Two Women Rescued: କାଠ ସଂଗ୍ରହ ବେଳେ ନଦୀରେ ଭାସି ଯାଉଥିଲେ, ଦୁଇ ମହିଳାଙ୍କୁ ଉଦ୍ଧାର କଲା ଅଗ୍ନିଶମ ବାହିନୀ

ଜହ୍ନାପଙ୍କ: ରବିବାର ଦିନ ସାଢ଼େ ୧୦ଟା ସମୟରେ ବୌଦ୍ଧ ବ୍ଲକ ବଘିଆପଡା ଗ୍ରାମ ପଞ୍ଚାୟତ ପାଲଝାର୍ ନିକଟ ସାଲୁଙ୍କି ନଦୀକୁ କାଠ ସଂଗ୍ରହ ପାଇଁ ଯାଇ ଭାସି ଯାଉଥିବା ଦୁଇ ମହିଳାଙ୍କୁ ଉଦ୍ଧାର କରିଛି ଅଗ୍ନିଶମ ବାହିନୀ l

ଉଭୟ ମହିଳାଙ୍କୁ ଉଦ୍ଧାର

ମିଳିଥିବା ସୂଚନା ଅନୁଯାୟୀ ସାଲୁଙ୍କିରେ ବନ୍ୟା ଜଳ ଆସିଥିବା ବେଳେ ବନ୍ୟା ପାଣିରେ ଅନେକ ଗଛ ଡାଳ ଓ ଶୁଖିଲା କାଠ ଭାସି ଆସୁଥିଲା l ଉକ୍ତ କାଠକୁ ନଦୀରୁ ଉଦ୍ଧାର କରି ଜାଳେଣି ପାଇଁ ସଂଗ୍ରହ କରିବାକୁ ଲକ୍ଷ୍ମୀପଦର ଗ୍ରାମର ଯଶୋବନ୍ତୀ ନାଏକ ଓ ତାଙ୍କ ଘରକୁ କୁନିଆ ଆସିଥିବା ବାଉଁଶୁଣୀ ଥାନା ଗୋଛାପଡା ଗ୍ରାମର କୁମାରୀ ମାଝୀ ବନ୍ୟାପାଣିରେ ଭାସି ଯାଇଥିଲେ l ଖବର ପାଇ ବୌଦ୍ଧ ଅଗ୍ନିଶମ ବାହିନୀ ପହଞ୍ଚି ଉଭୟ ମହିଳାଙ୍କୁ ଉଦ୍ଧାର କରିଥିବା ସୂଚନା ମିଳିଛି |

Theft: ବାରଙ୍ଗରେ ୪ ମନ୍ଦିରରୁ ଚୋରି, ପୁଲିସର ତଦନ୍ତ