅନ୍ ନେଦରଲାଣ୍ଡ୍ସଠାରୁ ୧-୩ରେ ପରାଜୟ ବରଣ କରିଛି ଭାରତ। ଏହା ସହିତ ଭାରତର ସେମିଫାଇନାଲ ରାସ୍ତା କଷ୍ଟକର ହୋଇପଡ଼ିଛି। ଶନିବାର ମ୍ୟାଚ୍ର ପ୍ରଥମାର୍ଦ୍ଧ ଗୋଲ୍ଶୂନ୍ୟ ରହିଥିଲେ ମଧ୍ୟ ଦ୍ୱିତୀୟାର୍ଦ୍ଧରେ ନେଦରଲାଣ୍ଡ୍ସ ଆକ୍ରମଣ ଜୋରଦାର କରିଥିଲା। ୪୧ତମ ମିନିଟ୍ରେ ଡୁକୋ ଟେଲ୍ଗେନକାମ୍ପ ଗୋଲ୍ କରି ଘରୋଇ ଦଳକୁ ଆଗୁଆ କରିଥିଲେ। ଏହାପରେ ୫୧ତମ ମିନିଟ୍ରେ ହୋଡେମେକର୍ସ ଏବଂ ୫୬ତମ ମିନିଟ୍ରେ ଥାଇସ୍ ଭାନ୍ ଡାମ୍ ଗୋଲ୍ କରି ନେଦରଲାଣ୍ଡ୍ସର ବିଜୟ ପ୍ରାୟ ନିଶ୍ଚିତ କରିଥିଲେ।
Meeting: ପଶ୍ଚିମବଙ୍ଗ ପାହାଡ଼ିଆ ଅଞ୍ଚଳର ସମସ୍ୟା, ସ୍ଥାୟୀ ରାଜନୈତିକ ସମାଧାନ ନେଇ ଆଲୋଚନା
ଭାରତ ଦୁଇଟି ପେନାଲ୍ଟି କର୍ଣ୍ଣର ସୁଯୋଗ ପାଇଥିଲେ ମଧ୍ୟ ତାହାକୁ ଗୋଲ୍ରେ ପରିଣତ କରିପାରିନଥିଲା। ତେବେ ମ୍ୟାଚ୍ ଶେଷ ହେବାକୁ ପ୍ରାୟ ୮ ମିନିଟ୍ ବାକି ଥିବାବେଳେ ହରମନପ୍ରୀତ ପେନାଲ୍ଟି କର୍ଣ୍ଣରରୁ ଗୋଲ୍ କରି ଭାରତର ଆଶା ଉଜ୍ଜୀବିତ କରିଥିଲେ। କିନ୍ତୁ ଏହାପରେ ଭାରତ ଆଉ ଗୋଲ୍ ଦେଇନପାରି ନଥିଲା। ଏହି ପରାଜୟ ପରେ ପୁଲ୍ ‘ଇ’ରେ ଭାରତର ସ୍ଥିତି ଜଟିଳ ହୋଇପଡ଼ିଛି। ସେମିଫାଇନାଲ ଆଶା ବଜାୟ ରଖିବାକୁ ଭାରତକୁ ଅବଶିଷ୍ଟ ମ୍ୟାଚ୍ରେ ଆର୍ଜେଣ୍ଟିନାକୁ ପରାସ୍ତ କରିବା ସହ ଅନ୍ୟ ମ୍ୟାଚ୍ର ଫଳାଫଳକୁ ବି ଅପେକ୍ଷା କରିବାକୁ ପଡ଼ିବ।
