3 weeks ago
12
ARTICLE AD BOX
ତେହେରାନ: ଆମେରିକା ଓ ଇରାନ ମଧ୍ୟରେ ଉତ୍ତେଜନା ବଢ଼ୁଥିବା ବେଳେ ଏହାର ରଣନୀତିକୁ ନେଇ ଏବେ ଇରାନ ଭିତରେ ବଡ଼ ଧରଣର ମତଭେଦ ସାମ୍ନାକୁ ଆସିଛି। ବିଶ୍ୱର ସବୁଠାରୁ ଗୁରୁତ୍ୱପୂର୍ଣ୍ଣ ସାମୁଦ୍ରିକ ପଥ ‘ହରମୁଜ ପ୍ରଣାଳୀ’କୁ ନେଇ ଇରାନର ଶକ୍ତିଶାଳୀ ସେନା ଏବଂ ସେଠାକାର ବେସାମରିକ ସରକାର ମୁହାଁମୁହିଁ ସ୍ଥିତିକୁ ଆସିଯାଇଛନ୍ତି।
ସୌଫାନ ସେଣ୍ଟରର ବରିଷ୍ଠ ବିଶ୍ଳେଷକ କେନେଥ କାଟଜମ୍ୟାନଙ୍କ ଅନୁସାରେ, ଇରାନରେ ବର୍ତ୍ତମାନ ଦୁଇଟି ଭିନ୍ନ ମାନସିକତା କାମ କରୁଛି। ଇରାନର ଶକ୍ତିଶାଳୀ ସାମରିକ ବାହିନୀ ‘ଇସଲାମିକ୍ ରିଭଲ୍ୟୁସନରୀ ଗାର୍ଡ କର୍ପସ’ (ଆଇଆରଜିସି) ଆମେରିକା ବିରୁଦ୍ଧରେ କଠୋର ଆଭିମୁଖ୍ୟ ଗ୍ରହଣ କରିବା ସହ ହରମୁଜ ପ୍ରଣାଳୀକୁ ବନ୍ଦ ରଖି ଆମେରିକା ଉପରେ ଚାପ ପକାଇବାକୁ ଚାହୁଁଛି। ଏହାସହ ନିହତ ସର୍ବୋଚ୍ଚ ନେତା ଆୟାତୋଲ୍ଲା ଅଲି ଖେମିନିଙ୍କ ମୃତ୍ୟୁର ପ୍ରତିଶୋଧ ନେବା ପାଇଁ କଠୋରପନ୍ଥୀ ଗୋଷ୍ଠୀ ଜିଦରେ ଅଛନ୍ତି।
ଅନ୍ୟପଟେ, ରାଷ୍ଟ୍ରପତି ମାସୁଦ ପେଜେଶକିୟାନ ଓ ସଂସଦ ବାଚସ୍ପତି ମହମ୍ମଦ ବାକର ଗାଲିବାଫ୍ଙ୍କ ନେତୃତ୍ୱରେ ଥିବା ନିର୍ବାଚିତ ସରକାର ସାମରିକ ସଂଘର୍ଷ ବଦଳରେ କୂଟନୈତିକ ଆଲୋଚନା ସପକ୍ଷରେ ଅଛନ୍ତି। ସରକାର ଚାହୁଁଛନ୍ତି ଯେ ଓମାନର ମଧ୍ୟସ୍ଥତା ଜରିଆରେ ଆମେରିକା ସହ ଆଲୋଚନା ପୁନଃ ଆରମ୍ଭ କରାଯାଉ ଏବଂ ଶାନ୍ତିପୂର୍ଣ୍ଣ ସମାଧାନ ବାହାର କରାଯାଉ। ଇରାନ ଭିତରର ଏହି ଆନ୍ତରିକ ବିବାଦ ଏବେ ବିଶ୍ୱ ତୈଳ ବଜାର ଓ ଆଞ୍ଚଳିକ ସୁରକ୍ଷା ପାଇଁ ଚିନ୍ତାର ବିଷୟ ପାଲଟିଛି।
Strait of Hormuz: ହର୍ମୁଜ୍ ବନ୍ଦ ନେଇ ଆମେରିକା କ୍ରୋଧିତ!: ୭ଟି ସହରର ୧୨ ଲକ୍ଷ୍ୟସ୍ଥଳ ଧ୍ୱଂସ
