1 day ago
1
ARTICLE AD BOX
ଇସ୍ଲାମାବାଦ: ପାକିସ୍ତାନରେ ବଢ଼ୁଥିବା ଜନଅସନ୍ତୋଷ, ଆର୍ଥିକ ସଙ୍କଟ ଓ ସରକାରୀ କଟକଣା ମଧ୍ୟରେ ଦେଶର ଜେନ୍-ଜି ପିଢ଼ି ଭବିଷ୍ୟତରେ ବଡ଼ ରାଜନୈତିକ ପରିବର୍ତ୍ତନର କାରଣ ହୋଇପାରିବ କି ନାହିଁ, ତାହାକୁ ନେଇ ଚର୍ଚ୍ଚା ଜୋର ଧରିଛି। ବିଶେଷକରି ପାକ୍-ଅଧିକୃତ କାଶ୍ମୀରରେ ସମ୍ପ୍ରତି ହୋଇଥିବା ହିଂସାତ୍ମକ ପ୍ରତିବାଦ ପରେ ଏହି ପ୍ରସଙ୍ଗ ଆହୁରି ଗୁରୁତ୍ବ ପାଇଛି।
ଆହୁରି ପଢନ୍ତୁ : Attack on police: କଣ୍ଟାବାଞ୍ଜିରେ ପୁଲିସ ଟିମ୍ ଉପରେ ଆକ୍ରମଣ, ଓପିଏଫ୍ କର୍ମଚାରୀ ଗୁରୁତର
ସମ୍ପ୍ରତି ପାକ୍-ଅଧିକୃତ କାଶ୍ମୀରରେ ଦୈନନ୍ଦିନ ଜୀବନ ସହ ଜଡ଼ିତ ଆର୍ଥିକ ସମସ୍ୟା ଓ ସ୍ଥାନୀୟ ନିର୍ବାଚନକୁ କେନ୍ଦ୍ର କରି ବ୍ୟାପକ ପ୍ରତିବାଦ ହୋଇଥିଲା। ଏହି ଘଟଣାରେ ଏକ ସପ୍ତାହ ମଧ୍ୟରେ ଅତି କମ୍ରେ ୪୦ ଜଣଙ୍କ ମୃତ୍ୟୁ ଘଟିଥିବା ଖବର ମିଳିଛି। ପ୍ରତିବାଦକାରୀଙ୍କ ସହ ଆଲୋଚନା କରିବା ପରିବର୍ତ୍ତେ ପାକିସ୍ତାନର ପ୍ରତିରକ୍ଷାମନ୍ତ୍ରୀ ଖ୍ବାଜା ଆସିଫ୍ ସେମାନଙ୍କୁ ଦେଶର ଶତ୍ରୁ ଓ ଭାରତ ସହ ସମାନ ବୋଲି କହିଥିଲେ।
ଆହୁରି ପଢନ୍ତୁ : father saves son ବୁଡ଼ିଯାଉଥିବା ପୁଅକୁ ଉଦ୍ଧାର କରି ଭାସିଗଲେ ବାପା
ଏହାପୂର୍ବରୁ ୩୧ ଜୁଲାଇରେ ପାକିସ୍ତାନର ଗୃହମନ୍ତ୍ରୀ ମୋହସିନ୍ ନକ୍ଭି ଦେଶର ଶାସନ ବ୍ୟବସ୍ଥା ପ୍ରାୟ ଭାଙ୍ଗିପଡ଼ିଥିବା ସ୍ବୀକାର କରିଥିଲେ। ସେ କହିଥିଲେ, ଦେଶର ଯୁବପିଢ଼ିକୁ ଅବହେଳା କରାଯାଉଛି। ସେମାନେ ଯଦି ଏକାଠି ହୋଇଯାଆନ୍ତି, ତେବେ ସମଗ୍ର ବ୍ୟବସ୍ଥାକୁ ଓଲଟାଇ ଦେଇପାରିବେ। ଏହି ମନ୍ତବ୍ୟରେ ସେ ‘କକ୍ରୋଚ୍’ (ଅସରପା) ଶବ୍ଦ ବ୍ୟବହାର କରିଥିବାରୁ ବିବାଦ ସୃଷ୍ଟି ହୋଇଥିଲା।
ଆହୁରି ପଢନ୍ତୁ : Lightning Strike ଯାଜପୁର ଜିଲ୍ଲାରେ ବିଭିନ୍ନସ୍ଥାନରେ ବଜ୍ରାଘାତ, ୨ ମୃତ ଓ ୨ ଗୁରୁତର
ବିଶ୍ଳେଷକମାନଙ୍କ ମତରେ, ପାକିସ୍ତାନରେ ଦୀର୍ଘଦିନ ଧରି ସେନାର ଆଧିପତ୍ୟ, ରାଜନୈତିକ ଅସ୍ଥିରତା, ବିରୋଧୀ ସ୍ବର ଉପରେ କଟକଣା ଓ ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ୍ ଖାନ୍ଙ୍କ ଗିରଫ ପରେ ହୋଇଥିବା ଦମନାତ୍ମକ ପଦକ୍ଷେପ ଯୁବପିଢ଼ିଙ୍କ ମଧ୍ୟରେ ଅସନ୍ତୋଷ ବଢ଼ାଇଛି। ଦେଶରେ ବେକାରି, ମୁଦ୍ରାସ୍ଫୀତି ଓ ସୁଯୋଗର ଅଭାବ ମଧ୍ୟ ଏହାକୁ ଆହୁରି ତୀବ୍ର କରିଛି। ତେବେ ବାଂଲାଦେଶର ଭଳି ପାକିସ୍ତାନରେ ଜେନ୍-ଜି ପିଢ଼ି ବଡ଼ ଜନଆନ୍ଦୋଳନ ସୃଷ୍ଟି କରିପାରିବ କି ନାହିଁ, ସେନେଇ ମତଭେଦ ରହିଛି।
