1 week ago
6
ARTICLE AD BOX
ଏଠାରେ ଚାଲିଥିବା ଘରୋଇ ଶ୍ରୀଲଙ୍କା ବିପକ୍ଷ ୧୯ ବର୍ଷରୁ କମ୍ (ଯୁବ) ଦ୍ବିତୀୟ ଟେଷ୍ଟ୍କୁ ଭାରତ ୨୧୧ ରନ୍ରେ ଜିତି ନେଇଛି। ଫଳରେ ୨ ମ୍ୟାଚ୍ ବିଶିଷ୍ଟ ଏହି ଯୁବ ଟେଷ୍ଟ୍ ଶୃଙ୍ଖଳାକୁ ଭାରତ ମଧ୍ୟ ୧-୦ରେ ଜିତିଛି। ପ୍ରଥମ ଟେଷ୍ଟ୍ ଅମୀମାଂସିତ ଭାବେ ଶେଷ ହୋଇଥିଲା।
/sambad/media/media_files/2026/07/23/23bbs_29_23072026_112-2026-07-23-15-22-08.jpg)
କଲମ୍ବୋ: ଏଠାରେ ଚାଲିଥିବା ଘରୋଇ ଶ୍ରୀଲଙ୍କା ବିପକ୍ଷ ୧୯ ବର୍ଷରୁ କମ୍ (ଯୁବ) ଦ୍ବିତୀୟ ଟେଷ୍ଟ୍କୁ ଭାରତ ୨୧୧ ରନ୍ରେ ଜିତି ନେଇଛି। ଫଳରେ ୨ ମ୍ୟାଚ୍ ବିଶିଷ୍ଟ ଏହି ଯୁବ ଟେଷ୍ଟ୍ ଶୃଙ୍ଖଳାକୁ ଭାରତ ମଧ୍ୟ ୧-୦ରେ ଜିତିଛି। ପ୍ରଥମ ଟେଷ୍ଟ୍ ଅମୀମାଂସିତ ଭାବେ ଶେଷ ହୋଇଥିଲା। ୪୭୨ ରନ୍ର ବିଶାଳ ବିଜୟ ଲକ୍ଷ୍ୟକୁ ପିଛା କରୁଥିବା ଘରୋଇ ଶ୍ରୀଲଙ୍କା ତୃତୀୟ ଦିନ ଶେଷ ସୁଦ୍ଧା ୧୫୫/୪ କରିଥିଲା। ଫଳରେ ଗୁରୁବାର ଶେଷ ଦିନରେ ବିଜୟ ଲାଗି ଶ୍ରୀଲଙ୍କାକୁ ୩୧୭ ଏବଂ ଭାରତକୁ ୬ ୱିକେଟ୍ର ଆବଶ୍ୟକ ଥିଲା। ହେଲେ ଭାରତୀୟ ବୋଲର ଶ୍ରୀଲଙ୍କାକୁ ୨୬୦ ରନ୍ରେ ଅଲ୍ଆଉଟ୍ କରି ବିଜୟ ବାନା ଉଡ଼ାଇଥିଲା। ଭାରତ ପକ୍ଷରୁ ରୋହିତ ଯାଦବ ୪ ଏବଂ ଚିଗୁରୁପତି ଭେଙ୍କଟ ୩ ୱିକେଟ୍ ନେଇଥିଲେ। ପୂର୍ବରୁ ଭାରତ ପ୍ରଥମ ପାଳିରେ ୪୧୧ ରନ୍ କରିଥିଲା ବେଳେ ଶ୍ରୀଲଙ୍କାକୁ ୧୪୮ ରନ୍ରେ ଅଲ୍ଆଉଟ୍ କରିଥିଲା। ଦ୍ବିତୀୟ ପାଳିରେ ଭାରତ ୨୦୮/୩ (ଘୋଷିତ) କରି ଶ୍ରୀଲଙ୍କାକୁ ବଡ଼ ବିଜୟ ଲକ୍ଷ୍ୟ ଦେଇଥିଲା।
Advertisment
Sambad is now on WhatsApp
Join and get latest news updates delivered to you via WhatsApp
