1 week ago
8
ARTICLE AD BOX
ନୂଆଦିଲ୍ଲୀ: ଫୁଟବଲ୍ ଜଗତର ଦୁଇ ମହାନ ତାରକା ଲିଓନେଲ୍ ମେସି ଓ କ୍ରିଷ୍ଟିଆନୋ ରୋନାଲ୍ଡୋଙ୍କ ମଧ୍ୟରେ ପଡ଼ିଆରେ ପ୍ରତିଦ୍ୱନ୍ଦ୍ୱିତା ସବୁବେଳେ ଚର୍ଚ୍ଚାରେ ରହିଆସିଛି। ତେବେ ରୋଜଗାର ଓ ସମ୍ପତ୍ତି ଦୃଷ୍ଟିରୁ ମଧ୍ୟ ଉଭୟଙ୍କ ମଧ୍ୟରେ ରହିଛି ରୋଚକ ପ୍ରତିଯୋଗିତା। ୨୦୨୬ର ଆକଳନ ଅନୁଯାୟୀ, ମୋଟ ସମ୍ପତ୍ତି କ୍ଷେତ୍ରରେ ରୋନାଲ୍ଡୋ ମେସିଙ୍କଠାରୁ ଆଗରେ ଅଛନ୍ତି।
ସୋସିଆଲ ମିଡିଆରୁ ବିପୁଳ ଆୟ
ଫୋବର୍ସର ଆକଳନ ଅନୁଯାୟୀ, କ୍ରିଷ୍ଟିଆନୋ ରୋନାଲ୍ଡୋଙ୍କ ଆନୁମାନିକ ମୋଟ ସମ୍ପତ୍ତି ପ୍ରାୟ ୧.୨ ବିଲିୟନ ଡଲାର। ଗତ ୧୨ ମାସରେ ତାଙ୍କର ଆୟ ପ୍ରାୟ ୩୦୦ ନିୟୁତ ଡଲାର ଥିବା ଆକଳନ କରାଯାଇଛି। ଏଥିରେ ଫୁଟବଲ୍ରୁ ମିଳୁଥିବା ଆୟ ସହ ବିଜ୍ଞାପନ, ପ୍ରାୟୋଜକତା ଓ ବିଭିନ୍ନ ବ୍ୟବସାୟିକ ଉତ୍ସରୁ ହେଉଥିବା ରୋଜଗାର ସାମିଲ ରହିଛି। ସାଉଦି ଆରବର କ୍ଲବ ଅଲ୍-ନାସର ସହ ରୋନାଲ୍ଡୋଙ୍କ ଚୁକ୍ତି ତାଙ୍କ ଆୟର ଏକ ବଡ଼ ଉତ୍ସ। ଏହାବ୍ୟତୀତ ତାଙ୍କ CR7 ବ୍ରାଣ୍ଡ, ପ୍ରାୟୋଜକତା ଓ ସୋସିଆଲ ମିଡିଆରୁ ମଧ୍ୟ ବିପୁଳ ଆୟ ହୋଇଥାଏ।
ଅନ୍ୟପକ୍ଷରେ, ଲିଓନେଲ୍ ମେସିଙ୍କ ଆନୁମାନିକ ମୋଟ ସମ୍ପତ୍ତି ପ୍ରାୟ ୧.୧ ବିଲିୟନ ଡଲାର। ଗତ ୧୨ ମାସରେ ତାଙ୍କ ମୋଟ ଆୟ ପ୍ରାୟ ୧୪୦ ନିୟୁତ ଡଲାର ଥିବା ଆକଳନ କରାଯାଇଛି। ଫୁଟବଲ୍ ବ୍ୟତୀତ ବିଜ୍ଞାପନ ଓ ବିଭିନ୍ନ ବ୍ୟବସାୟିକ ଚୁକ୍ତିରୁ ମଧ୍ୟ ମେସି ଆୟ କରୁଛନ୍ତି। ମେସିଙ୍କ ଆର୍ଥିକ ସ୍ଥିତିକୁ ମଜବୁତ କରିଥିବା ଅନ୍ୟତମ ପ୍ରମୁଖ କାରଣ ହେଉଛି ଇଣ୍ଟର ମିଆମି ସହ ତାଙ୍କର ସମ୍ପର୍କ। ଅବସର ପରେ କ୍ଲବରେ ଅଂଶଧନ ହାସଲ କରିବାର ବିକଳ୍ପ ମଧ୍ୟ ତାଙ୍କୁ ମିଳିଥିବା କୁହାଯାଉଛି। ଏହା ସହିତ ଆଡିଡାସ୍ ସହ ତାଙ୍କର ଦୀର୍ଘମିଆଦୀ ଚୁକ୍ତି ମଧ୍ୟ ତାଙ୍କ ଆୟର ଏକ ବଡ଼ ଉତ୍ସ।
Duleep Trophy final: ଦଲୀପ ଟ୍ରଫି ଫାଇନାଲ୍: ଫଲୋଅନ୍ ଦ୍ବାରରେ ଦକ୍ଷିଣାଞ୍ଚଳ
ମୋଟ ସମ୍ପତ୍ତି ତୁଳନା କଲେ ରୋନାଲ୍ଡୋ ମେସିଙ୍କଠାରୁ ପ୍ରାୟ ୧୦୦ ନିୟୁତ ଡଲାର ଆଗରେ ଅଛନ୍ତି। ରୋନାଲ୍ଡୋଙ୍କ ସମ୍ପତ୍ତି ପ୍ରାୟ ୧.୨ ବିଲିୟନ ଡଲାର ହୋଇଥିବାବେଳେ ମେସିଙ୍କ ସମ୍ପତ୍ତି ପ୍ରାୟ ୧.୧ ବିଲିୟନ ଡଲାର ବୋଲି ଆକଳନ କରାଯାଇଛି। ତେବେ ଏଭଳି ସମ୍ପତ୍ତି ଓ ଆୟର ଆକଳନ ସମୟ ସହିତ ପରିବର୍ତ୍ତିତ ହୋଇପାରେ।
