2 days ago
3
ARTICLE AD BOX
ନୂଆଦିଲ୍ଲୀ: ଦେଶର ଅନେକ ରାଜ୍ୟର ଆର୍ଥିକ ସ୍ଥିତିକୁ ନେଇ ଚିନ୍ତା ବଢ଼ିଛି। ରାଜସ୍ୱ ଖର୍ଚ୍ଚ ବଢ଼ିବା, ପୁଞ୍ଜି ବ୍ୟୟର ଗତି କମିବା ଓ ଋଣ ଭାର ବୃଦ୍ଧି ରାଜ୍ୟଗୁଡ଼ିକ ପାଇଁ ବଡ଼ ଆହ୍ବାନ ସୃଷ୍ଟି କରିଛି। ବିତ୍ତୀୟ ନିଅଣ୍ଟକୁ ନିୟନ୍ତ୍ରଣରେ ରଖିବା ସହ ବିକାଶମୂଳକ ଖର୍ଚ୍ଚ ବଢ଼ାଇବା ରାଜ୍ୟଗୁଡ଼ିକ ପାଇଁ ଏବେ ଜରୁରୀ ହୋଇପଡ଼ିଛି।ରାଜ୍ୟଗୁଡ଼ିକର ମୋଟ ଖର୍ଚ୍ଚରେ ବେତନ, ପେନ୍ସନ, ସୁଧ ପରିଶୋଧ, ସବ୍ସିଡି ଓ ବିଭିନ୍ନ କଲ୍ୟାଣକାରୀ ଯୋଜନା ଭଳି ରାଜସ୍ୱ ଖର୍ଚ୍ଚର ଅଂଶ ବଢ଼ୁଛି। ଏଭଳି ଖର୍ଚ୍ଚରୁ ତୁରନ୍ତ ଲାଭ ମିଳୁଥିଲେ ମଧ୍ୟ ଦୀର୍ଘମିଆଦୀ ଭିତ୍ତିରେ ଏହା ରାଜ୍ୟର ଆର୍ଥିକ ସ୍ଥିତି ଉପରେ ଚାପ ପକାଇବ। ଅନ୍ୟପକ୍ଷରେ ରାସ୍ତା, ଶିଳ୍ପ, ବିଦ୍ୟୁତ୍, ଜଳ ଓ ଅନ୍ୟାନ୍ୟ ଭିତ୍ତିଭୂମି ପାଇଁ ହେଉଥିବା ପୁଞ୍ଜି ବ୍ୟୟ ଆଶାନୁରୂପ ଭାବେ ବଢ଼ୁନାହିଁ। ବିଭିନ୍ନ ରାଜ୍ୟର ଆର୍ଥିକ ସ୍ଥିତି ସମ୍ପର୍କିତ ସିଏଜି ରିପୋର୍ଟରେ ମଧ୍ୟ ଏହି ଚିତ୍ର ସାମନାକୁ ଆସିଛି। ତାମିଲନାଡୁର ୨୦୨୪-୨୫ର ଆର୍ଥିକ ସ୍ଥିତି ଉପରେ ସିଏଜି ରିପୋର୍ଟରେ ରାଜସ୍ୱ ଆୟର ଧିମା ବୃଦ୍ଧି, ଅଧିକ ବାଧ୍ୟତାମୂଳକ ଖର୍ଚ୍ଚ ଓ ସବ୍ସିଡି ଉପରେ ନିର୍ଭରଶୀଳତା ନେଇ ଚିନ୍ତା ପ୍ରକଟ କରାଯାଇଛି। ଏହି ସମୟରେ ରାଜ୍ୟର ବକେୟା ସାର୍ବଜନୀନ ଋଣ ମଧ୍ୟ ଦ୍ରୁତ ବଢ଼ିଥିବା ସିଏଜି କହିଛନ୍ତି।
Supremecourt: ହିନ୍ଦୀରେ ‘ଜନ ସୂଚନା ସେବା’ ଆରମ୍ଭ କରିବେ ସୁପ୍ରିମ୍କୋର୍ଟ
ତାମିଲନାଡୁର ବକେୟା ସାର୍ବଜନୀନ ଋଣ ୨୦୧୫-୧୬ରେ ପ୍ରାୟ ୧.୯୪ ଲକ୍ଷ କୋଟି ଟଙ୍କା ଥିବାବେଳେ ୨୦୨୪-୨୫ରେ ଏହା ୭.୯୪ ଲକ୍ଷ କୋଟି ଟଙ୍କାକୁ ବଢ଼ିଛି। ଅର୍ଥାତ୍ ପ୍ରାୟ ୩୦୯% ବୃଦ୍ଧି ହୋଇଛି। ସେହିପରି ତାମିଲନାଡୁର ମୋଟ ସରକାରୀ ଖର୍ଚ୍ଚରେ ପୁଞ୍ଜି ବ୍ୟୟର ଅଂଶ ୧୨.୧୪% ରହିଛି। ରାଜ୍ୟ ମୋଟ୍ ଘରୋଇ ଉତ୍ପାଦ (ଜିଏସ୍ଡିପି) ତୁଳନାରେ ଏହା ୧.୫୧% ବୋଲି ରିପୋର୍ଟରେ ଦର୍ଶାଯାଇଛି। କେରଳର ଆର୍ଥିକ ସ୍ଥିତି ମଧ୍ୟ ଚିନ୍ତାର କାରଣ ହୋଇଛି। ୨୦୨୪-୨୫ରେ କେରଳର ମୋଟ ସରକାରୀ ଖର୍ଚ୍ଚ ୮.୯୭% ବଢ଼ିଥିଲା। ଏଥିରେ ରାଜସ୍ୱ ଖର୍ଚ୍ଚ ୯.୩୨% ବା ୧୩,୨୯୪.୪୪ କୋଟି ଟଙ୍କା ବଢ଼ିଥିଲା। ତେବେ ଏହି ସମୟରେ ରାଜ୍ୟର ପୁଞ୍ଜି ବ୍ୟୟ ୧୭,୮୮୬.୭୮ କୋଟି ଟଙ୍କାରେ ପହଞ୍ଚିଥିଲା ଯାହା ଗତ ଦଶନ୍ଧିରେ ସର୍ବାଧିକ। ତଥାପି ବଜେଟ୍ ବାହାରେ ଋଣ ଉପରେ ରାଜ୍ୟର ନିର୍ଭରଶୀଳତାକୁ ନେଇ ସିଏଜି ଚିନ୍ତା ପ୍ରକଟ କରିଛି।
Man Dies of Electric Shock ଷଣ୍ଢ ପାଇଁ ବିଦ୍ୟୁତ୍ ତାର ବିଛାଇଥିଲେ, ସଂସ୍ପର୍ଶରେ ଆସି ବୃଦ୍ଧ ମୃତ
କ୍ରିସିଲ୍ର ଏକ ରିପୋର୍ଟ ଅନୁସାରେ, ୨୦୨୫-୨୬ରେ ୧୭ଟି ପ୍ରମୁଖ ରାଜ୍ୟର ବିତ୍ତୀୟ ନିଅଣ୍ଟ ଜିଏସ୍ଡିପିର ୩.୨% ରହିଛି। ଏହି ରାଜ୍ୟଗୁଡ଼ିକର ରାଜସ୍ୱ ନିଅଣ୍ଟ ମଧ୍ୟ ଗୋଟିଏ ବର୍ଷ ପୂର୍ବର ୦.୭%ରୁ ବଢ଼ି ୦.୮% ହୋଇଛି। ଅନ୍ୟପକ୍ଷରେ ପୁଞ୍ଜି ବ୍ୟୟ ଜିଏସ୍ଡିପିର ୨.୨% ରହିଛି ଯାହା ୨୦୨୪-୨୫ର ୨.୩% ଠାରୁ କମ୍।
ଦେଶର ମୋଟ ସରକାରୀ ଖର୍ଚ୍ଚର ଅର୍ଦ୍ଧାଧିକ ଅଂଶ ରାଜ୍ୟଗୁଡ଼ିକ ଖର୍ଚ୍ଚ କରୁଥିବାରୁ ସେମାନଙ୍କ ଆର୍ଥିକ ସ୍ଥିତିର ପ୍ରଭାବ ସମଗ୍ର ଅର୍ଥନୀତି ଉପରେ ପଡ଼ିବ। ତେଣୁ ରାଜ୍ୟଗୁଡ଼ିକୁ ରାଜସ୍ୱ ଆୟ ବଢ଼ାଇବା ସହ ଅନାବଶ୍ୟକ ଖର୍ଚ୍ଚ କମାଇବାକୁ ପଡ଼ିବ। ଏହା ସହିତ ଭିତ୍ତିଭୂମି ଓ ଉତ୍ପାଦନକ୍ଷମ ପ୍ରକଳ୍ପରେ ପୁଞ୍ଜି ବ୍ୟୟକୁ ପ୍ରାଥମିକତା ଦେବାକୁ ହେବ। ନଚେତ ଋଣ ଭାର ଓ ରାଜସ୍ୱ ଖର୍ଚ୍ଚ ବଢ଼ିବା ଆଗାମୀ ଦିନରେ ରାଜ୍ୟଗୁଡ଼ିକର ବିକାଶ ପାଇଁ ବଡ଼ ବାଧା ସୃଷ୍ଟି କରିବ।
