1 week ago
6
ARTICLE AD BOX
ବିଶକେକ୍: ସାଂଘାଇ ସହଯୋଗ ସଂଗଠନ (ଏସସିଓ) ବୈଠକରେ ଇରାନର ବୈଦେଶିକ ମନ୍ତ୍ରୀ ଆବାସ ଆରାଘଚି ସ୍ପଷ୍ଟ କରିଛନ୍ତି ଯେ, ଆମେରିକାର ଚାପ କିମ୍ବା ଧମକ ଆଗରେ ତେହେରାନ ମୁଣ୍ଡ ନୁଆଁଇବ ନାହିଁ। ସେ କହିଛନ୍ତି, ତାଙ୍କ ଦେଶ କୌଣସି ପ୍ରକାରର ଜବରଦସ୍ତି କିମ୍ବା ବଳ ପ୍ରୟୋଗ ନିକଟରେ ଆତ୍ମସମର୍ପଣ କରିବ ନାହିଁ।ପ୍ରେସ୍ ଟିଭି ଅନୁଯାୟୀ ,କିର୍ଗିଜସ୍ତାନର ଚୋଲପୋନ୍-ଆଟାରେ ସାଂଘାଇ ସହଯୋଗ ସଂଗଠନର ବୈଦେଶିକ ମନ୍ତ୍ରୀ ପରିଷଦର ବୈଠକ ପରେ ସାମ୍ବାଦିକମାନଙ୍କ ସହ କଥାବାର୍ତ୍ତା କରିବା ସମୟରେ ଆରାଘଚି କୂଟନୈତିକ ଚ୍ୟାନେଲଗୁଡ଼ିକ ଉପରେ ଆଲୋଚନା କରିଥିଲେ। ଦ୍ୱିପାକ୍ଷିକ ଆଲୋଚନା ବିଷୟରେ ପଚରାଯିବାରୁ, ସେ କହିଛନ୍ତି, ତେହେରାନ ଏବଂ ୱାସିଂଟନ ମଧ୍ୟରେ ମୁଖ୍ୟ ପ୍ରତିବନ୍ଧକ ଯୋଗାଯୋଗ ଚ୍ୟାନେଲର ଅଭାବ ନୁହେଁ, ବରଂ ଆମେରିକାର ଭୟ ଏବଂ ଲଗାତାର ହେଉଥିବା ବଳପ୍ରୟୋଗ ନୀତି।ଆରାଘଚି କହିଛନ୍ତି ଯେ, ଇରାନ ସ୍ପଷ୍ଟ କରିଛି, ଆମେରିକାର ଦାଦାଗିରି ଆଗରେ ମୁଣ୍ଡ ନୁଆଁଇବ ନାହିଁ। ସେ ଏହା ମଧ୍ୟ ଦର୍ଶାଇଛନ୍ତି ଯେ, ମଧ୍ୟସ୍ଥିର ଭୂମିକା ଗ୍ରହଣ କରୁଥିବା ପାକିସ୍ତାନ ସହିତ ବିଭିନ୍ନ ପ୍ରସ୍ତାବ ଉପରେ ଆଲୋଚନା କରିବା ଏକ ସ୍ୱାଭାବିକ ପଦକ୍ଷେପ। ତେହେରାନର ମୁଖ୍ୟ ମତ ସ୍ପଷ୍ଟ କରି ଆରାଘଚି କହିଛନ୍ତି, ଇରାନୀ ଜନତାଙ୍କୁ ସୁରକ୍ଷା ଦେବା ଏବଂ ହର୍ମୁଜ୍ ପ୍ରଣାଳୀରେ ଇରାନର ସ୍ୱାର୍ଥକୁ ସୁରକ୍ଷା ଦେବା ଆମର ନୀତି। ଯେପର୍ଯ୍ୟନ୍ତ ଇରାନ ଲୋକଙ୍କ ଆଇନଗତ ଉଦ୍ଦେଶ୍ୟ ଏବଂ ଦାବି ପୂରଣ ନହୋଇଛି, ଆମେ ଆମର କାର୍ଯ୍ୟ ଜାରି ରଖିବୁ। ଆମେ ଧମକକୁ ଭୟ କରୁନାହୁଁ, କିମ୍ବା ଚାପ ଆଗରେ ମୁଣ୍ଡ ନୁଆଁଇବୁ ନାହିଁ, ଏବଂ ଧମକର ଭାଷାକୁ ଆମେ ସହ୍ୟ କରିବୁ ନାହିଁ।।
NEET question leak: ନିଟ୍ ପ୍ରଶ୍ନ ଲିକ୍: ସିଜେପି ସଙ୍କଟ ଟାଳିବାକୁ କାର୍ଯ୍ୟାନୁଷ୍ଠାନ
ଇରାନର ସଶସ୍ତ୍ର ବାହିନୀ ଦେଶର ସେବା କରିବା ପାଇଁ ସବୁବେଳେ ସଜାଗ। ସେ ଏସସିଓ ସଦସ୍ୟ ରାଷ୍ଟ୍ରଗୁଡ଼ିକୁ, ଏକ ପ୍ରଗତିଶୀଳ ସଂଗଠନ ଭାବରେ ବର୍ଣ୍ଣନା କରି ଆନ୍ତର୍ଜାତୀୟସ୍ତରରେ ପ୍ରାଧାନ୍ୟ ବିସ୍ତାର କରିବାକୁ ଚାହୁଁଥିବା ୱାସିଂଟନ ଏବଂ ପାଶ୍ଚାତ୍ୟ ସଂସ୍ଥାଗୁଡ଼ିକର ଏକପାଖିଆ ଏଜେଣ୍ଡାକୁ ବିରୋଧ କରିବାକୁ ଅନୁରୋଧ କରିଛନ୍ତି। ସେ ଏକତରଫାବାଦ ବିରୋଧରେ ଦୃଢ଼ ପଦକ୍ଷେପ ନେବାକୁ, ଅନ୍ତର୍ଜାତୀୟ ଆଇନକୁ ସମର୍ଥନ କରିବାକୁ ଏବଂ ରାଷ୍ଟ୍ରର ସାର୍ବଭୌମତ୍ୱ ପାଇଁ ସମର୍ଥନ କରିବାକୁ ଆହ୍ୱାନ କରିଛନ୍ତି।
ମସ୍କୋ ସହିତ ନିରନ୍ତର ସମନ୍ୱୟ
ଶିଖର ସମ୍ମିଳନୀରେ, ଆରାଘଚି କିର୍ଗିଜସ୍ତାନ, ରୁଷ, ପାକିସ୍ତାନ, ଇଜିପ୍ଟ, ଉଜବେକିସ୍ତାନ ଏବଂ ଚୀନ୍ର ତାଙ୍କ ପ୍ରତିପକ୍ଷଙ୍କ ସହ ସାକ୍ଷାତ କରିଥିଲେ। ସେ ଚୀନ୍ର ବୈଦେଶିକ ମନ୍ତ୍ରୀ ୱାଙ୍ଗ ୟି ଏବଂ ରୁଷର ବୈଦେଶିକ ମନ୍ତ୍ରୀ ସେରଗେଇ ଲାଭରୋଭଙ୍କ ସହ ବ୍ୟାପକ ଆଲୋଚନା କରି ନିଶ୍ଚିତ କରିଛନ୍ତି ଯେ, ତେହେରାନ ବେଜିଂ ଏବଂ ମସ୍କୋ ସହିତ ନିରନ୍ତର ସମନ୍ୱୟ ବଜାୟ ରଖିଛି।
