ଏକନାଥ ସିନ୍ଦେଙ୍କ ସ୍ୱାସ୍ଥ୍ୟାବସ୍ଥା ବିଗିଡ଼ିଲା: ଥାଣେର ଜୁପିଟର ହସ୍ପିଟାଲରେ ଭର୍ତ୍ତି

ମୁମ୍ବାଇ: ମହାରାଷ୍ଟ୍ରର ଉପମୁଖ୍ୟମନ୍ତ୍ରୀ ତଥା ଶିବସେନା ମୁଖ୍ୟ ଏକନାଥ ସିନ୍ଦେଙ୍କୁ ଶନିବାର ଥାଣେର ଜୁପିଟର ହସ୍ପିଟାଲରେ ଭର୍ତ୍ତି କରାଯାଇଛି। ସୂଚନା ଅନୁଯାୟୀ, ଶୁକ୍ରବାରଠାରୁ ସେ ସାମାନ୍ୟ ଜ୍ୱର, ଶରୀର ଯନ୍ତ୍ରଣା ଏବଂ ଥକ୍କା ଅନୁଭବ କରୁଥିଲେ, ତେଣୁ ଡାକ୍ତରମାନେ ତାଙ୍କୁ ସତର୍କତାମୂଳକ ପଦକ୍ଷେପ ସ୍ୱରୂପ ହସ୍ପିଟାଲରେ ଭର୍ତ୍ତି କରିବାକୁ ପରାମର୍ଶ ଦେଇଥିଲେ। ହସ୍ପିଟାଲ ସୂତ୍ର ଅନୁଯାୟୀ, ଶିବସେନା ମୁଖ୍ୟଙ୍କ ରୁଟିନ୍ ଯାଞ୍ଚ୍ ଚାଲିଛି। ତାଙ୍କ ଅବସ୍ଥା ସ୍ଥିର ଅଛି ଏବଂ ଚିନ୍ତାର କୌଣସି କାରଣ ନାହିଁ। ଶୁକ୍ରବାରଠାରୁ ସିନ୍ଦେ ଅସୁସ୍ଥ ଅନୁଭବ କରୁଥିଲେ, ଯାହା ପରେ ଡାକ୍ତରମାନେ ତାଙ୍କୁ ଡାକ୍ତରୀ ଯାଞ୍ଚ୍ କରିବାକୁ ପରାମର୍ଶ ଦେଇଥିଲେ। ବର୍ତ୍ତମାନ, ଡାକ୍ତରଙ୍କ ଏକ ଦଳ ହସ୍ପିଟାଲରେ ତାଙ୍କ ଅବସ୍ଥା ଉପରେ ନଜର ରଖିଛନ୍ତି ଏବଂ କେତେକ ପରୀକ୍ଷା କରାଯାଉଛି। ସୂତ୍ର ଅନୁଯାୟୀ, ଜ୍ୱର ଏବଂ ଥକ୍କାପଣର କାରଣ ନିର୍ଣ୍ଣୟ କରିବା ପାଇଁ ଡାକ୍ତରମାନେ ଆବଶ୍ୟକୀୟ ପରୀକ୍ଷା କରୁଛନ୍ତି। ହସ୍ପିଟାଲ କିମ୍ବା ଉପମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ କୌଣସି ସରକାରୀ ମେଡିକାଲ୍ ବୁଲେଟିନ୍ ଜାରି କରାଯାଇ ନାହିଁ। ଯାଞ୍ଚ୍ ସମାପ୍ତ ହେବା ପରେ ହିଁ ସିନ୍ଦେଙ୍କ ସ୍ୱାସ୍ଥ୍ୟାବସ୍ଥା ବିଷୟରେ ବିସ୍ତୃତ ସୂଚନା ଦିଆଯିବ ବୋଲି ଅନୁମାନ କରାଯାଉଛି।

ଶିବସେନାର ବରିଷ୍ଠ ନେତା ଏବଂ ସରକାରୀ ଅଧିକାରୀମାନେ ଡାକ୍ତର ଏବଂ ହସ୍ପିଟାଲ କର୍ତ୍ତୃପକ୍ଷଙ୍କ ସହ ଯୋଗାଯୋଗରେ ଅଛନ୍ତି। ଦଳୀୟ ଅଧିକାରୀମାନେ କହିଛନ୍ତି ଯେ, ସିନ୍ଦେଙ୍କର ଡାକ୍ତରୀ ପରୀକ୍ଷା ସମାପ୍ତ ହେବା ପରେ ସେ ଶୀଘ୍ର କାର୍ଯ୍ୟରେ ଯୋଗଦେବେ।

ସୂଚନାଯୋଗ୍ୟ,ମହାରାଷ୍ଟ୍ରରେ ସମ୍ପ୍ରତି ମୌସୁମୀ ଋତୁ ଚାଲିଛି, ଯାହା ସାଧାରଣ ଭାଇରାଲ୍ ସଂକ୍ରମଣ, ଋତୁକାଳୀନ ଫ୍ଲୁ ଏବଂ ଥକ୍କାପଣ ଜନିତ ଅସୁସ୍ଥତା ସୃଷ୍ଟି କରୁଛି। ଏହି ଋତୁରେ ଲୋକମାନଙ୍କଠାରେ ପ୍ରାୟତଃ ଏହି ଲକ୍ଷଣଗୁଡ଼ିକ ପ୍ରକାଶ ପାଇଥାଏ। ଗତକାଲି ସିନ୍ଦେଙ୍କଠାରେ ମଧ୍ୟ ସମାନ ଲକ୍ଷଣ ଦେଖାଦେଇଥିଲା। ଯାହା ଫଳରେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା। ସୂତ୍ର ଅନୁଯାୟୀ ଏହା ଏକ ସତର୍କତାମୂଳକ ପଦକ୍ଷେପ। ତାଙ୍କ ସ୍ୱାସ୍ଥ୍ୟବସ୍ଥା ସ୍ଥିର ଅଛି ଏବଂ ସେ ଶୀଘ୍ର କାମକୁ ଫେରିବେ।