1 hour ago
2
ARTICLE AD BOX
ମୁମ୍ବାଇ: ବଲିଉଡର ଲୋକପ୍ରିୟ ଅଭିନେତା ଶାହରୁଖ ଖାନ୍ ଆଜି ନିଜର ୬୧ତମ ଜନ୍ମଦିନ ପାଳନ କରୁଛନ୍ତି। ଏହି ବିଶେଷ ଅବସରରେ ତାଙ୍କର ଆଗାମୀ ଚଳଚ୍ଚିତ୍ରକୁ ନେଇ ଏକ ବଡ଼ ଅପଡେଟ୍ ସାମ୍ନାକୁ ଆସିଛି। ଶାହରୁଖଙ୍କ ଜନ୍ମଦିନ ଅବସରରେ ନିର୍ମାତାମାନେ ପ୍ରଶଂସକଙ୍କୁ ଏକ ବଡ଼ ଉପହାର ଦେଇଛନ୍ତି।
ରିଲିଜ୍ ହେଲା ଫିଲ୍ମର ପ୍ରଥମ ଗୀତ
ଫିଲ୍ମ ‘ଡଙ୍କି’ର ତିନି ବର୍ଷ ପରେ ଶାହରୁଖ ଖାନ୍ ଏବେ ‘କିଙ୍ଗ୍’ ଚଳଚ୍ଚିତ୍ର ଜରିଆରେ ବଡ଼ ପରଦାକୁ ଫେରୁଛନ୍ତି। ଖୁବ୍ଶୀଘ୍ର ସେ ‘କିଙ୍ଗ୍’ ଫିଲ୍ମରେ ନଜର ଆସିବେ। ତାଙ୍କ ଜନ୍ମଦିନ ଅବସରରେ ନିର୍ମାତାମାନେ ଫିଲ୍ମର ପ୍ରଥମ ଗୀତ ‘ତୁ ମିଲ୍ ଜାଏ’ ରିଲିଜ୍ କରିଛନ୍ତି। ଏହାପରେ ପ୍ରଶଂସକଙ୍କ ମଧ୍ୟରେ ଉତ୍ସାହ ଆହୁରି ବଢ଼ିଯାଇଛି।
ନିଜେ ଶାହରୁଖ ସେୟାର କଲେ ଅପଡେଟ୍
ଜନ୍ମଦିନ ଅବସରରେ ଶାହରୁଖ ନିଜେ ଏହି ଗୀତ ରିଲିଜ୍ ହେବାର ସୂଚନା ସେୟାର କରିଥିଲେ। ଗୀତଟି ସେୟାର କରି ସେ ଲେଖିଥିଲେ, “ଏହି ପ୍ରେମର ସମୟ କେବଳ ଭାଗ୍ୟବାନଙ୍କୁ ମିଳିଥାଏ... ଯେଉଁଠି ବାରୁଦର ବାସ୍ନା ମଧ୍ୟରେ ଗୋଲାପ ଫୁଟିଥାଏ... ପ୍ରେମ ଏବଂ ଅନ୍ୟାନ୍ୟ ଲଢ଼େଇର।”
ଆକ୍ସନ୍ ହିରୋ ସହ ପ୍ରେମିକ ଭୂମିକାରେ ନଜର ଆସିଲେ ଶାହରୁଖ
ଏହି ଗୀତରେ ଶାହରୁଖ ଖାନ୍ ଜଣେ ଆକ୍ସନ୍ ହିରୋ ଓ ପ୍ରେମିକ ଭାବେ ନଜର ଆସିଛନ୍ତି। ଗୀତର ଆରମ୍ଭରେ ଶାହରୁଖ କହୁଛନ୍ତି, “ମୁଁ ହତ୍ୟାକାରୀ ନୁହେଁ, ଜଣେ ପ୍ରେମିକ। ଆଉ ମୋର ନିଶାନା ହେଉଛି ମୋର ପ୍ରେମିକା।” ଏହାପରେ ତାଙ୍କ ସହ ଦୀପିକା ପାଦୁକୋନ୍ ନଜର ଆସୁଛନ୍ତି। ଗୀତରେ ପୁଣିଥରେ ଶାହରୁଖ ଓ ଦୀପିକାଙ୍କ ରୋମାଣ୍ଟିକ୍ କେମେଷ୍ଟ୍ରି ଦେଖିବାକୁ ମିଳିଛି।
Odisha CM Mohan Charan Majhi: ସନ୍ଧ୍ୟାରେ ଦୁଇଦିନିଆ ନୂ୍ଆଦିଲ୍ଲୀ ଗସ୍ତରେ ଯିବେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ
ରୋମାଣ୍ଟିକ୍ ଗୀତ ମଧ୍ୟରେ ଅନେକ ଆକ୍ସନ୍ ଭରା ଦୃଶ୍ୟ ମଧ୍ୟ ରହିଛି। ଗୋଟିଏ ପଟେ ଶାହରୁଖ ଅସ୍ତ୍ରଶସ୍ତ୍ର ଚୋରା ଚାଲାଣ କରୁଥିବା ନଜର ଆସୁଥିବା ବେଳେ ଅନ୍ୟପଟେ ଜଣେ ପ୍ରେମିକ ଭାବେ ଦେଖାଯାଇଛନ୍ତି। ଗୀତ ମଧ୍ୟରେ ବଲିଉଡ୍ ବାଦଶାହ ଶାର୍ଟଲେସ୍ ଅବତାରରେ ନିଜର ଦମ୍ଦାର ଲୁକ୍ ମଧ୍ୟ ଦେଖାଇଛନ୍ତି। ଶେଷ ଭାଗରେ ଶାହରୁଖଙ୍କ ଜବରଦସ୍ତ ଫାଇଟିଂ ସିନ୍ ଦେଖିବାକୁ ମିଳିଛି।
