Loot: ଗୁରୁମାଙ୍କ ଘରୁ ସଶସ୍ତ୍ର ଡକାୟତି, ଲୁଟିନେଲେ ୧୦ ଲକ୍ଷ ଟଙ୍କାର ସୁନାଗହଣା

ପର୍ଜଙ୍ଗ: ଢେଙ୍କାନାଳଜିଲ୍ଲା ପର୍ଜଙ୍ଗ ଥାନା ସାଆନ୍ଦା କଲେଜ ନିକଟରେ ଥିବା ଅବସରପ୍ରାପ୍ତ ଲାଇବ୍ରେରୀଆନ ସୁରେଶ ପାଣିଙ୍କ ଘରୁ ସୋମବାର ବିଳମ୍ବିତ ରାତିରେ ଲକ୍ଷାଧିକ ଟଙ୍କାର ସୁନାଗହଣl ଲୁଟ ହୋଇଛି l ଖବର ନେବlରେ ଜଣାପଡିଛି ଶ୍ରୀ ପାଣି ଦୁଇ ମହଲା କୋଠା ଉପରେ ରୁହନ୍ତି l ତଳ ମହଲା ଭଡାରେ ଲାଗିଛି l ସମ୍ମୁଖଭାଗରେ ସିସିଟିଭି କ୍ୟାମେରା ଲାଗିଥିବାରୁ, ତିନି ଜଣ ଲୁଟେରା ଘର ପଛ ପାଖରେ ଥିବା ତାର ବାଡ଼କୁ କାଟି, ସିଡ଼ି ପକାଇ ବାଲକୋନୀରେ ଥିବା ଫାଇବର କବାଟ ଭାଙ୍ଗି ଭିତରେ ପଶିଥିଲେ l ଘର ମାଲିକ ଶ୍ରୀ ପାଣିଙ୍କ ସମେତ ତାଙ୍କ ପତ୍ନୀ ରୀନା ପାଣି ଯେ କି ସ୍ଥାନୀୟ ଶିଶୁ ମନ୍ଦିରର ଗୁରୁମା ଅଛନ୍ତି, ଉଭୟଙ୍କୁ ମାରଣାସ୍ତ୍ର ଦେଖାଇ, ଆଲମିରା ଚାବି ସହ ଦୁଇଟି ମୋବାଇଲ ନେଇ ଗୋଟିଏ ଘରେ ବନ୍ଦ କରିଦେଇଥିଲେ l ଏହାପରେ ୧୦ ଭରିର ସୁନା ଅଳଙ୍କାର ସହ ନଗଦ ୫ହଜାର ଟଙ୍କା ଲୁଟି ନେଇଥିଲେ l ଲୁଟେରାମାନେ ଗଲାବେଳେ ଗୋଟିଏ ମୋବାଇଲ ସାଆନ୍ଦା ଶିବ ମନ୍ଦିର ପାଖରେ ପକାଇଥିବାବେଳେ, ଅନ୍ୟ ଗୋଟିଏ ମୋବାଇଲ କନ୍ତିଓ କାଟେଣୀ ପାଖରେ ପକାଇ ପଣ୍ଡୁଆ ଆଡକୁ ପଳାଇଥିବା ଅନୁମାନ କରାଯାଉଛି l ଖବର ପାଇ ସ୍ଥାନୀୟ ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି l