2 weeks ago
11
ARTICLE AD BOX
ମୁମ୍ବାଇ: କମେଡିଆନ ସମୟ ରୈନା ଶୁକ୍ରବାର ‘ଇଣ୍ଡିଆସ୍ ଗଟ୍ ଲାଟେଣ୍ଟ୍, ସିଜିନ୍ ୨’ ର ଆଉ ଏକ ଏପିସୋଡ୍ ରିଲିଜ୍ କରିଛନ୍ତି, ଯାହାର କିଛି ଅଂଶ ପରେ ସୋସିଆଲ ମିଡିଆରେ ପ୍ରସାରିତ ହୋଇଛି। ରୈନା ଓ ଷ୍ଟାଣ୍ଡ-ଅପ୍ କମେଡିଆନ ଶାରୋନ୍ ବର୍ମାଙ୍କ ସହିତ ଏକ ଆଲୋଚନା ସମୟରେ ବିହାରର ଲୋକ ଓ କାଶ୍ମୀର ପଣ୍ଡିତମାନଙ୍କ ବିଷୟରେ କଥିତ ମନ୍ତବ୍ୟକୁ ନେଇ ବିବାଦ ହୋଇଛି।
ସମୟ ତାଙ୍କ ନିଜସ୍ବ ଶୈଳୀରେ ଶାରୋନଙ୍କୁ ଦର୍ଶକଙ୍କ ସହ ପରିଚିତ କରାଇ ତାଙ୍କ ବିହାର ପୃଷ୍ଠଭୂମି ବିଷୟରେ ମଜାଳିଆ ଢଙ୍ଗରେ କହିଥିଲେ, ଶାରୋନ୍ ବିହାରର। ସେ ଏତେ ବିହାରୀ ଯେ ସେ ଭାବନ୍ତି ‘ଇବୋଲା''ର ଅର୍ଥ କେହି କିଛି କହିଛନ୍ତି। ଶାରୋନ୍ ସମୟଙ୍କ କାଶ୍ମୀର ମୂଳକୁ ଟାର୍ଗେଟ କରି ମଜାଦାର ଶୈଳୀରେ ଜବାବ ଦେବାକୁ ଚେଷ୍ଟା କରିଥିଲେ। ଶାରୋନ୍ କହିଥିଲେ, ସମୟ ଖାଣ୍ଟି କାଶ୍ମୀରୀ; ସେ ପଥର ମାରିବାକୁ ଭଲ ପାଆନ୍ତି। ସମୟ ମଜା କରି ଆହୁରି କହିଥିଲେ, ଶାରୋନ୍ ବର୍ମା ଜଣେ ବିହାରୀ ଯିଏ ଚାକିରି ଖୋଜିବା ପାଇଁ ମୁମ୍ବାଇ ଆସିଥିଲେ। ଏହା କେବଳ ବିହାରୀ କଥା। ତା’ପରେ ଶାରୋନ୍ କହିଲେ, ‘ଅତି କମ୍ରେ, ମୁଁ ମୋ ରାଜ୍ୟ ମୋ ଇଚ୍ଛାରେ ତ ଛାଡିଛି।
ବିଜେପି ବିଧାୟକ ରାମ କଦମ୍ ଉଭୟଙ୍କ ମନ୍ତବ୍ୟକୁ ତୀବ୍ର ସମାଲୋଚନା କରି କହିଛନ୍ତି ଯେ, ଏହା ପ୍ରଚାର ପାଇଁ କରାଯାଇଥିଲା। ସମାଜରେ କିଛି ଶକ୍ତି ଅଛନ୍ତି ଯେଉଁମାନେ ପ୍ରଚାର ପାଇଁ ଜାଣିଶୁଣି ବିବାଦୀୟ ବୟାନ ଦିଅନ୍ତି। ସେମାନଙ୍କର ଏକମାତ୍ର ଉଦ୍ଦେଶ୍ୟ ହେଉଛି ପ୍ରସିଦ୍ଧ ହେବା। ଆମକୁ ବୁଝିବାକୁ ପଡିବ ଯେ ସନାତନ ହିନ୍ଦୁ ଧର୍ମର ଦେବତା ଓ କାଶ୍ମୀରୀ ପଣ୍ଡିତମାନଙ୍କୁ ଉପହାସର ବିଷୟ ଭାବରେ ବ୍ୟବହାର କରାଯାଇପାରିବ ନାହିଁ।
କଦମ୍ ଆହୁରି କହିଥିଲେ, କେହି ଜାଣିଶୁଣି କିଛି ଅପମାନଜନକ କଥା କହି ତା’ପରେ କ୍ଷମା ମାଗି ଦେଲେ ଚଳିବ ନାହିଁ। ଏହି ସମୟ ମଧ୍ୟରେ ସେମାନେ ସାରା ଦେଶରେ ମାଗଣାରେ ଚାହୁଁଥିବା ପ୍ରଚାର ପାଆନ୍ତି ବୋଲି କହିଛନ୍ତି।
ପୁଣି ଭୀଷଣ ରୂପ ନେଇଛି ରୁଷ୍-ୟୁକ୍ରେନ୍ ଯୁଦ୍ଧ ; ୨୭ ମୃତ: ୫୦ ଘର ନଷ୍ଟ
