1 month ago
13
ARTICLE AD BOX
ଚଣ୍ଡିଗଡ଼: ପଞ୍ଜାବରେ ହେବାକୁଥିବା ଆଗାମୀ ୨୦୨୭ ବିଧାନସଭା ନିର୍ବାଚନ ପୂର୍ବରୁ କଂଗ୍ରେସକୁ ବଡ଼ ଝଟକା ଲାଗିପାରେ। ମନୀଷ ତିୱାରୀ ଦଳ ଛାଡିପାରନ୍ତି ବୋଲି ହେଉଥିବା ଚର୍ଚ୍ଚା ରାଜନୈତିକ କରିଡରକୁ ଉଷ୍ମ କରିଛି। ପଞ୍ଜାବ ବିଧାନସଭା ନିର୍ବାଚନ ପୂର୍ବରୁ, ଭାରତୀୟ ଜାତୀୟ କଂଗ୍ରେସ ରାଜ୍ୟ ସଂଗଠନରେ ବଡ଼ ପରିବର୍ତ୍ତନ ନେଇ ଚାଲିଥିବା କଳ୍ପନାଜଳ୍ପନାର ଅନ୍ତ ଘଟାଇଛି। ବୁଧବାର ଦିନ ଦଳ ସ୍ପଷ୍ଟ କରିଥିଲା ଯେ, ବର୍ତ୍ତମାନ ପାଇଁ ରାଜ୍ୟ ନେତୃତ୍ୱର କୌଣସି ବଡ଼ ପରିବର୍ତ୍ତନ ହେବ ନାହିଁ। ଏହାକୁ ନେଇ ଲୋକସଭା ସାଂସଦ ଏବଂ ବରିଷ୍ଠ କଂଗ୍ରେସ ନେତା ମନୀଷ ତିୱାରୀ ଅସନ୍ତୁଷ୍ଟ ହୋଇଥିବା କୁହାଯାଉଛି।
କଂଗ୍ରେସ ହାଇକମାଣ୍ଡଙ୍କ ନିଷ୍ପତ୍ତିର ଗୋଟିଏ ଦିନ ପରେ ଜୁଲାଇ ୨ ଗୁରୁବାର ଦିନ, ମନୀଷ ତିୱାରୀ ସୋସିଆଲ ମିଡିଆରେ ଏକ ରହସ୍ୟମୟ ପୋଷ୍ଟ ସେୟାର କରିଛନ୍ତି। ଯାହାକୁ ତାଙ୍କ ରାଜନୈତିକ ଭବିଷ୍ୟତ ସହିତ ଯୋଡ଼ାଯାଉଛି। ତିୱାରୀ ବ୍ୟଙ୍ଗାତ୍ମକ ଭାବରେ ଲେଖିଛନ୍ତି, ‘ହୈ କୋଇ ଅବଗୁଣ ଉସମେ,ଜୈସେ କୋଇ ହୁନର ଆୱେ’ ଅର୍ଥାତ୍ ‘ଯାହାଙ୍କର କିଛି ଦକ୍ଷତା ଅଛି, ତାହା ତାଙ୍କଠାରେ ଏକ ବଡ଼ ଅବଗୁଣ ହୋଇଯାଏ’।
ଗ୍ୟାଙ୍ଗସ୍ ଅଫ୍ ‘ଏନ୍ଏଚ୍ ୫୫’: ଦୁଇ ମଦ ବ୍ୟବସାୟୀଙ୍କୁ ଲୁଟିଲେ ଦୁର୍ବୃତ୍ତ
ତା’ପରେ ସେ ଲେଖିଛନ୍ତି, ମୋ ପାଖରେ ଲୋକ ଏବଂ ସଂଗଠନ ଅସୁରକ୍ଷାର ପ୍ରତିକାର ପାଇଁ କିଛି ଉପଚାର ଥିଲେ ଭଲ ହୋଇଥାନ୍ତା। ସେ ଆହୁରି କହିଛନ୍ତି ଯେ, ଗତ ୪୫ ବର୍ଷ ମଧ୍ୟରେ ସେ ଭାରତୀୟ ଜାତୀୟ କଂଗ୍ରେସରୁ ବହୁତ କିଛି ପାଇଛନ୍ତି ଏବଂ ସେ ମଧ୍ୟ ତାଙ୍କର ସମ୍ପୂର୍ଣ୍ଣ ଜୀବନକୁ ଦଳର ସେବା ପାଇଁ ଉତ୍ସର୍ଗ କରିଛନ୍ତି। ପୋଷ୍ଟର ଶେଷରେ, ସେ ଏକ ପ୍ରସିଦ୍ଧ ଇଂରାଜୀ ଗୀତରୁ ଏକ ପଂକ୍ତି ଲେଖିଛନ୍ତି, ‘କ୍ୟୁ ସେରା, ସେରା, ହ୍ବାଟଏଭର ୱିଲ୍ ବି, ୱିଲ୍ ବି’, ଯାହାର ଅର୍ଥ ‘ଯାହା ହେବ, ତାହା ହେବ, କିମ୍ବା ‘ଯାହା ହେବାକୁ ଅଛି, ତାହା ହେବ’।
ସୂଚନାଯୋଗ୍ୟ, ଜୁଲାଇ ୧ ତାରିଖରେ କଂଗ୍ରେସ ସ୍ପଷ୍ଟ କରିଥିଲା ​​ଯେ, ଅମରିନ୍ଦର ସିଂହ ରାଜା ପଞ୍ଜାବ ପ୍ରଦେଶ କଂଗ୍ରେସ କମିଟିର ସଭାପତି ରହିବେ, ଯେତେବେଳେ ପ୍ରତାପ ସିଂହ ବାଜୱା ବିଧାନସଭାରେ କଂଗ୍ରେସ ବିଧାୟକ ଦଳର ନେତା ଭାବରେ କାର୍ଯ୍ୟ କରିବେ।
