3 weeks ago
11
ARTICLE AD BOX
ଇମ୍ଫାଲ:ମଣିପୁରର କାଙ୍ଗପୋକପି ଜିଲ୍ଲାରେ ଶନିବାର ସନ୍ଧ୍ୟାରେ ଏକ ଅଭାବନୀୟ ଘଟଣା ଘଟିଛି। ବିଲରେ ଧାନ କାମ କରୁଥିବା ସମୟରେ ଜଣେ ୫୩ ବର୍ଷୀୟ ବ୍ୟକ୍ତିଙ୍କୁ କିଛି ଅଜ୍ଞାତ ସଶସ୍ତ୍ର ଦୁର୍ବୃତ୍ତ ଗୁଳି କରି ହତ୍ୟା କରିଛନ୍ତି। ମୃତ ବ୍ୟକ୍ତି ଜଣକ କୁକି-ବହୁଳ ଅଞ୍ଚଳ ଗୋଭାଜାଙ୍ଗ ଗ୍ରାମର ହାଓଲାଲ୍ ସିଙ୍ଗସିଟ୍ ବୋଲି ଚିହ୍ନଟ ହୋଇଛନ୍ତି।
Indian Missing: ହର୍ମୁଜ୍ ପ୍ରଣାଳୀରେ ମାଲବାହୀ ଜାହାଜ ଉପରେ ଇରାନର ଆକ୍ରମଣ: ଜଣେ ଭାରତୀୟ ନିଖୋଜ, ୧୦ ଉଦ୍ଧାର
ଘଟଣାସ୍ଥଳରେ ମୃତ୍ୟୁ
ଗୁଳିମାଡ଼ ଯୋଗୁଁ ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଥିଲା। ତେବେ ଆକ୍ରମଣ ସମୟରେ ତାଙ୍କ ସହ ଉପସ୍ଥିତ ଥିବା ତାଙ୍କ ପତ୍ନୀ ନେମନେଇକିମ୍ ସିଙ୍ଗସିଟ୍ ଅଳ୍ପକେ ବର୍ତ୍ତି ଯାଇଛନ୍ତି। ସ୍ଥାନୀୟ ଗ୍ରାମବାସୀଙ୍କ କହିବା ଅନୁଯାୟୀ, ଶନିବାର ଅପରାହ୍ନ ପ୍ରାୟ ୪ଟା ସମୟରେ ହଠାତ୍ ୨୦ ରାଉଣ୍ଡରୁ ଅଧିକ ଗୁଳି ଫୁଟିବା ଶବ୍ଦ ଶୁଣାଯାଇଥିଲା, ଯାହାଫଳରେ ସମଗ୍ର ଅଞ୍ଚଳରେ ଆତଙ୍କ ଖେଳିଯାଇଥିଲା। ଘଟଣା ପରେ ସୁରକ୍ଷା ବାହିନୀ ତୁରନ୍ତ ସେଠାରେ ପହଞ୍ଚି ମୃତଦେହ ଉଦ୍ଧାର କରିଥିଲେ। ଏହି ହତ୍ୟାକାଣ୍ଡ ପଛର ପ୍ରକୃତ କାରଣ ଏପର୍ଯ୍ୟନ୍ତ ଜଣାପଡ଼ିନାହିଁ ଏବଂ ପୁଲିସ ଏହି ମାମଲାରେ ଅଧିକ ତଦନ୍ତ ଜାରି ରଖିଛି।
