2 weeks ago
8
ARTICLE AD BOX
ତେହେରାନ:ଆମେରିକାର କେନ୍ଦ୍ରୀୟ କମାଣ୍ଡ ସେଣ୍ଟକମ୍ ଲଗାତାର ସାତରାତି ଧରି ଇରାନ ଉପରେ ଆକ୍ରମଣ କରିଛି। ଆମେରିକାର ଏହି ସାମରିକ କାର୍ଯ୍ୟାନୁଷ୍ଠାନ ପରେ ଇରାନ ଚେତାବନୀ ଦେଇଛି ଯେ, କୌଣସି ସୀମା ଆଉ ସୁରକ୍ଷିତ ରହିବ ନାହିଁ। ଶାନ୍ତି ଆଲୋଚନା ଭଙ୍ଗ ପରେ ତେହେରାନ ପକ୍ଷରୁ ସବୁଠାରୁ ବଡ଼ ଧରଣର ଆକ୍ରମଣ କରାଯାଇ କତାର, କୁଏତ ଏବଂ ଜୋର୍ଡାନ ସମେତ ଅନ୍ୟ ଆମେରିକୀୟ ସହଯୋଗୀମାନଙ୍କୁ ଟାର୍ଗେଟ କରାଯାଇଛି। ଶୀର୍ଷ ଇରାନୀ ସାମରିକ ପରାମର୍ଶଦାତା ଚେତାବନୀ ଦେଇଛନ୍ତି , ଯଦି ଆମେରିକା ଗୁଳିବର୍ଷା ଜାରି ରଖେ, ତେବେ ଆଗାମୀ ଦିନରେ ଇରାନ ଦ୍ବାରା ଏକ ଅଧିକ ‘ବଡ଼ ଧରଣର ଆକ୍ରମଣ’ ହୋଇପାରେ।
ଦକ୍ଷିଣ ଇରାନରେ ଅନେକ ପୋଲ କ୍ଷତିଗ୍ରସ୍ତ
ରିପୋର୍ଟ ଅନୁଯାୟୀ, ହର୍ମୁଜ୍ ପ୍ରଣାଳୀ ନିକଟରେ ଏକ ନିରୀକ୍ଷଣ ଟାୱାର ଧ୍ୱଂସର ଜବାବରେ ତେହେରାନ ପାରସ୍ୟ ଉପସାଗରର ପ୍ରମୁଖ ବନ୍ଦରଗୁଡ଼ିକୁ ଟାର୍ଗେଟ କରିବାକୁ ଧମକ ଦେଇଛି। ଆମେରିକାର ବୋମା ମାଡ଼ରେ ଦକ୍ଷିଣ ଇରାନରେ ଅନେକ ପୋଲ କ୍ଷତିଗ୍ରସ୍ତ ହୋଇଛି, ଯେଉଁଥିରୁ ଅନେକ ପୋଲ ଉପକୂଳବର୍ତ୍ତୀ ସହର ବନ୍ଦର ଆବାସକୁ ସଂଯୋଗ କରୁଥିବା ରାସ୍ତାରେ ରହିଥିଲା।
Canada Tariffs: ଆମେରିକାରେ କାନାଡାର ବିଷାକ୍ତ ବାୟୁ!: ଶୁଳ୍କ ବୃଦ୍ଧି କରିବାକୁ ଧମକ ଦେଲେ ଟ୍ରମ୍ପ
ଇରାନର ସର୍ବୋଚ୍ଚ ନେତାଙ୍କ ବରିଷ୍ଠ ସାମରିକ ପରାମର୍ଶଦାତା ଚେତାବନୀ ଦେଇଛନ୍ତି, ଯଦି ଆମେରିକା ତେହରାନ ଉପରେ ଆକ୍ରମଣ ଦୁଇ କିମ୍ବା ତିନି ଦିନ ପର୍ଯ୍ୟନ୍ତ ଜାରି ରହେ, ତେବେ ତେହେରାନ ଏକ ବଡ଼ ଧରଣର ଆକ୍ରମଣ ପୁଣି ଥରେ ଆରମ୍ଭ କରିବାକୁ ପ୍ରସ୍ତୁତ ରହିଛି। ଇରାନୀ ସମାଚାର ଏଜେନ୍ସି ଆଇଆରଆଇବି ଅନୁଯାୟୀ, ମେଜର ଜେନେରାଲ ମୋହସେନ ରେଜାଏଇ କହିଛନ୍ତି ଯେ, ଇରାନ ଆଉ ପ୍ରତିଶୋଧ ପର୍ଯ୍ୟନ୍ତ ନିଜକୁ ସୀମିତ ରଖିବ ନାହିଁ। ଏବେ ଆଉ କୌଣସି ରାଜନୈତିକ ସୀମା ସୁରକ୍ଷିତ ରହିବ ନାହିଁ।
