1 week ago
4
ARTICLE AD BOX
ନୂଆଦିଲ୍ଲୀ: କେନ୍ଦ୍ର ଶିକ୍ଷାମନ୍ତ୍ରୀ ପଦରୁ ଧର୍ମେନ୍ଦ୍ର ପ୍ରଧାନଙ୍କ ଇସ୍ତଫା ଦେବା ବିଜେପି ନେତୃତ୍ବାଧୀନ ଏନ୍ଡିଏ ସରକାରରେ ଏକ ବିରଳ ଘଟଣା। ଏତେ ବିରଳ ଯେ, ଏଥପାଇଁ ଆଠବର୍ଷ ତଳ ୨୦୧୮ ମସିହାକୁ ଫେରିବାକୁ ପଡିବ। ସେତେବେଳେ କେନ୍ଦ୍ର ବୈଦେଶିକ ରାଷ୍ଟ୍ରମନ୍ତ୍ରୀ ପଦରୁ ଏମ୍ ଜେ ଆକବର ଇସ୍ତଫା ଦେଇଥିଲେ। ଏହି ଦୃଷ୍ଟିରୁ ନିଟ୍ ପ୍ରଶ୍ନପତ୍ର ଲିକ୍ ମାମଲାରେ କେନ୍ଦ୍ର କ୍ୟାବିନେଟ ମନ୍ତ୍ରୀ ପଦରୁ ଧର୍ମେନ୍ଦ୍ର ପ୍ରଧାନଙ୍କ ଇସ୍ତଫା କକ୍ରୋଚ ଜନତା ପାର୍ଟି ପାଇଁ ଏକ ବଡ଼ ସଫଳତା ଭାବେ ଦେଖାଯାଉଛି।
ବିରୋଧୀ ଦଳର ନେତାମାନେ ଦୀର୍ଘ ଦିନ ଧରି କେନ୍ଦ୍ର ସରକାରଙ୍କୁ ଅହଂକାରୀ ବୋଲି ଅଭିଯୋଗ କରିଆସୁଛନ୍ତି। ଏନ୍ଡିଏ ସରକାରରେ ମନ୍ତ୍ରୀମାନେ ଯେତେ ବଡ଼ ବିବାଦରେ ଥିଲେ ମଧ୍ୟ ମନ୍ତ୍ରିପଦ ଛାଡି ନାହାନ୍ତି। ୨୦୧୪ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କ୍ଷମତାକୁ ଆସିବା ପରଠାରୁ ଏହି ଧାରା ଜାରି ରହିଥିଲା। କେବଳ ୨୦୧୮ ମସିହାରେ ଏମ୍ ଜେ ଆକବରଙ୍କୁ ରାଷ୍ଟ୍ରମନ୍ତ୍ରୀ ପଦରୁ ଇସ୍ତଫା ଦେବାକୁ ପଡ଼ିଥିଲା।
ଆହୁରି ପଢନ୍ତୁ: Suna Besha 2026: ମନଲୋଭା ସୁନାବେଶ; ଭକ୍ତଙ୍କୁ ଦର୍ଶନ ଦେବେ ସୁବର୍ଣ୍ଣ ଅଳଙ୍କାରରେ ଆଭୂଷିତ ମହାପ୍ରଭୁ
ତାଙ୍କ ବିରୋଧରେ ଅନେକ ମହିଳା ଯୌନ ନିର୍ଯାତନା ଅଭିଯୋଗ ଆଣିଥିଲେ। ଦେଶରେ ସେତେବେଳେ ବଡ଼ଧରଣ ‘ମି ଠୁ ଅଭିଯାନ’ ଚାଲିଥିଲା। ଏମ୍ ଜେ ଆକବର ଅନେକ ପ୍ରମୁଖ ଖବରକାଗଜରେ ସମ୍ପାଦକ ଥିବାବେଳେ ତାଙ୍କ ଅଧୀନରେ କାମ କରୁଥିବା କିମ୍ବା ତାଙ୍କ ସଂସ୍ପର୍ଶରେ ଆସୁଥିବା ମହିଳାଙ୍କୁ ଯୌନ ନିର୍ଯାତନା ଦେଇଥିବା ଅଭିଯୋଗ ହୋଇଥିଲା।
