1 week ago
9
ARTICLE AD BOX
କୋଲକାତା: ତୃଣମୂଳ କଂଗ୍ରେସ ମୁଖ୍ୟ ମମତା ବାନାର୍ଜୀ ଦଳର ୨୦ ଜଣ ସଦସ୍ୟ ବିଦ୍ରୋହ କରି ଟିଏମସି ଛାଡ଼ି ବିଜେପିରେ ଯୋଗଦେବା ସମ୍ପର୍କରେ ମୁହଁ ଖୋଲିଛନ୍ତି। ସେ ନିଜର କ୍ରୋଧ ପ୍ରକାଶ କରିଛନ୍ତି। ମଙ୍ଗଳବାର କୋଲକାତାରେ ଏକ ଦଳୀୟ କାର୍ଯ୍ୟକ୍ରମରେ ଭାଷଣ ଦେଇ ସେ କହିଥିଲେ, ସବୁ ଚୋର ମୋତେ ଛାଡି ଚାଲିଯାଇଛନ୍ତି। ମୋ ପିଠିରେ ଛୁରୀ ଭୁସି ସବୁ ଚୋର ବିଜେପିରେ ମିଶିଛନ୍ତି।
ସେମାନେ ଟିଏମସିର ନିର୍ବାଚନ ଚିହ୍ନରେ ଜିତିଥିଲେ। ମୁଁ ସେମାନଙ୍କୁ କେବେବି ଆଉ ଦଳରେ ଭର୍ତ୍ତି କରିବି ନାହିଁ। ସେ ରାମ ମନ୍ଦିରରେ ଦାନ ଚୋରି ପ୍ରସଙ୍ଗ ଉଠାଇ କହିଛନ୍ତି, ବିଜେପି ଭଗବାନଙ୍କଠାରୁ ଟଙ୍କା ମଧ୍ୟ ଚୋରି କରିଛି। ଦିନେ ବିଜେପିର ଭୋଟ ଜାଲିଆତିର ପର୍ଦ୍ଦାଫାସ ହେବ। ଦିଲ୍ଲୀରେ ଚାଲିଥିବା କକ୍ରୋଚ୍ ଜନତା ପାର୍ଟିର (ସିଜେପି) ଆନ୍ଦୋଳନ ବିଷୟରେ ସେ କହିଛନ୍ତି ଯେ, ଆବଶ୍ୟକ ହେଲେ ମୁଁ ବ୍ୟକ୍ତିଗତ ଭାବରେ ଆନ୍ଦୋଳନରେ ଅଂଶଗ୍ରହଣ କରିବି। ମୁଁ ଆରମ୍ଭରୁ ସେମାନଙ୍କୁ ସମର୍ଥନ କରିଆସିଛି ଏବଂ ଆଗକୁ ମଧ୍ୟ କରିବି। ଏହା ଉଲ୍ଲେଖନୀୟ ଯେ ଅଖିଳେଶ ଯାଦବ, ଅରବିନ୍ଦ କେଜରିୱାଲ ଏବଂ ରାହୁଲ ଗାନ୍ଧୀଙ୍କ ସମେତ ଅନେକ ବିରୋଧୀ ନେତା ଆନ୍ଦୋଳନକୁ ସମର୍ଥନ କରିଛନ୍ତି ଏବଂ ପ୍ରତିବାଦକାରୀଙ୍କ ସହ ମଧ୍ୟ ସାକ୍ଷାତ କରିଛନ୍ତି।
China VS Philippines: ଦକ୍ଷିଣ ଚୀନ୍ ସାଗର ସଂଘର୍ଷ: ଫିଲିପାଇନ୍ସ ରାଷ୍ଟ୍ରଦୂତଙ୍କୁ ସମନ ଜାରି କଲା ଚୀନ୍
ବିରୋଧୀ ଏକତା ପାଇଁ ତାଙ୍କର ଆହ୍ୱାନକୁ ଦୋହରାଇ ସହିଦ ଦିବସରେ ଆୟୋଜିତ ଏକ ରାଲିରେ ମମତା କହିଛନ୍ତି, ସିପିଏମ ଏବଂ କଂଗ୍ରେସ ଏକାଠି କାମ କରିବା ଉଚିତ୍। ଆମକୁ ବିଜେପି ସହିତ ଲଢ଼ିବା ପାଇଁ ଆମର ମତଭେଦକୁ ପାଶୋରି ଦେବାକୁ ପଡିବ। ବିଜେପି ବିରୋଧରେ ଚାଲିଥିବା ଲଢ଼େଇ ଆମର ବ୍ୟକ୍ତିଗତ ଅହଂକାର ଅପେକ୍ଷା ବଡ଼। ମୁଁ ସମସ୍ତଙ୍କୁ ବିଜେପି ସହିତ ଲଢ଼ିବା ପାଇଁ ଏକତ୍ର ହେବାକୁ ନିବେଦନ କରୁଛି।
