6 hours ago
1
ARTICLE AD BOX
ଭୁବନେଶ୍ବର: ଘରର ରୋଷେଇଘରେ ପିଆଜ ଏକ ଅତ୍ୟାବଶ୍ୟକ ସାମଗ୍ରୀ। ଡାଲିରେ ଛୁଙ୍କଠାରୁ ଆରମ୍ଭ କରି ତରକାରୀ ଓ ସାଲାଡ୍ ପର୍ଯ୍ୟନ୍ତ ପିଆଜର ବ୍ୟବହାର ହୋଇଥାଏ। ତେବେ ଅନେକ ସମୟରେ ପିଆଜ ଛଡ଼ାଇବା ବେଳେ ଏହାର ଚୋପାରେ କଳା ଦାଗ କିମ୍ବା କଳା ପାଉଡର ଭଳି ପଦାର୍ଥ ଦେଖାଯାଏ। ଏଭଳି ପିଆଜ ଖାଇବା ସୁରକ୍ଷିତ କି ନୁହେଁ, ତାହାକୁ ନେଇ ଲୋକଙ୍କ ମନରେ ଦ୍ୱନ୍ଦ୍ୱ ରହିଥାଏ।
ଖାଇବା ପୂର୍ବରୁ ଜାଣନ୍ତୁ ଏହି ଜରୁରୀ କଥା
ବିଶେଷଜ୍ଞଙ୍କ ମତ ଅନୁଯାୟୀ, ପିଆଜରେ ଦେଖାଯାଉଥିବା କଳା ଦାଗ ଅନେକ କ୍ଷେତ୍ରରେ କଳା ଫଙ୍ଗସ୍(ଆସ୍ପର୍ଜିଲସ୍ ନାଇଜର୍) ନାମକ ଫଙ୍ଗସ୍ ଯୋଗୁଁ ହୋଇପାରେ। ଅଧିକ ଆର୍ଦ୍ରତା, ଗରମ ପରିବେଶ ଏବଂ ବନ୍ଦ ସ୍ଥାନରେ ପିଆଜ ରଖିଲେ ଏହି ଫଙ୍ଗସ୍ ବଢ଼ିବାର ସମ୍ଭାବନା ରହିଥାଏ। ତେଣୁ ପିଆଜ ସଂରକ୍ଷଣ ସମୟରେ ଆର୍ଦ୍ରତା ନିୟନ୍ତ୍ରଣ କରିବା ଜରୁରୀ। ଯଦି କଳା ଦାଗ କେବଳ ପିଆଜର ଉପରି ଶୁଖିଲା ଚୋପାରେ ରହିଛି ଏବଂ ଭିତର ପରସ୍ତ ସଫା ଓ ଦୃଢ଼ ଅଛି, ତେବେ ଉପରି ଚୋପାକୁ କାଢ଼ିଦେବା ବିଷୟରେ ବିଚାର କରାଯାଇପାରେ। ତେବେ ଦାଗ ଭିତର ପରସ୍ତକୁ ପହଞ୍ଚିଥିଲେ, ପିଆଜ ନରମ ହୋଇଯାଇଥିଲେ କିମ୍ବା ଅସ୍ୱାଭାବିକ ଗନ୍ଧ ବାହାରୁଥିଲେ, ଏହାକୁ ଖାଇବାରୁ ଦୂରେଇ ରହିବା ଉଚିତ। ଖାଦ୍ୟର ସୁରକ୍ଷା ପାଇଁ ସନ୍ଦେହଜନକ ପିଆଜ ବ୍ୟବହାର ନକରିବା ଭଲ।
ଫଙ୍ଗସ୍ ଲାଗିଥିବା ପିଆଜ କାଟିବା ପରେ ହାତ, ଛୁରୀ ଏବଂ କଟିଂ ବୋର୍ଡକୁ ସାବୁନ ଓ ଗରମ ପାଣିରେ ଭଲ ଭାବରେ ସଫା କରିବା ଦରକାର। ଏହାଦ୍ୱାରା ଅନ୍ୟ ଖାଦ୍ୟ ସାମଗ୍ରୀରେ ଦୂଷଣ ବ୍ୟାପିବାର ଆଶଙ୍କା କମିପାରେ। ଆଲର୍ଜି କିମ୍ବା ଆସ୍ଥମା ସମସ୍ୟା ଥିବା ବ୍ୟକ୍ତିମାନେ ଫଙ୍ଗସ୍ ଲାଗିଥିବା ପିଆଜ ନିକଟରେ ଅଧିକ ସମୟ ରହିବାରୁ ସତର୍କ ରହିବା ଉଚିତ। ପିଆଜକୁ ଦୀର୍ଘ ସମୟ ଭଲ ରଖିବା ପାଇଁ ଏହାକୁ ବନ୍ଦ ପ୍ଲାଷ୍ଟିକ୍ ଡବା କିମ୍ବା ପଲିଥିନ୍ରେ ରଖିବା ଉଚିତ ନୁହେଁ। ଏହା ବଦଳରେ ହାୱା ଚଳାଚଳ କରୁଥିବା ଜାଲିଯୁକ୍ତ ଟୋକେଇ କିମ୍ବା ଖୋଲା ସ୍ଥାନରେ ରଖିବା ଉପଯୋଗୀ। ପିଆଜକୁ ଆର୍ଦ୍ରତା ଓ ସିଧାସଳଖ ସୂର୍ଯ୍ୟକିରଣଠାରୁ ଦୂରେ, ଥଣ୍ଡା ଓ ଶୁଖିଲା ସ୍ଥାନରେ ସଂରକ୍ଷଣ କରନ୍ତୁ।
Rapid Weight Loss: ଦ୍ରୁତ ଓଜନ ହ୍ରାସ: କେଶ, ମୁହଁ ଏବଂ ମାଂସପେଶୀ ଉପରେ ଏହାର ପ୍ରଭାବ କ’ଣ ପଡ଼ୁଛି, ଜାଣିବା...
